Sijarah Korea Utara

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Panyambutan Pasukan Merah pado 14 Oktober 1945

Sijarah Korea Utara bamulo katiko Jepang manyarah di akhia Parang Dunia II pado tahun 1945 sahinggo mambuek parpisahan antaro Korea di garih 38. Uni Soviet manduduaki bagian utara, samentaro Amerika Serikat manduduaki bagian selatan. Uni Soviet jo Amerika Serikat gagal untuak saiyo manyatuan baliak nagara tersebut, dan pado tahun 1948 kaduo nagara managakan duo pamarentahan nan tapisah: Uni Soviet mambantuak Republik Demokratik Rakyat Korea samentaro Amerika Serikat mambantuak Republik Korea nan kaduonyo saliang mangklaim sabagai pamarentah resmi nan badaulat ateh sadoalah wilayah Korea.

Pado tahun 1950 katiko Parang Korea pacah, pamisahan garih di pararel utara ka-38 digantian manjadi Zona Demiliterisasi Korea. Basitagang antaro kaduo pihak taruih balanjuik. Kim-Il-Sung mamimpin Korea hinggo akhia hiduiknyo pado 1994. Inyo mambangun budaya pamujaan individu ateh dasar prinsip Juche, yakni ideologi nan baprinsip "tagak di ateh kaki surang". Putra Kim-Il-Sung, Kim-Jong-il manjadi palanjuiknyo dan kakuasaan tersebut masih ditaruihan hinggo putranyo, Kim Jong-un. Korea Utara mandapek paratian internasional ateh program misil nuklirnyo. Di tangah kakhawatiran internasional, Korea Utara mangambangkan rudal nuklir. Pado tahun 2018, Kim Jong-un mambuek usul pardamaian antaro Korea Selatan jo Amerika Serikat.

Sabalun pamisahan[suntiang | suntiang sumber]

Pado tahun 1910 hinggo akhia Perang Dunia II, Korea barado di bawah jajahan Japang. Pado maso tersebut, kabanyakan panduduak Korea bakarajo sabagai patani. Pado era 1930-an, Japang mambangun patambangan, ampang hidro elektrik jo pabrik manufaktur di utara Korea jo Manchuria.[1] Warga kelas pakarajo Korea maningkek drastis jo banyak panduduaknyo nan pindah bakarajo di Manchuria.[2] Sabagai dampak, 65% industri barek Korea balokasi di utara dan hanyo 37% nan digunoan sabagai agrikultur.[3]

Pargarakan malawan panduduakan imperialisme kolonial Japang maningkek nan dipimpin dek pamimpin gerilya komunis Kim Il-sung.

Korea bagian utara mandapekan labiah saketek paparan budaya Barat, tarutamo tarhadap masuknyo agamo. Sajak tibonyo para misionaris pado akhia abaik ke-19, barat laut Korea jo Pyongyang sangaik kuek jo Kakristenan hinggo Pyongyang diagiah gala sabagai "Yerusalem dari Timur".

Rujuakan[suntiang | suntiang sumber]

  1. Cumings, Bruce (2005). Korea's Place in the Sun: A Modern History. New York: W. W. Norton & Company. ISBN 978-0-393-32702-1. 
  2. Robinson, Michael E (2007). Korea's Twentieth-Century Odyssey. Honolulu: University of Hawaii Press. ISBN 978-0-8248-3174-5. https://archive.org/details/koreastwentieth00robi. 
  3. Lone, Stewart; McCormack, Gavan (1993). Korea since 1850. Melbourne: Longman Cheshire. 

Pautan lua[suntiang | suntiang sumber]