Sulaiman labai

Sulaiman Labai adolah saudagar tapandang di Silungkang dan mandirian cabang Serikat Islam di sinan pado 1918, Akia perang dunia I, inyo mampolopori sarangkaian protes manantang paraturan-paraturan nan mambatehi pangangkuian bareh. katiko wargo Silungkang mandarito kalaparan, gerbong-gerbong kareta api nan panuah jo muatan padi lalu lalang malintasi Silungkang mambao pasokan untuak pajabaik pemerintah dan administrasi tambang Ombilin di Sawahlunto. Sulaiman Labai basamo puluhan pangikuiknyo mamaso kapalo stasiun manyarahan duo gerbong bareh dari kareta api nan nyo hantian di Stasiun Silungkang. inyo mambagi bagian bareh tu ka warga nan kalapaan jo mambuek tando tarimo.

SULUAH (suluh) adolah alaik untuak manarangan di malam hari wakatu ado nan nio malakuan pajalanan. Suluah biasanyo tabuek dari daun karambia nan alah kariang atau bilah-bilah batuang nan diikek sagadang ganggaman tangan, atau potongan batuang nan diisi jo minyak tanah jo diagiah sumbu dari kain.

SULUAH BENDANG DALAM NAGARI, (obor nan tarang) adolah julukan nan dibarian kapado alim ulamo di Minangkabau sabagai salah satu dari unsua kapamimpinan masyarakaik di Minangkabau nan disabuik tali tigo sapilin, tungku tigo sajarangan. Kapamimpinan tungku tigo sajarangan tadiri dari Niniak Mamak, Alim Ulama, jo  Cadiak Pandai

SUMATERA BARAT, PROVINSI, dibantuak sacaro resmi badasarkan pado Undang-Undang Darurat No. 19 Tahun 1957 tanggal 9 Agustus 1957 tantang Pambubaran Provinsi Sumatera Tangah dan pambantukan Daerah Swatantra Tingket (DST) I Sumatera Barat, Riau dan Jambi. UU No. 19/1957 kamudian dikukuahkan manjadi Undang-Undang No. 61 Tahun 1958. Dalam UU tasabuik, Bukittinggi ditatekan sabagai ibu kota Provinsi Sumatera Barat. Namun karano maso itu sadang tajadi Pagolakan Daerah (PRRI), kadudukan Bukittinggi sabagai ibukota hanyo basifaik  yuridis, sadangkan sacaro de facto kadudukan Gubernur Sumatera Barat sajak provinsi ini dibuek adolah di Kota Padang. Kota Padang sacaro formal baru ditatekan sabagai ibukota Provinsi Sumatera Barat sajak tahun 1979, bardasarkan Peraturan Pemerintah No. 29 tahun 1979.

Provinsi ko mamiliki lueh 42.297 kilometer pasagi diantaronyo bakeh  Keresidenan Sumatera Barat dikurangi bakeh wilayah Kewedanaan Kerinci (Kacamatan Kerinci Hulu, Kerinci Tangah, dan Kerinci Hilir) nan dimasukan ka Provinsi Jambi. Jumlah penduduak Sumatera Barat  kini (2004) tercatait. 4,6 juta jiwa (2004), di mano labiah 90 persen di antaranyo adolah suku bangsao Minangkaba jo bahaso Minang.