Stadion Rizal Memorial
Stadion Rizal Memorial (namo resminyo: Rizal Memorial Track and Football Stadium) adolah sabuah stadion atau lapangan bola nan barado di Kompleks Olahraga Rizal Memorial, Manila, Filipina. Stadion iko dapek manampuang sakitar 12.000 panonton. Stadion iko manjadi kandang dek tim nasional sepak bola Filipina. Sabalumnyo, stadion iko manjadi salah ciek tampek panyalanggaraan Asian Games 1954 dan tiga kali penyelenggaraan Pesta Olahraga Asia Tenggara.[1]
Sijarah[suntiang | suntiang sumber]
Stadion Rizal Memorial diresmian pado taun 1934. Katiko itu, banyak patandiangan sepak bola baiak lokal maupun internasional dimainkan di stadion iko.[note 1] Panggunoan lapangan sepak bola iko kamudian manurun sasudah diresmiannyo jalua untuak pacu lari di sakaliling lapangan. Lapangan iko dimukasiukan sabagai arena atletik untuak Pesta Olahraga Asia Tenggara 1981.[1] Kondisi lapanga nan indak tarawaik mambuek tim nasional sepak bola Filipina harus mancari stadion lain untuak maadoan patandingan internasional.[1]
Kondisi stadion nan mamburuak mambuek Komisi Olahraga Filipina (PSC) pado pamuloan taun 2009 mawacanakan renovasi Kompleks Olahraga Rizal Memorial, tamasuak marenovasi kasadoalahannyo stadion.[note 2] Dalam rencana tasabuik, bagian jalur pacu lari nyo nan mangalialiangi lapangan nyak dipelok ulang sahinggo hanyo bafokus pado lapangan sepak bola sajo.[2] Biaya pabaikannyo sakitar 50 juta peso dikaluaan untuak marenovasi stadion iko.[1] Walaupun rencana renovasi stadion sempat direncanakan untuak dilaksanaan pado akhia 2009, pado Februari 2010 PSC masih manunggu pihak swasta untuak ikuik sato mandanai renovasi stadion iko. Iko badampak pado panundaan jadwal renovasi.[3]
Pabaikan stadion[suntiang | suntiang sumber]
Renovasi tasabuik akhianyo baru talaksana pado bulan Maret 2010 dek bantuan dari Universitas De La Salle.[4] Renovasi tasabuik salasai pado taun 2011 untuak dipakai Filipina dalam manjalani Kualifikasi Piala Dunia FIFA 2014. Jumlah tampek duduak panonton sasudah renovasi ko bisa manampuang sakitar 12.873 penonton.[5] Samintaro itu, atlit lari nan sabalumnyo manggunoan stadion iko sabagai tampek latihan dipindahan ka Kompleks Olahraga Filipina di Bocaue, Bulacan atau kompleks latihan PSC di Kota Baguio.[1]
Federasi Sepak Bola ASEAN (AFF) sempat manulak untuak mamasuakan stadion iko sabagai stadion nan ka dipakai untuak Piala Suzuki AFF 2016 katiko itu Filipina basamo Myanmar manjadi tuan rumah babak panyisiahan grup. Iko dikaranoan jumlah tampek duduak nan barado di dalam stadion iko indak mamanuahi standar AFF nan manginginkan stadion jo kapasitas minimal 30.000 tmapek duduak untuak panonton. Namun baitu, stadion iko akhianyo tetap masuak ka dalam stadion nan akan digunoan pado kajuaraan tasabuik. Pamakaiannyo pun hanyo katiko patandiangan Singapura jo Indonesia karano limo patandiangan lainnyo diadoan di Stadion Olahraga Filipina di Bulacan.[6]
Catatan[suntiang | suntiang sumber]
- ↑ Wilayah sakitaran Stadion Rizal Memorial katiko itu masih banamo Carnival Grounds. Namun damikian, stadion iko tetap dipakai sabagai tampek patandiangan sepak bola.
- ↑ Renovasi iko adolah nan partamo direncanaan sasudah pambangunan naliak stadion iko sajak Parang Dunia II. Sabalumnyo, renovasi-renovasi ketek dilakuaan dek Filipina sabagai pasiapan manjadi tuan rumah Pesta Olahraga Asia Tenggara.
Rujuakan[suntiang | suntiang sumber]
- ↑ a b c d e June Navarro (04 March 2009). "PSC plans to restore RMSC football field". Philippine Daily Inquirer. Diakses tanggal 04 December 2019.
- ↑ Russell Cadayona (22 May 2009). "RMSC track oval aalisin na". Pilipino Star Ngayon (dalam bahasa Filipino). Diakses tanggal 04 December 2019.
- ↑ Recah Trinidad (6 February 2010). "We also need a football revolution". Philippine Daily Inquirer. Diakses tanggal 04 December 2019.
- ↑ Virgil Lopez (6 February 2010). "Rizal Memorial Stadium facelift set". Sun.Star. Manila. Diakses tanggal 04 December 2019.
- ↑ "Rizal can only seat 13,000". PhilSTAR.com. Diakses tanggal 04 December 2019.
- ↑ "Menelaah Lebih Dekat Rizal Memorial Stadium, Kandang Timnas Filipina". PanditFootball.com. Diakses tanggal 04 December 2019.
Pranala lua[suntiang | suntiang sumber]
- Stadion Rizal Memorial di WorldStadiums.com