Shofwan Karim Elha
 | |
| Biografi | |
|---|---|
| Lahia | 12 Desember 1952  (71 tahun (id) terjemahkan)Kabupaten Sijunjung |
| Kalompok etnis | Urang Minangkabau |
Shofwan Karim Elhussein (Jawi: صفوان كاريم الحسين, lahia di Sijunjung, 12 Desember 1952; umua 71 taun) iolah saurang akademisi jo politikus Indonesia nan pernah manjabat Rektor Universitas Muhammadiyah Sumatera Barat (2006-2013). Inyo pernah manjabat sabagai Muhammadiyah di Sumatera Barat dan mantan anggota Golkar era Orde Baru.[1][2]
Kehidupan jo pandidikan[suntiang | suntiang sumber]
Shofwan asanyo dari Desa Sirih Sekapur, Jujuhan, Bungo, Jambi. Namun, akte kalahirannyo tatulih inyo lahir di Sjunjung, Sumatera Tangah.[3] Inyo adolah anak suluang dari sapuluah badunsanak, pasangan Haji Abdul Karim (1927-2003) jo Hajjah Rahana (1936-1995) nan punyo darah Minangkabau. Shofwan gadang di lingkungan kaluarga nan baragamo, samantaro ayahnyo bakarajo sabagai guru agamo di Sungai Limau, Kota Baru, Sjunjung.[4]
Namo Karim sabananyo diambil dari namo apaknyo, iyolah Abdul Karim. Sadangkan Elha iolah singkatan dari namo niniaknyo. Usai mangarajokan umrah pado taun 2013, Shofwan mangganti namo balakangnyo manjadi "Elhussein".[5]
Shofwan mamulokan pandidikannyo di SR Rantau Ikil jo Madrasah Ibtidaiah Al-Hidayatul Islamiah pado taun 1965, kudian di SMP Negeri 5 Jambi pado taun 1968, lalu Sekolah Persiapan Institut Agamo Islam Negeri Imam Bonjol - kini MA Negeri 1 Padang Panjang - pado taun 1971.
Maso mudo[suntiang | suntiang sumber]
Shofwan sasudah lulus pandidikan manengah manaiak jajang sarjana di Fakultas Tarbiyah IAIN Imam Bonjol - kini UIN Imam Bonjol - hinggo mancapai gelar sarjana muda pado taun 1976, sarato sarjana lengkap jo gelar doktorandus di kampus nan samo anam taun kudian. Inyo malanjuikan kuliahnyo di IAIN Syarif Hidayatullah hinggo mandapek gelar Magister agama Program Pascasarjana pado taun 1991. Pado taun 2008, inyo mandapek gelar doktor di Sakola Pascasarjana Universitas Islam Negeri Syarif Hidayatullah, manyusun disertasi tantang nasionalisme, ideologi Pancasila, jo hubungannya dengan Islam sabagai dasar nagara Indonesia.[3]
Salamo bakuliah, Shofwan aktif tajun di dunia organisasi. Inyo manjadi anggota senat mahasiswa, dewan mahasiswa, jo BKK dari 1972 sampai 1980. Shofwan duduak manjadi pangurus di Pelajar Islam Indonesia (PII) Padang Panjang wakil ketua cabang Padang Panjang dari 1969 sampai 1971, hinggo Wakil Ketua PII Sumatera Barat pado taun 1972-1976. Sajak 1972, inyo dipilih sabagai wakil ketua senat pado tingkek fakultas salamo duo taun, sasudah itu manjadi wakil ketua dewan mahasiswa sampai 1976.
Shofwan bagabuang dalam Resimen Mahasiswa Mahasakti IAIN Imam Bonjol, mangapaloi Staf Resimen Maharuyung Sumatera Barat dari 1974 sampai 1980. Pangalaman di dunia jurnalis inyo jalani juo katiko manjadi Redaktur Suara Kampus dari 1979 sampai 1981.[6] Pado Maret 1985, inyo diangkek manjadi pegawai negeri sipil sabagai dosen tetap di Fakultas Ushuluddin IAIN Imam Bonjol. Salain itu, inyo mangaja pulo di Universitas Muhammadiyah Sumatera Barat jo Kolej Islam Muhammadiyah Singapura.[7]
Organisasi[suntiang | suntiang sumber]
Di lua kampus, Shofwan mudo aktif di Komite Nasional Pemuda Indonesia Sumatera Barat Ketua Departemen Organisasi salamo duo periode, hinggo wakil ketua duo kali (1982-1987 jo 1987-1992). Indak hanyo itu, inyo sakalian bagabuang ka dalam Himpunan Mahasiswa Islam Cabang Padang sajak 1972, Wakil Ketua DPD Muhammadiyah Kota Padang pado tahun 1973 salamo tigo taun, Ketua Departemen Kader Ikatan Mahasiswa Muhammadiyah (IMM) Sumatera Barat pado taun 1976 salamo duo taun, dan dipilih sabagai Ketua Biro Organisasi Pemuda salamo duo periode (1975-1982). Sasudah aktifnyo di Ikatan Mahasiswa Muhammadiyah, Shofwan dipilih malalui musyawarah sabagai anggota Pimpinan Wilayah Muhammadiyah Sumatera Barat periode 1995-2000.
