SMK Negeri 2 Sawahlunto

Wikipedia Minangkabau - Lubuak aka tapian ilimu

SMK Negeri 2 Sawahlunto marupoan salah satu sikolah manangah kejuruan (SMK) bastatus negeri nan talatak di Desa Santur, Kecamatan Barangin, Kota Sawahlunto, Sumatra Barat. Sikolah iko baalamaik di Jalan Khatib Sulaiman, babarapo puluah meter ka dari Simpang Santur.

Sijarah[suntiang | suntiang sumber]

SMK Negeri 2 Sawahlunto sabalunnyo dikenal jo namo STM Negeri Sawahlunto, sabalun manjadi sikolah negeri banamo STM Kodya Sawahlunto nan dikalola dek Yayasan Pandidikan Kotamadya Sawahlunto. Sikolah iko didirikan pado tahun 1972 jo tanago pengajar dan fasilitas praktek dari Perum Tambang Batu Bara Ombilin. Kapalo Sikolah patamo dijabat dek Ir. Suhandoyo nan wakatu tu juo manjabek sabagai kuasa Direksi Tambang Batu Bara Ombilin.

Surek Kaputuihan Menteri Pandidikan dan Kabudayaan Republik Indonesia banomor SK No.0560/0/1984 Tanggal 20 November 1984 maubah STM Kodya Sawahlunto manjadi STM Negeri Sawahlunto, nan mano pado Tahun Pelajaran 1985/1986 sacaro operasional alah mulai bajalan jo 3 Jurusan yoitu Masin, Listrik dan Bangunan jo malaksanakan Kurikulum STM 1984, sabanyak 7 kelas dimana fasilitas dan sarana sabagaimano mamakai fasilitas perum tambang batu bara ombilin. Sairiang jo wakatu, SMK Negeri 2 Sawahlunto bakambang capek, mako SMK Negeri 2 Sawahlunto mambangun ruang sendiri di Desa Santur Kecamatan Barangin jo bantuan BP3 samantaro fasilitas praktek masih bakarajosamo dengan PT.BA UPO.

Prestasi[suntiang | suntiang sumber]

Pado tahun 1996/1997 bahasil manjadi juara 1 Wiyatamandala tingkek Propinsi Sumatra Barat dan sakaligus pado tahun nann samo alah dilakukan monitoring dan evaluasi jo prediket Baiak. Kamudian tahun 2008/2009 SMK Negeri 2 Sawahlunto ditatokan sabagai Sikolah Bataraf Internasional.

Rujuakan[suntiang | suntiang sumber]