Robert Blust

Dari Wikipedia baso Minang, ensiklopedia bebas
Loncat ke navigasi Loncat ke pencarian
Robert Blust
Robert Blust 2017.jpg
Lahia Robert Andrew Blust
(Cino: 白樂思; )

1940
Cincinnati, Ohio, AS
Tampek tingga Honolulu, Hawaiʻi
Kabangsaan Amerika
Pandidikan PhD bidang linguistik (1974), Universitas Hawaiʻi di Mānoa
Karajo Linguistik historis, leksikografi, etnologi
Tampek karajo Universitas Hawaiʻi di Mānoa
Gala Professor of Linguistics;
Editor pamareso untuak jurnal Oceanic Linguistics
Pasangan iduik Laura Chang-Blust
Laman web
http://www.ling.hawaii.edu/faculty/blust/

Robert A. Blust (lahia 1940, Cino: 白樂思; pinyin: Bái Lèsī) adolah surang ahli bahaso takamuko dalam babarapo bidang, antaro lain linguistic historis, leksikografi, jo etnologi. Blust adolah spesialis pado rumpun bahaso Austronesia dan lah tamusaua ateh babagai sumbangan pantiangnyo di bidang ilimu bahaso Austronesia.

Riwayaik iduik[suntiang | suntiang sumber]

Robert Blust lahia di Cincinnati, Ohio dan gadang di California, Amerika Sarikat. Baliau manarimo Bachelor of Arts di bidang antropologi jo PhD di bidang bahaso dari Universitas Hawaiʻi di Mānoa pado 1974. Kini ko baliau adolah profesor di Department of Linguistics pado Universitas Hawaiʻi di Mānoa, dan manjabaik sabagai kapalo department antaro 2005 inggo 2008.

Rumpun bahaso Austronesia[suntiang | suntiang sumber]

Baliau panah juo manjabaik sabagai editor pamareso untuak Oceanic Linguistics, sabuah jurnal akademik nan mambahas tantang rumpun bahaso Austronesia. Blust tanamo tarutamo dek karyanyo tantang Austronesia, nan antaro lain kamuih gadang pabandiangan bahaso Austronesia (Blust 1995c) dan kamuih Thao-Inggirih (Blust 2003b). Karya takamuko lainnyo nan tabik taun 2009 adolah The Austronesian Languages, sabuah buku patamo nan dikarang surang diri nan mancakuik sadonyo aspek (fonologi, sintaks, morfologi, parubahan bunyi, klasifikasi, jll.) pado kaluargo bahaso Austronesia sacaro kasaluruahan.

Karajo lapangan[suntiang | suntiang sumber]

Blust lah malakuan karajo lapangan taradok 97 bahaso Austronesia nan ditutuaan di babagai tampek, sarupo Sarawak, Papua Nugini, dan Taiwan. Di Taiwan, baliau lah manjalanan karajo lapangan tantang rumpun bahaso Formosa, sarupo Thao, Kavalan, Pazeh, Amis, Paiwan dan Saisiyat. Kamuih nan dibueknyo tantang bahaso Thao nan sangaik tarancam, kini adolah nan paliang langkok dibandiangan bahaso-bahaso Formosa lainnyo, nan mancapai labiah dari 1.100 alaman. Blust juo sabana baminaik taradok aspek bahaso jo budayo dari palangi jo naga.

Publikasi tapiliah[suntiang | suntiang sumber]

Rujuakan[suntiang | suntiang sumber]