Saud dari Arab Saudi
| Saud dari Arab Saudi | |||||
|---|---|---|---|---|---|
 Saud pado taun 1957 | |||||
| Rajo Arab Saudi | |||||
| Bakuaso | 9 Nopember 1953 - 2 November 1964 | ||||
| Baiat | 9 Nopember 1953 | ||||
| Pandaulu | Abdul Aziz | ||||
| Panaruih | Faisal | ||||
| Lahia | 15 Januari 1902 Kota Kuwait, Kuwait | ||||
| Maningga | 23 Februari 1969 (umua 67) Atena, Yunani | ||||
| Wangsa | Wangso Saud | ||||
| |||||
| Ayah | Abdul Aziz | ||||
| Mandeh | Wadha binti Muhammed Al Urai'ir | ||||
| Agamo | Islam Sunni | ||||
Saud ibn ’Abd al ’Aziz Al Su’ud (/sɑːˈuːd/;[1] bahaso Arab: سعود بن عبد العزيز آل سعود Su'ūd ibn 'Abd al-'Azīz Āl Su'ūd; lahia di Kota Kuwait, 15 Januari 1902 – maningga di Athena, 23 Februari 1969 pado umua 67 taun) iyolah Rajo Arab Saudi dari taun 1953 sampai 2 November 1964.
Inyo adolah anak suluang Rajo Ibnu Saud. Inyo kamudian dilantik manjadi putera mahkota pado 11 Mai 1933 jo diangkek manjadi rajo satalah mangkatnyo ayahnyo pado taun 1953. Samaso pamarintahannyo banyak kantua pamarintahan didirikan di sampiang pandirian Universitas Rajo Saud di Riyadh.
Sapanjang pamarintahannyo banyak katidakpuasan disuarakan dek anggota keluarganyo sendiri. Seperti ayahandanyo, inyo mampunyai banyak anak labiah kurang 30 urang. Rajo Saud maagiah anak-anaknyo kakuasaan nan tinggi di sampiang malantik mereka ka posisi-posisi nan penting di dalam karajaan. Hal iko manyababkan adiak-adiaknyo tautamo adiak-adiak tirinyo maraso indak puas. Mereka mancaliak anak-anak Raja Saud indak mampunyoi cukuik pangalaman dalam mamarintah nagara di sampiang khawatir Raja Saud mungkin malantik anaknyo untuak manggantikannyo satalah iko. Rajo Saud gemar mambalanjoan pitih nagara demi kapentingan pribadi jo keluarganyo. Inyo juo mambuek kakisruhan politik nan antaranyo dikaikan jo percobaan pambunuahan Gamal Abdel Nasser, Presiden Masia katiko itu. Inyo juo dikatahui jo sikapnyo nan suko minum arak nan nyato-nyato marupoan pakaro nan dilarang dalam Islam.
Sabuah parabuikan kakuasaan dek keluarganyo surang tajadi pado taun 1964 jo disokong dek golongan ulama. Walaupun Muhammad bin Abdul Aziz Al Saud marupoan pawaris tahta nan paliang layak namun inyo anggan manarimonyo jo sabaliajnya manyokong pangangkatan adiak tirinyo yaitu Faisal bin Abdul Aziz Al Saud sabagai rajo. Rajo Saud kamudian ka Jenewa, Swiss satalah diusia kalua dari Arab Saudi. Pado taun 1966, Rajo Saud alah dijampuik dek Presiden Gamal Abdel Nasser untuak tingga di Masia. Inyo maningga dunia di Athena, Yunani pado tahun 1969.
Rujuakan
[suntiang | suntiang sumber]Pranala lua
[suntiang | suntiang sumber]- http://www.kingsaud.net (Arab)
- official website english version Archived 2016-10-19 di Wayback Machine.
| Gelar kebangsawanan | ||
|---|---|---|
| Didaului jo: Ibn Saud |
Rajo Arab Saudi 1953–1964 |
Digantian dek: Faisal |