Simauang

Simauang ;
	Pangium edule
	;
Data
Sumber dari	simauang
Status konservasi
	Risiko randah
UICN	143874361
Taksonomi
Divisi	Tracheophytes
Subdivisi	Spermatophytes
Klad	Angiosperms
Klad	mesangiosperms
Klad	eudicots
Klad	core eudicots
Klad	Superrosids
Klad	rosids
Klad	Eurosids
Klad	fabids
Ordo	Malpighiales
Famili	Achariaceae
Genus	Pangium
Spesies	Pangium edule ; Reinw., 1825

Simauang, simawang, kapencong atau kapayang (Pangium edule Reinw. ex Blume; suku Achariaceae, dulu tamasuak Flacourtiaceae) adolah pohon nan tumbuah lia atau satangah lia pangasia bahan bumbu masak di Nusantara, cando rawon jo gulai simauang. Urang Sunda manyabuiknyo picung atau pucung, urang Jawa manyabuiknyo pucung, kluwak, atau kluwek, sadangkan di Toraja disabuik pamarrasan.

Bijo simauang dipakai sabagai pamasak masakan Indonesia nan maagiah rono coklat kaitaman pado rawon, dagiang bumbu keluak, brongkos, sarato sup konro. Zat rono tasabuik dapek manjadi pangganti parono sintesis sarupo Chocolate Brown FH jo Chocolate Brown HT. Salain itu, bijonyo juo mampunyoi saluik bijo nan bisa dipagunokan. Tapi katiko matah sangaik baracun dek manganduang asam sianida dalam konsentrasi tinggi. Kok dimakan dalam jumlah tatantu dapek mambuek mabuak. Dari situlah istilah "mabuak kapayang" muncua nan digunokan untuak manggambarkan kaadaan urang nan sadang kanai hati sainggo indak dapek bapikia janiah, bak cando siap mamakan kapayang.

Racun pado bijo simauang dapek digunokan sabagai racun untuak mato panah. Bijinyo aman diolah untuak makanan kok alah diabuih sarato dirandam talabiah dulu. Untuak mangaluakan rono hitam, bijo nan alah diabuih dan dirandam akan dipandam dalam tanah (salapeh dibungkuih daun pisang) salamo babarapo ari.

Disampiang asam sianida, ado pulo babarapo zat nan takanduang dalam simauang, sarupo asam hidnokarpat, asam khaulmograt, asam glorat, jo tanin.^[1] Kayu tanaman iko juo banilai ekonomi, jo barek jinih 450-1000 kg.m^-3.

Rujuakan

↑ Warnasih, Siti; Hasanah, Uswatun (2018-09-19). "EKSTRAKSI ZAT WARNA DARI KLUWEK (Pangium edule Reinw) MENGGUNAKAN BERBAGAI PELARUT". EKOLOGIA. 18 (1): 40–48. ISSN 2686-4894.

Pautan lua

(Inggirih) Penjelasan tentang kepayang di situs web Hear.org Archived 2012-02-04 di Wayback Machine.
(Inggirih) Pangium edule di situs web Ecoport.org Archived 2021-04-13 di Wayback Machine.

Artikel batopik tumbuahan ko baru babantuak rancangan. Sanak dapek mambantu Wikipedia mangambangannyo.

[1] Warnasih, Siti; Hasanah, Uswatun (2018-09-19). "EKSTRAKSI ZAT WARNA DARI KLUWEK (Pangium edule Reinw) MENGGUNAKAN BERBAGAI PELARUT". EKOLOGIA. 18 (1): 40–48. ISSN 2686-4894.

[1]