Kiprah akademisi jo profesional[suntiang | suntiang sumber]
Pado awalnyo sabagai dosen, Shofwan bagabuang jo Team Teaching di Jurusan Antropologi Sosiologi Fakultas Sastra Universitas Andalas (Unand) dari taun 1985 salamo duo taun basamo dosen tamu Joke Van Reenen dari Universitas Vrije Amsterdam, nan bakuliah tantang agama jo kamanusiaan di Afrika. Pado taun 2000 nyo manjadi Dosen Pemikiran Modern salamo 10 taun di Dunia Islam di Kolej Islam Muhammadiyah, Singapura.[8]
Inyo dipiliah sabagai Wakil Sekretaris Ikatan Cendekiawan Muslim Indonesia (ICMI) Sumatera Barat pado taun 2003. Inyo pulo manjadi salah satu dari limo urang nan manandatanganan ambil alih sepihak Semen Padang dari pamarentah pusat di bawah Semen Gresik kapado pamarentah provinsi.[9] Pado 5 Oktober 2005, inyo diangkek manjadi salah satu komisaris di parusahaan itu[10] salamo duo periode hinggo 7 April 2015.[11] Pado maso kini, inyo alah manjadi Sekretaris ICMI Sumatera Barat periode 2007-2012.
Puncak karirnyo di dunia akademik adolah manjadi Rektor Universitas Muhammadiyah Sumatera Barat dan dipilih untuak duo periode berturut-turut, iyolah 2006-2010 jo 2010-2014.[12] Pado maso itu, inyo alah ditunjuk sabagai Rektor Tugas dari 2001 sampai 2002 dan kaduo kalinyo pado taun 2005. Satiok manggok, inyo berhasil manggokakan "Hari mahasiswa" dalam barupo palatihan intensif kapado mahasiswa jo maningkatkan kualitas dosen dalam sudut pandang pandidikan.[13] Walau sajak Januari 2018 pansiun dari UIN IB, sampai kini, inyo masih aktif sabagai dosen Pascasarjana Universitas Muhammadiyah Sumatera Barat.
Kiprah politik[suntiang | suntiang sumber]
Shofwan masuak ka Golongan Karya malalui jabatannyo sabagai Ketua Biro Pemenangan Pemilu Umum salamo taun 1982-1999.[14] Pado taun 1992, inyo manjadi anggota DPRD Sumatera Barat mawakili Fraksi Golkar.[15] Inyo batahan di situ hinggo taun 1999. Kutiko Pemilukada Sumatera Barat 2005, Shofwan diliriak sabagai calon Wakil Gubernur Sumatra Barat. Walau Gamawan Fauzi barancano mangajaknyo manjadi wakil,[16] akhirnyo Gamawan maju basamo Marlis Rahman.[17]
Shofwan dalam Pemilihan Presiden 2014 mandukuang calon presiden Joko Widodo. Inyo acok komentar nan mambanduang isu sensitif Joko Widodo di Sumatera Barat.[18] Limo taun kudian, inyo baliak mandukuang Joko Widodo[19] dan manjadi panasihat Forum Komunikasi Relawan Pemenangan Joko Widodo Sumatera Barat pado taun 2018.[20]
Kehidupan pribadi[suntiang | suntiang sumber]
Pado tanggal 25 November 1977, Shofwan manikah jo Imnati Ilyas dari Payakumbuh dan baralek di Balai Talang, Guguak, Lima Puluh Kota. Imnati iolah kawan kuliahnyo di IAIN Imam Bonjol, bakarajo sabagai guru di SMK Negeri 9 Padang hinggo pensiun pado taun 2014.[21] Palaminannyo mambuahkan ampek anak: Iqbal Shoffan Shofwan,[22] Shofwim Shofwan, Putri Bulqis, jo Adam Putra.
Karya[suntiang | suntiang sumber]
- Islam dan Nasionalisme: Pemikiran Mohammad Natsir (2023) ISBN 978-623-419-392-3
- Islam sebagai Dasar Negara: Polemik Natsir Versus Soekarno (2020) ISBN 978-623-93471-3-0
- 68 Tahun Melukis di Atas Awan (2020) ISBN 978-623-95630-2-8
Referensi[suntiang | suntiang sumber]
- ↑ "Ini Profil Lengkap Ketua PWM Sumbar Terpilih 2015-2020, Dr. H. Shofwan Karim Elha, MA". Muhammadiyah (dalam bahasa Indonesia). Diarsipkan dari versi asli tanggal 2020-07-29. Diakses tanggal 22 Januari 2024.
