Silek Kumango

Wikipedia Minangkabau - Lubuak aka tapian ilimu

Silek Kumango (Indonesia: Silat Kumango) adolah sala ciek aliran silek (silek) utamo khas Minangkabau.[1] Silek iko barasa dari Nagari Kumango, nan tapeknyo barado di Kecamatan Sungai Tarab, Kabupaten Tanah Datar, Sumatera Barat.[2][3] Aliran iko diciptaan dek Syekh Abdurrahman al-Khalidi, saurang ulama tarekat jo pandeka silek tanamo barasa dari Kumango.[4][5] Pado maso kiniko Silek Kumango alah taseba ka babagai kawasan di Indonesia hinggo ka mancanegara.[6][7][8]

Sijarah[suntiang | suntiang sumber]

Syekh Abdurrahman al-Khalidi, atau disabuik juo Syekh Kumango, adolah paramu dari Silek Kumango.[9][10] Baliau disabuikan banamo ketek Alam Basifat,[11] nan lahia pado sakitaran tahun 1802.[4] Pado maso mudonyo adolah pandeka nan banyak marantau ka babagai pelosok nusantara untuak baraja mangaji jo basilek.[12] Syekh Kumango disabuik juo urang nan manguasai tarekat-tarekat Naqsyabandiyah[12] jo Sammaniyah.[13] Sasudah pulang ka kampuang dari parantauannyo, baliau kamudian mangaja ilimu agamo jo ilimu beladiri atu silek di surau nan barado di kampuangnyo, nan banamo Surau Subarang.[14][15]

Pangaruah ajaran tarekat pado Silek Kumango sangaik taraso, nan mano manuntuik para muridnyo untuak dapek mangandalian diri.[16][17] Jurus-jurus nan tadapek pado silek iko indak lai maniru gerakan binatang atau alam, sabagaimano pado golongan silek-silek tuo lainnyo di Sumatera Barat.[18]

Pado maso kiniko, dari daerah asanyo Silek Kumango alah taseba ka babarapo kawasan lain di Indonesia[6][7] maupun ka mancanegara.[8] Silek iko alah pulo dituliskan dalam karya babarapo panaliti beladiri, sarupo Donn F. Draeger (1970, 1972),[19][20] Hiltrud Cordes (1990),[21] Kristin Pauka (1998),[22] jo O'ong Maryono (2002).[2]

Konsep silek[suntiang | suntiang sumber]

Konsep sarato jo teknik Silek Kumango mampunyoi pasamoan jo aliran-aliran silek Minangkabau lainnyo, walaupun baitu silek iko mampunyoi ciri khasnyo surang. Di dalam silek iko tetap juo tadapek istilah-istilah garak-garik, langkah, kudo-kudo, gelek, jurusan, sikap pasang, jo lain-lainnyo sabagai bagian dari karakter dasar silek Minangkabau.[22]

Langkah[suntiang | suntiang sumber]

Samo halnyo jo silek nan ado di Minangkabau, baraja malangkah dianggap sangaik paralu. Para murid ditakan atau dipaso bia bisa baraja jo caro malangkah nan batua, sabab jurus atau buah indaklah akan tapek panggunoannyo apobilo langkah nan dilakuan indaklah batua. Silek Kumango mamakai konsep langkah ampek (langkah empat), namun Syekh Kumango manamoi garak langkah khas Silek Kumango mamakai istilah Islami, yaitu langkah alif-lam, lam-ha, mim-ha, dan mim-dal.[11][18] Salain itu, ditarapkan pulo nan disabuik langkah tuo, yaitunyo garakan langkah untuak manyarang jo manangkis sacaro kilek untuak mambuek lawan mati langkah.[23]

Langkah-langkah dalam Silek Kumango dilakuan jo ringan sarato bahati-ati, untuak manjaga kagesitan jo antisipasi nan capek untuak manyarang atau batahan; teknik malangkah iko dinamoan pijak baro.[24] Langkah-langkah nan diparagoan batujuan untuak mandakek dek pasilek ka tubuah lawannyo, sahinggo dapek malakuan panyergapan nan diikuti jo serangan pukulan dan/atau bantiangan.[19]

Jurus[suntiang | suntiang sumber]

Silek Kumango mamparagoan jurus-jurus nan nampak aluih jo fleksibel dalam taktiknyo untuak mangalahkan lawan.[19] Garakan mangilak nan dilakuan acok taliek sarupo jo "mengalah", namun sacaro capek dibaliakkan untuak mandapek situasi nan manguntuangan, sahinggo di tangah suatu garakan nan aluih tibo-tibo muncua tindakan nan agak kareh ka lawan.[19] Namo-namo jurus atau garakan inti nan tadapek pado Silek Kumango antaro lain sabagai barikuik.:[23][25]

  1. Ilak suok
  2. Ilak kida
  3. Rambah
  4. Cancang
  5. Sambuik pisau
  6. Lantak siku
  7. Ampang
  8. Patah tabu
  9. Ucak tangguang
  10. Ucak lapeh

Pasilek Kumango nan ahli alah talatiah untuak malapehan diri dari hampia kasado bantuak kuncian, pintingan, ataupun cakiakan nan dilakuan dek lawan.[19] Salain itu, tadapek pulo kuncian-kuncian khas dalam silek iko, nan tanamo disabuik jo Kuncian Kumango.[26]

