Simulasi

Simulasi atau pangimakan adolah suatu proses paniruan dari sasuatu nan nyato basarato kaadaan sakaliliangnyo (state of affarirs). Aksi malakuan simulasi iko sacaro umum manggambaran sifaik-sifaik karakteristi kunci dari kalakuan sistem fisik atau sistem.

Sistem nan bajalan sacaro nyato pado kondisi nyato dapek tapangaruah dek sistem-sistem nan ado pado lingkuangannyo, elok sacaro langsuang atau indak langsuang. Pangaruah iko jikok indak diantisipasi sabalumnyo dapek barakibek kontraproduktif kapado tujuan nan akan dicapai dek sistem, dek karano itu diparaluan simulasi supyo sistem dapek bajalan sacaro optimal.

Bapikia simulatif

Bapikia simulatif adolah baikia metabolisme detail nan akan dilalui dek sistem dari starting poin sampai ujuang akhir langkok jo sagalo schedulling, target antaro jo akhir, dan paluang pangambangan atau ancaman di sapanjang pajalanan metabollisme sistem.

Simulasi dapek dilakuan jo;

1. Pamodelan jo komputer,
2. Imajiner (malalui panarawangan mandalam tahadok jalannyo metabolisme sistem),
3. Simulasi nyato jo skala ukuran nan labiah ketek (pamodelan) atau indak baskala (dicuboan sacaro langsuang di dunia nyato jo volume nan labih saketek.

Simulasi dapek dilakuan jo model diskusi antaro parencanaan, palaksana, pemonitor, jo evaluator dengan bapacikan pado network planning, network diagram, kurva progres kegiatan, jo komponen lain nan diparaluan.

Manfaik simulasi

Simulasi jikok dijalanan jo seksamo akan dapek manakan biaya palaksanaan atau produksi karano jo simulasi kasalahan-kasalahan nan mungkin akan muncua dalam proses kegiatan suatu sistem dapek dikatahui jo dilakuan pabaikan sabalum kagiatn tasabuik bajalan.

Simulasi manguranggi tingkek resiko tahadok kegagalan suatu proses kegiatan, mampacapek jo mangefisiensi proses, maningkekan hubuangan antarelemen dalam proses, jo manguranggi kaindakpastian dalam manjalanan proses karano parencana, palaksano, pamonitor, jo evaluator alah malihek sacaro visual simulatif proses nan akan dilaksanoan langkok jo kasulitan-kasulitan nan akan muncua. Sadoalah itu dapek juo maningkekan kamampuan jo kasiaan saluruah elemen dalam sistem dalam manjalanan proses, sakaligus dapek maningkekan kualitas parsiapan sabalum proses bajalan.

Sumber

Contoh simulasi dari mesin uap

• Maryono, Agus (2014). "Pola Pikir Sistem". Gadjah Mada University Press, Yogjakarta. ISBN 978-979-420-880-9