Stadion Utamo Gelora Bung Karno

Dari Wikipedia baso Minang, ensiklopedia bebas
Loncat ke navigasi Loncat ke pencarian

Templat:Infobox Stadium

Gelora Bung Karno
Berkas:Stadion senayan dalam.jpg
Nampak dalam stadion saat Piala Asia 2007 (Indonesia vs Bahrain)

Stadion Utamo Gelora Bung Karno adolah sabuah stadion serbaguno di Jakarta, Indonesia nan marupoan bagian dari kompleks ulahrago Galanggang ulahrago Bung Karno. Stadion iko umumnyo digunoan sabagai arena patandiangan sipak bola tingkek internasional. Stadion iko dinamoi untuak manghormati Soekarno, Presiden Republik Indonesia partamo, nan juo marupoan tokoh nan mancetuskan gagasan pambangunan kompleks ulahrago iko. Dalam rangka de-Soekarnoisasi, pado maso Orde Baru, namo stadion iko diubah manjadi Stadion Utamo Senayan malalui Keppres No. 4/1984. Satalah bagulirnyo galombang reformasi pado 1998, namo Stadion iko dibaliakan kapado namonyo samulo malalui Surek Kaputusan Presiden No. 7/2001.

Jo kapasitas awal sakitar 120.000 urang, stadion nan mulai dibangun pado patangahan taun 1958 jo panyalasaian fase partamonyo pado kuartal katigo 1962 iko marupoan salah satu nan tagadang di dunie. Manjalang Piala Asia 2007, dikarajoan renovasi pado stadion nan mangurangi kapasitas stadion manjadi 88.083 panonton.

Gadung ulahrago iko dibangun mulai sajak pado tanggal 24 Agustus 1962 sabagai kalengkapan sarana jo prasarana dalam rangka Asian Games 1962 mulai buka dirasmian sajak pado tanggal 24 Agustus 1962 nan diadoan di Jakarta.

Pambangunannyo didanai jo kredit lunak dari Uni Soviet sabasa 12,5 juta dollar AS nan kapastiannyo diparoleh pado 23 Desember 1958. Jo tantunyo jo dana nan cukuik gadang tasabuik itu manjadian galanggang ulahrago iko sabagai stadion sipak bola tagadang di Indonesia. Hinggo saat iko, Gelora Bung Karno marupoan satu-satunyo stadion nan sabana-bana bastandar internasional di Indonesia.

Pado Final Perserikatan 1985, Patandiangan Persib Bandung malawan PSMS Medan di siko manjadi patandiangan amatir jo kahadiran tabanyak yaitu 150.000 panonton. Patandiangan tasabuik akhianyo dimanangan dek PSMS Medan.

Data stadion[suntiang | suntiang sumber]

  • Lampu: 3.500 luks
  • Jinih Rumpuik: Zoysia Matrella Linmer
  • Panjang sentel ban: 800 meter
  • Panjang lapangan: 110 meter
  • Leba lapangan: 70 meter
  • Lintasan Atletik: 400 meter, 8 jalur
  • Kapasitas Tribun : 120.000 panonton (1962)
    88.083 panonton (2007)
    78.127 panonton (2017)

Acara nan pernah diselenggaraan[suntiang | suntiang sumber]

Salain untuak patandiangan sipak bola nasional jo internasional, GBK alah banyak juo dipakai untuak babagai macam acara, baiak untuak acara kaagamaan, acara paringatan hari basa (seperti acara paringatan 100 taun kabangkikan nasional), kampanye partai politik, ujian masuak untuak CPNS sacaro serempak maupun konser musik.

Asian Games 2018[suntiang | suntiang sumber]

Indonesia alah manyelenggaraan Asian Games 2018 nan diselenggarakan di Jakarta jo Palembang. Gelora Bung Karno dipiliah sabagai stadion utamo kaduo Games. Karano umua stadion iko, pamarentah malakukan paelokan untuak stadion untuak mamanuahi kriteria Asian Games. Sadoalah bangku panjang kayu itu dibuang jo diganti jo kursi tungga, akhianyo mambueknyo manjadi stadion sadoalah tampek duduak. Sistem pancahayoannyo ditingkekan dari 1200 lux manjadi 3.500 lux. Di atok stadion, ado 1.293 panel surya nan tapasang. Satalah renovasi, stadion mangakomodasi kabutuahan para pangguno nan cacat.

Caliak pulo[suntiang | suntiang sumber]

Referensi[suntiang | suntiang sumber]

Daftar pustako[suntiang | suntiang sumber]

  • Pour, Julius (2004) (dalam bahaso Indonesian). Dari Gelora Bung Karno ke Gelora Bung Karno. Jakarta: Grasindo. ISBN 978-979-732-444-5. 
  • Huebner, Stefan (2016). Pan-Asian Sports and the Emergence of Modern Asia, 1913-1974. Singapura: NUS Press, 174-201 (ISBN: 978-981-4722-03-2).

Pranala luar[suntiang | suntiang sumber]

Didaului jo:
Stadion Buruh
Bendera Republik Rakyat Cina Beijing, Republik Rakyaik Cino
Stadion Patandingan Final
Piala Asia AFC

2007
Digantian dek:
Stadion Internasional Khalifa
Bendera Qatar Doha, Qatar
Didaului jo:
Stadion Asiad Incheon
Bendera Korea Selatan Incheon, Korea Salatan
Upacara Pembukaan jo Penutupan
Asian Games

2018
Digantian dek:
Hangzhou Sports Park Stadium
Bendera Republik Rakyat Cina Hangzhou, Republik Rakyaik Cino

Koordinat: 6°13′6.88″S, 106°48′9.04″E