Caliak pulo[suntiang | suntiang sumber]

Rujuakan[suntiang | suntiang sumber]

  1. ↑ Pauka 1988, hlm. 27.
  2. ↑ a b Maryono, O'ong (2002) (dalam bahaso en). Pencak Silat in the Indonesian Archipelago. Yayasan Galang. p. 200. ISBN 978-979-9341-60-0. https://books.google.com/books?id=G9DfAAAAMAAJ&dq=kumango. 
  3. ↑ Tarab berasal dari kata Tarok, yaitu nama tumbuhan yang pada zaman dahulu seratnya dibuat untuk pakaian. Pada zaman penjajahan Jepang, pakaian dari serat tarok ini kembali populer dengan ucapan ichi ni san shi go roku, baju goni sarawa tarok (satu dua tiga empat lima enam, baju goni celana tarok).
  4. ↑ a b Jasmi 2019, hlm. 106.
  5. ↑ Prabowo 2016, hlm. 7.
  6. ↑ a b "Pencak Silat Kumango Pekanbaru Dapat Kunjungan dari Malaysia". Haluan Riau (dalam bahasa Indonesia). 2019-12-08. Diarsipkan dari versi asli tanggal 2021-01-28. Diakses tanggal 2021-02-25. 
  7. ↑ a b "Pelatihan Silek Kumango di Jakarta". sahabatsilat.com. Diakses tanggal 2021-01-21. 
  8. ↑ a b "Silat Kumango Merambah Daratan Eropa". Silat Indonesia (dalam bahasa Inggris). Diakses tanggal 2021-02-25. 
  9. ↑ Templat:Cite mailing list
  10. ↑ Jasmi 2019, hlm. 101, 106.
  11. ↑ a b Fuadi, A. (2013-12-17) (dalam bahaso en). The Land of Five Towers (English Edition). Gramedia Pustaka Utama. ISBN 978-979-22-7594-0. https://books.google.co.id/books?id=wVBFDwAAQBAJ&pg=PA151&dq=alam+basifat&hl=en&sa=X&ved=2ahUKEwj34fn_4OftAhVaVH0KHfQtBOUQ6AEwAXoECAQQAg#v=onepage&q=alam%20basifat&f=false. 
  12. ↑ a b Putra, Apria (Senin, 7 Oktober 2013). "Surau Tuo: Yang Berjasa, yang Terlupakan (Bag. 2): Maulana Syekh Abdurrahman al-Khalidi "Beliau Kumango" (1812-1932), Ulama Besar Tarikat Sammaniyah dan Pencipta Silek Kumango". Surau Tuo. Diakses tanggal 2021-02-25. 
  13. ↑ Khadimullah, A. M. Z. Tuanku Kayo (2007) (dalam bahaso id). Menuju tegaknya syariat Islam di Minangkabau: peranan ulama sufi dalam pembaruan adat. Marja. ISBN 978-979-9482-79-2. https://books.google.co.id/books?id=7q_XAAAAMAAJ&q=syekh+kumango+sammaniyah&dq=syekh+kumango+sammaniyah&hl=id&sa=X&ved=2ahUKEwi1zfv_66zuAhWG7XMBHQnnDgEQ6AEwAHoECAMQAg. 
  14. ↑ Putra, Apria (2020-06-23). "Surau Subarang". Tarbiyah Islamiyah (dalam bahasa Indonesia). Diakses tanggal 2021-02-25. 
  15. ↑ Putra, Apria (2020-11-20). "Kisah-kisah Kegigihan Ulama Minang Di Masa Lalu Dalam Menuntut Ilmu". Jaringan Santri (dalam bahasa Indonesia). Diakses tanggal 2021-02-25. 
  16. ↑ Jasmi 2019, hlm. 105, 108.
  17. ↑ Prabowo 2016, hlm. 7-8.
  18. ↑ a b Prabowo 2016, hlm. 8.
  19. ↑ a b c d e Draeger 2012, hlm. 97-98.
  20. ↑ Alexander, Howard; Chambers, Quintin; Draeger, Donn F. (1970) (dalam bahaso en). Pentjak-silat; the Indonesian Fighting Art. Kodansha International. ISBN 978-0-87011-104-4. https://books.google.co.id/books?id=1BKCAAAAMAAJ&q=draeger+kumango&dq=draeger+kumango&hl=id&sa=X&ved=2ahUKEwif0eqr4qzuAhXWIbcAHaOPBNEQ6AEwAXoECAgQAg. 
  21. ↑ Cordes, H. (1992). "Pencak Silat: Die Kampfkunst der Minangkabau und ihr kulturelles Umfeld" (dalam bahasa Jerman). Diakses tanggal 2021-01-21. 
  22. ↑ a b Pauka 1998, hlm. 31-37.
  23. ↑ a b Lebe 2018, hlm. 5.
  24. ↑ Pauka 1998, hlm. 35.
  25. ↑ Prabowo 2016, hlm. 9-11.
  26. ↑ Lebe 2018, hlm. 4.

Bahan bacaan[suntiang | suntiang sumber]

Pranala lua[suntiang | suntiang sumber]

Diambiak dari "https://min.wikipedia.org/w/index.php?title=Silek_Kumango&oldid=3142442"