Surau Bulian
Koordinat: 1°24′47″S 101°21′31″E / 1.413099°S 101.358632°ESurau Bulian talatak di Nagari Bidar Alam, Kecamatan Sangir Jujuan, Kabupaten Solok Selatan, Sumatra Barat. Surau iko marupoan bakeh stasiun radio PHB Angkatan Udara Republik Indonesia (AURI) dengan namo panggilan UDO nan mamungkinan Pemerintahan Darurat Republik Indonesia (PDRI) tahubung ka dunia internasional. Stasiun radio tersebut malayani rombongan PDRI nan dipimpin dek Sjafruddin Prawiranegara salamo parjalanan gerilya di Sumatra Barat.[1]
Meskipun berperan penting manyiarkan parjuangan bangsa Indonesia ka mancanegara, kaberadaan stasiun radio PHB AURI UDO indak diketahui lai. Manuruik katerangan Umar Said Noor, stasiun radio iko dibaok ka Pulau Jawa jo dipreteli untuak dijadian suku cadang radio lain.[2]
Sijarah[suntiang | suntiang sumber]
Nagari Bidar Alam manjadi basis kadudukan PDRI sajak 7 Januari hinggo 25 April 1949. Di siko, Ketua PDRI Syafruddin Prawiranegara manjalankan roda pamarentahannyo. Basamo mereka, ikuik rombongan nan mambaok stasiun radio dari Bukittinggi untuak ditempatkan jo dioperasikan di Surau Bulian. Alaik pamancar nan digunoan adolah tipe MK III 19 Set Helicraft Wireless dengan ukuran 30 x 60 cm dan tingginyo 20 cm. Tanago panggerak listriknyo didapek dari duo baterai accu masiang-masiang berkekuatan 12 volt nan dapek diisi jo sabuah handy generator. Stasiun radio tersebut salalu manjadi tumpuan bagi PDRI.
Sawaktu manjadi stasiun radio, Surau Bulian ditempati dek kiro-kiro 15 urang petugas sender radio. Dakek surau iko tumbuah sabatang baringin nan cukuik tinggi jo rindang nan dimanfaatkan dek petugas sender radio untuak manggantuangkan kabel-kabel .
Awak stasiun radio di Surau Bulian yakni Dick Tamimi salaku pananggung jawab, Kusnadi, jo Oedoyo. Namo panggilan stasiun radio iko, UDO marujuak pado singkatan Oedojo.[2] Maingek frekuensi pambaritaan di Bidar Alam sabagai pusek pamarentahan PDRI sangaik dibutuhan tanago-tanago nan ahli khususnyo di bidang sandi, mako KSAU Opsir Udara I H. Soejono jo Opsir Udara II Iskandar manunjuak duo urang tanago tambahan dari Pangkalan Udara Jambi yaitu OMU Umar Said Noor (perwira sandi)[3] jo Zainal Abidin (telegrafis). Mereka tibo di Bidar Alam awal bulan Maret 1949 jo mambaok ciek dirigen pelumas/oli untuak generator PHB.[4]
Signifikansi[suntiang | suntiang sumber]
Untuak manjago rahasia, stasiun radio iko labiah sariang baoperasi pado malam hari, nan dimulai pado pukul 21.00 WIB sampai dengan pukul 04.00 WIB. Berkat pajuangan mereka ikolah komunikasi dengan Panglima Besar Soedirman, Kolonel A.H Nasution, jo Kolonel T.B. Simatupang di Jawa dapek terselenggara, sahinggo parkembangan situasi parjuangan nan ado di Pulau Jawa dapek diketahui jo capek.
Malalui pamancar radio iko pulo, Sjafruddin Prawiranegara salaku Ketua PDRI mangaluakan pangumuman penting, antaro lain ucapan salamaik dari PDRI kapado Jawaharlal Nehru atas palantikannyo sabagai Perdana Menteri India.
Kondisi kini ko[suntiang | suntiang sumber]
Surau Bulian saat iko dijadian sabagai tampek Taman Pendidikan Al-Qur'an (TPA/TPQ). Bangunannya tadiri dari duo tingkat dengan denah dasar baukuran 4 x 5 meter. Atapnyo barupo seng.
Rujuakan[suntiang | suntiang sumber]
- ↑ (dalam bahaso id) Peran TNI-AU pada masa pemerintah darurat Republik Indonesia tahun 1948-1949. Subdisjarah. 13 April 2001. https://books.google.com/books?id=CqT4_3WCeMMC&newbks=0&printsec=frontcover&pg=PA61&dq=surau+bulian&hl=en.
- ↑ a b Noor, Umar Said (1999) (dalam bahaso id). Peran stasiun radio phb AURI: selama perang kemerdekaan RI II tahun 1948/1949 : satu tahun perjalanan dari Jambi ke Bukittinggi. Pustaka Sinar Harapan. ISBN 978-979-416-585-0. https://books.google.com/books?id=EVNwAAAAMAAJ&newbks=0&printsec=frontcover&dq=%22%22dari+telegrafis%22&q=%22%22dari+telegrafis%22&hl=en.
- ↑ Zed, Mestika (1997) (dalam bahaso id). Somewhere in the jungle: Pemerintah Darurat Republik Indonesia : sebuah mata rantai sejarah yang terlupakan. Pustaka Utama Grafiti. ISBN 978-979-444-399-6. https://books.google.com/books?id=bY5uAAAAMAAJ&newbks=0&printsec=frontcover&dq=surau+bulian&q=surau+bulian&hl=en.
- ↑ Irawan, Bimbi (dalam bahaso id). Solok Selatan, Terra Australis Incognita: Daerah Selatan Yang Belum Dikenal. Rancak Publik. ISBN 978-623-91875-1-4. https://books.google.com/books?id=0TUmEAAAQBAJ&newbks=0&printsec=frontcover&dq=TERRA+AUSTRALIS+INCOGNITA&hl=en.