Rumah Gadang 13 Ruang Suku Dalimo

Rumah Gadang 13 Ruang Suku Dalimo
Namo sasuai jo Sistem Registrasi Nasional Cagar Budaya
Cagar budaya Indonesia
Paringkek	Kabupaten
Kategori	Bangunan
Lokasi	Jorong Sungai Jodi, Nagari Lubuk Tarok , Kabupaten Sijunjung
Taun panatapan	30 Desember 2020
Pamiliak	Pemerintahan Kabupaten Sijunjung  Indonesia
Pangalola	Pemerintahan Kabupaten Sijunjung
Koordinat geografi	0.8144661°S 101.005399°E / -0.8144661; 101.005399

Rumah Gadang 13 Ruang Suku Dalimo

Rumah Gadang 13 Ruang Suku Dalimo adolah rumah adaik tradisional Minangkabau punyo masyarakaik Suku Dalimo nan tagolong juo cagar budayo Indonesia. Indak mode rumah gadang pado umumnyo nan mamiliki sambilan ruang, rumah gadang ko punyo13 ruang nan punyo fungsi masiang-masiang.

Rumah gadang 13 ruang masih dapek awak tamui di Jorong Sungai Jodi, Nagari Lubuk Tarok ,Kecamatan Lubuk Tarok, Sijunjung, Sumatera Barat. Awal mulonyo, rumah gadang ko punyo 17 ruang nan dimiliki dek kelarasan Koto Piliang. Ciri utamonyo ado anjuang, iyolah bagian lantai di subalah suok (Timur) rumah nan ditinggikan.

Struktur

Bangunan rumah gadang 13 ruang Suku Dalimo babantuak rumah pangguang nan tingginyo kiro-kiro 1,6 meter dari tanah. Atoknyo babantuak gonjong sabanyak anam buah, nan mamakai langgam alang tabang. Rumah ko ditopang dek 70 buah tonggak nan tabuek dari kayu jua, tonggak ko indak diukia bagai do. Posisi rumah gadang biasonyo maadok ka arah Utara serong Barat 25⁰. Panjangnyo 50,60 meter x leba 8,40 meter. Anjuang nan manjadi ruang partamo dipakai dek kaluargo nan dituokan,  ukurannyo 8,45 meter x 3,8 meter dan tinggi 45 centimeter dari lantai.