Randai ilau
Randai ilau adolah sabuah kesenian dari nagari Saniang Baka nan masih acok di tampilkan pado acara adat atau hiburan untuak acara-acara tertentu dan alah diwariskan sacaro turun temurun, diutamoan untuak generasi nan labiah mudo, ilau itu artinyo bagembira, suka ria, sanang, bagurau.
Sajarah
[suntiang | suntiang sumber]Randai ilau ado atau lahia sejak nagari Saniang Baka badiri yaitu beratus-ratus tahunan lalu. Randai ilau manjadi satu-satunyo kesenian taradisi partamo nan diciptaan gunonyo untuak upacara maanggkek pangulu dalam nagari Saniang Baka. Pangangkatan pangulu, randai Ilau lah nan ditampilan untuak partamo kalinyo di Saniang Baka. Randai ilau hadir jo tacipto basamoan dangan adonyo nagari Saniang Baka, sabagaimano nan di ungkapan di dendang randai ilau nan babunyi "randai saasa Jo nagari" masyarakaik Saniang Baka mangkin lamo mangkin batambah banyak dari kanagarian maupun nan datang dari lua nagari.[1]
Tahapan palaksanaan
[suntiang | suntiang sumber]Randai ilau marupokan kesenian taradisi nan di baokan manggunokan dalapan tahapan, satiok tahap langkahnyo batukah partamo pasambahan, kaduo pado-pado, katigo langkah ilau, kaampek lahden iyo, kalimo pasinggahan randah, kaanam pasinggahan tinggi, katujuah lagu tarang, salapan pakangalan jambo. Musik panggiring randai ilau yaitu dendang gorak nan barasa dari gorak silek yaitu dari silek kumango nan bantuak bungo silek dalam ruang lingkuik masyarakaik Saniang Baka bungo silek di sabuik jo silek jalik, silek jalik digunoan dalam gorak randai ilau karano pado umumnyo saluruah kesenian taradisi barasa dari gorak Silek. Adopun gorak silek nan lain silek singo barantai randai ilau dimainkan kurang labiah sabanyak dalapan urang dengan membentuk formasi lingkaran. [2]
Karakterisasi
[suntiang | suntiang sumber]Karakterisasi randai ilau sampai saat kini ko indak parnah tajadi parubahan karakter walaupun alah banyak di palajari masyarakat lainnyo. Karakterisasi randai ilau dapek di caliak dari segi ruang, waktu, tenaga, dan busana. Karakter ruang nan di miliki pado randai ilau bervolumebesar, karakter wakotu manggunakan gerak samo dalam wakotu samo, tenagan nan dimiliki randai ilau yaitu intensitas gerak sedang, busana nan dikenakan visual memiliki busana flowing, decoration, historical form, dan attribut.[3]
Wakotu pelaksanaan
[suntiang | suntiang sumber]Upacara maangkek pangulu dalam satiok suku jo upacara randai ilau mamacik peran nan pantiang. Randai ilau marupakan perhiasaan nagari Saniang Baka, talabiahnyo perhiasaan pangulu. Randai ilau marupakan salah satu kesenian taradisi nan ado di nagari Saniang Baka nan di tinggikan kedudukannyo. Penghormatan Randai Ilau dijadian sabagai acara puncak di satiok upacara pangulu di Nagari Saniang Baka. Tujuannyo untuak menghormati pangulu sabagai pemimpin kaum, taradisi iko iduik jo bakambang sajalan jo nagari Saniang Baka. Dalam satiok upacara maangkek pangulu, pertunjukan randai ilau salah satu syaraik nan musti dilengkapi, jikok randai ilau indak dilakuan dalam upacara maangkek pangulu mako pangulu nan baru diangkek tapakso diusir dari nagari Saniang Baka. Pengusiran iko tajadi karano pangulu dalam kaum tasabuik alum siap untuak manjadi pemimpin dari kaumnyo, Kajadian iko dianggap sabagai pelanggaran terhadap aturan adat nan ala di supakaik basamo oleh para pangulu terdahulu dalam Nagari Saniang Baka.
Dendang
[suntiang | suntiang sumber]Untuak dendang dalam randai ilau menyajikan berdasarkan nan dilisankan. Transkripsi terhadap dendang dalam Randai Ilau dilakukan dengan ketentuan, untuak mentranskipsikan teks dendang dalam randai ilau hanyo mengacu pado apo nan dilisankan.
sutan di benteang baru tibo
Suto lah ta jalo ateh camin
Layia la tarenjek badai tibo
Tapan lah kalago bungo angin
Adok dosai ako anyo alah ondeh lah tuan alah rang kuanyo
Panjang lah jambatan balai lalang
Tembok lah tarandam dalam aia
Batangnyo riak kagalombang
Pabilo paleang kabalaia
Adok dosai ako anyo alah onde lah tuan alah rangkuanyo
Ilau di sangko murah rang balimau
Rang balimau mambuang daki
Rang balimau mambuang daki
Disangko murang rang bailau
Rang bailau barenjek kaki
Rang bailau barenjek kaki
Sikanduang inyo namun kironyo
Lah nden iyo antimun babuah labu batiak
Daun kadulang rang lacakan
Daun kadulang rang lacakan
Padoman sasudah kami tiliak
Lai nan indak marusakkan
Lai nan indak marusakkan
Alah-alah sudahlah iko nan dek apo tak oi sansai nan dek olok badan binaso
Ikan kaliang lauak tanggiri
Ikan gabua di ateh pinggan
Ikan gabua di ateh pinggan
Sarik balaia musik kini
Luluak lumpua sauh tak makan
Luluak lumpua sauh tak makan
Alah-alah sudahlanko nan dek apo tak oyai sansai nan dek olok badan binaso
Paninggahan lah kampiah
Abih pandan uliah jo lojo
Abih pandan uliah jo lojo
Nagari siapo layia ka dunia
Mangko o malang
Namun lah cari mangko malang sikanduang inyo la namun kironyo
Nan sipasan baranak putiah
Jatuah kapapan lah duo-duo
Jatuah kapapan lah duo-duo
Abih sampan ganti dek upiak
Namun o pulau dihadang juo
Namun pulau dihadang juo
Sikanduang inyo namun kironyo
Gadang ari naiak anyo di mulalo
Mangacah-ngacah lah danau kacang
Mangacah-ngacah lah danau kacang
Tapuang baliah badai lapeleang nangko bia sabilah lah kasubarang
Tapuang baliah badai lapeleang nangko bia sabilah lah kasubarang
Sikanduang inyo namun kironya
Mangaya-mangaya kaujuang tanjung
Dapek ikan belang anak,
Dapek ikan belang anak
Dima dima jangkar bagantuang
Ikan lumpur alah lunak
Lumpur lemah karangnyo lunak
Kito ba ilau disiko kini
Ilau samo tajadi jo nagari
Saniang baka awal tajadi
Nan bainai hitam kuku
Mambayang ka talapak tangan
Dendang malang mak ei
Elok balayar jo perahu
Agar dapek pulau larangan
Dendang malang mak ei
Alah-alah untuang badan ambo amak tinggal dulu
Bisuak kami datang baliak
Dendang malang mak
Anak palam sarangkai limo
Sasimpang jalan urang ka kasiak
Dendang malang mak ei
Jan di hadang lauik cino
Banyak kapal nan kambali
Dendang malang mak ei
Alah-alah untuang badan ambo mak kanduang
Tinggah dulu bisuak kami tibo baliak
Dendang malang nak ei
Iko sabagian dari dendang randai.