- ↑ Kenang-kenangan Sekber Gokar-Kino-Golkar dari Mukernas ke Munas - V Golkar: Sejarah Kepeloporan, Pembauran & Pembangunan Politik. Sekretariat Bersama Golongan Karya. 28 April 1993. p. 495. https://books.google.co.id/books?id=qPmNAAAAMAAJ.
- ↑ a b Karim, Shofwan. "Riwayat Singkat Shofwan Karim". Issuu. Diakses tanggal 22 Januari 2024.
- ↑ "Abak dan Emak Tercinta". Berfikir, Berbicara, Bertulis dan Berikhtiar (dalam bahasa Indonesia). 2022-04-04. Diarsipkan dari versi asli tanggal 2023-06-08. Diakses tanggal 22 Januari 2024.
- ↑ "Shofwan Karim Elha". Peoplepill.com. 2022-04-04. Diakses tanggal 22 Januari 2024.
- ↑ "CV SK by Shofwan Karim". Issuu.com (dalam bahasa Inggris). Diakses tanggal 22 Januari 2024.
- ↑ Seno, Seno and Hasanadi, Hasanadi (2016) Perkembangan organisasi Muhammadiyah di Minangkabau Provinsi Sumatera Barat 1925-2010. Balai Pelestarian Nilai Budaya Sumatera Barat, Padang. ISBN 9786028742870
- ↑ (dalam bahaso id) Kongress Kebudayaan, 1991. Departemen Pendidikan dan Kebudayaan Republik Indonesia. 28 April 1991. p. 472. https://books.google.co.id/books?id=u45JAAAAMAAJ.
- ↑ "Masyarakat Sumbar Ambil Alih PT Semen Padang". Tempo.co (dalam bahasa Indonesia). Jakarta. 2003-09-18. Diakses tanggal 22 Januari 2024.
- ↑ "Manajemen Semen Padang dan Semen Tonasa Dirombak". detikfinance. Diakses tanggal 22 Januari 2024.
- ↑ "Komisaris dan Direksi Lama Silaturrahmi dengan Staf Semen Padang". Semen Padang. Padang. 2011-06-22. Diakses tanggal 22 Januari 2024.
- ↑ "Gubernur Hadiri Pengukuhan Pimpinan Wilayah Muhammadiyah-Aisyiyah-Pemuda Muhammadiyah Sumatera Barat dan Pencerahan Nasional". Pemerintah Provinsi Sumatera Barat (dalam bahasa Indonesia). 2016-04-11. Diakses tanggal 22 Januari 2024.
- ↑ "UMSB Sediakan Hari Khusus Tingkatkan Mutu Pendidikan". Kompas.com. 2016-02-06. Diakses tanggal 22 Januari 2024.
- ↑ (dalam bahaso id) Musyawarah Nasional IV Golongan Karya. 2. Sekretariat Bersama Golongan Karya. 28 April 1988. p. 931. https://books.google.co.id/books?id=_0ATAAAAMAAJ.
- ↑ (dalam bahaso id) Pemilihan umum 1992 dari daerah ke daerah. Lembaga Pemilihan Umum. 28 April 1994. https://books.google.co.id/books?id=khWOAAAAMAAJ.
- ↑ (dalam bahaso id) Bang Saidal, Konsistensi Anak Zaman. JC Institute. 28 April 2007. p. 265. https://books.google.co.id/books?id=kHkMAQAAMAAJ.
- ↑ "Nomor Urut Pasangan Cagub & Cawagub Sumbar Diundi". Detik.com (dalam bahasa Indonesia). Padang. 2005-05-04. Diakses tanggal 22 Januari 2024.
- ↑ Teguh Edi Pramono, Stefanus, ed. (2014-07-03). "Jokowi Diisukan Kafir di Sumatera Barat". Tempo.co (dalam bahasa Indonesia). Diakses tanggal 2023-03-16.
- ↑ "Ketua DPW Muhammadiyah Sumbar Dukung Jokowi-Ma'ruf". Kumparan.com (dalam bahasa Indonesia). Padang. 2019-04-07. Diakses tanggal 2023-03-16.
- ↑ "Jadi Timses Jokowi, Shofwan Karim: Ini Jalan Dakwah". JawaPos.com (dalam bahasa Indonesia). 2018-08-03. Diakses tanggal 2023-03-16.
- ↑ "Guru" (dalam bahasa Indonesia). SMK Negeri 9 Padang. Diakses tanggal 2023-03-16.
- ↑ El Rahman, Vanny. "Profil Kepala KDEI Taipei Iqbal Shoffan Shofwan". IDN Times (dalam bahasa Indonesia). Taipei. Diakses tanggal 2023-03-16.