Suhatman Imam

Wikipedia Minangkabau - Lubuak aka tapian ilimu

Suhatman Imam
Informasi pribadi
Nama lengkapSuhatman Imam
Tanggal lahir1956
Tempat lahirPadang, Sumatera Barat, Indonesia
Informasi klub
Klub saat iniSemen Padang (palatiah)
Tim nasional
1975-1977Indonesia
Kepelatihan
TahunTim
1981PON Sumbar
1985PSP Padang
1992Semen Padang
1992-1993Indonesia (asisten)
2010-2011Semen Padang (direktur teknik)
2011-Semen Padang

Suhatman Imam (lahia di Padang, Sumatera Barat taun 1956) adolah surang pamain bola nasional Indonesia nan kudian jadi palatiah Semen Padang FC.

Karier[suntiang | suntiang sumber]

Bamain[suntiang | suntiang sumber]

Suhatman Imam dikana sabagai salah surang pamain tabaiak Indonesia di era akhia 70-an. Suhatman mamulai karier sipak bolanyo di PSP Padang sabalun direkrut dek PSSI untuak mampakuaik Tim Nasional Indonesia Senior dalam patandiangan Pra-Olimpiade di Jakarta pado taun 1975. Pado kajuaraan Asia taun 1977 di Bangkok Suhatman bahkan dipacayo manyandang ban kapten.

Sarupo pamain lainnyo, Suhatman-pun indak lupuit dari cidera, bahkan cidera nan didaritonyo pado taun 1978 tu sangaik parah sahinggo maakhiri kariernyo sabagai pamain sepakbola.

Kapalatiahan[suntiang | suntiang sumber]

Karano kapiawaiannyo dalam sepakbola, Suhatman-pun didaulat dek KONI Sumatera Barat untuak manjadi palatiah tim daerah tu dalam Pakan Olahraga Nasional (PON) taun 1981. Dalam ajang PON tu Suhatman dianggap sukses malatiah tim sepakbola Sumbar, sahinggo inyo mangalami kamudahan untuak masuak bakarajo di Bank Dagang Negara (BDN) di Padang.

Pado taun 1985, Suhatman dimintak malatiah baliak . Nan kini ko P.S. Semen Padang mainginan santuhan tangan dinginnyo untuak mamoles klub tu dalam maadok-i kompetisi di liga Indonesia katiko itu iyolah Galatama. Pado 1992 Suhatman mambao Semen Padang manjuaroi Piala Indonesia sasudah manakuak Arema Malang. Karier kapalatiahan Suhatman indak baranti sampai disitu, inyo-pun kudian di angkek manjadi asisten palatiah PSSI senior, Ivan Toplak nan barasa dari Serbia. Bahkan diawal taun 90-an Suhatman dipacayo malatiah tim Primavera nan dibina dalam kompetisi pamain mudo di Italia nan kudian hasilnyo banyak malaiaan pamain bakualitas, sarupo Kurniawan Dwi Yulianto, Kurnia Sandy, Yeyen Tumena, Sugiantoro sarato nan lain-lain.

Pado taun 2010 klub Semen Padang-pun mamintaknyo baparan baliak, nan kini ko untuak manjadi panasehat teknik untuak palatiah Nil Maizar nan adolah mantan muriknyo. Salanjuiknyo inyo-pun diangkek manjadi direktur teknik. Sasudah Nil Maizar direkrut PSSI manjadi palatiah timnas senior, Suhatman-pun manggantiannyo manjadi palatiah kapalo. Pado pariode ko Suhatman bahasil mambao Semen Padang manjadi juaro LPI sarato masuak final ka Piala Indonesia 2011/2012.

Pautan lua[suntiang | suntiang sumber]