Raja Sulaeman
Rajo Suleman adolah rajo ka-14 dari Karajaan Manila dan barasa dari kaluarga karajaan Maynila, Tondo jo Namayan. sabalun urang Spanyol datang pado taun 1570an, Raja Sulaeman marupoan pamarentah ka-14 Kota Manila, sabuah karajaan Tagalog-Muslim nan badiri pado taun 1258.[1][2]
Asal usua
[suntiang | suntiang sumber]Rajo Suleman, kadang-kadang disabuik sabagai Rajah Soliman adolah cucu dari Abdul Bolkiah dari Kasultanan Brunei, anak dari Sulaiman Bolkiah jo Laila Menchanai (putri Kesultanan Sulu).[3] Inyo juo punyo katurunan Tagalog dan marupoan cucu Raja Lontok jo Dayang Kalangitan (pamarintahan Karajaan Tondo jo Namayan) di Pulau Luzon, Filipina.
Sultanate of Manila Kesultanan Seludong كسولتانن سلوروڠ | |
|---|---|
| 1571–1760 | |
 Peta Spanyol dari Manila | |
| Ibu kota | Manila |
| Bahaso nan umum digunokan | Tagalog, Malay, Arabic, Spanish |
| Agamo | Islam |
| Pamarintahan | Sultanate, Rajahnate |
| Sultan | |
• 1571-1575 | Rajah Sulayman |
• 1575-1579 | Rajah Sulayman II |
• 1579-1614 | Hassanal Sulayman |
• 1614-1640 | Qasim Abdullah |
• 1640-1690 | Safar ud-Din (Enrique) |
• 1690-1760 | Esmael (Carlos) |
| Era Sijarah | Era Kolonial Spanyol |
• Perjanjian antara Tondo dan Spanyol | 1571 |
• Terintegrasi ke dalam Kekaisaran Spanyol, dan kemunduran Islam di Manila | 1760 |
| Mato uang | peso |
| Sekarang bagian dari |  Philippines |
Karajaan Manila atau dikenal sabagai Kota Seludong marupoan gabungan babarapo karajaan Islam nan parnah manguasoi kawasan Manila, Philipina. Pado abaik ka-16, wilayah Manila dipimpin dek Raja Sulaeman, Raja Lakandula jo Raja Matanda nan barasa dari nagari Minangkabau, sadangkan karajaan Sulu nan barado di Salatan Filipina juo marupoan karajaan nan didirikan dek urang Minangkabau.[4][5] Pado maso itu Manila adolah nagara Islam nan paliang utara di Nusantara jo mampunyoi hubungan dakek jo Sultanat Brunei, Sultan Sulu jo Sultan Ternate. Islam datang ka Manila pado taun 1565 malalui padagang-padagang Melayu dari Indonesia.[6]
Sultanat Brunei mancapai masa kajayoan dari abaik XV sampai XVII, katiko wilayah kakuwasoannyo mancapai saluruah pulau Kalimantan jo kapulauan Filipina. Brunei labiah kuwaik pado maso pamarintahan sultan kalimo, Bolkiah (1473-1521), nan takenal dek pajalanan-pajajalannyo di lauik dan manakluakan Manila; jo pado maso pamarintah sultan kasambilan Hassan (1605-1619), nan mangambangan sistem pangadilan karajaan, nan unsua-unsuanyo masih ado sampai kini.[7]
Sasudah Sultan Hassan, kamakmuran Brunei mamuda dek barabuik kakuasoan jo juo bakambangnyo pangaruah kakuasoan kolonial Eropa di daerah tu nan, antaro lain, marusak jalur pardagangan tradisional, marusak dasar ekonomi Brunei jo banyak kasultanan Asia Tenggara lainnyo. Pado taun 1839, pangusaho Inggirih James Brooke sampai di Kalimantan jo manolong Sultan Brunei manumpasa sabuah pambrontakan. Sabagai upah, inyo manjadi gubernur jo kamudian manjadi "Raja Putih" dari Sarawak di Kalimantan barat lauik jo kamudian mangambang daerah kakuasaan di bawah pamarentahannya. Brooke indak parnah mandapek kakuwasoan di Brunei, walaupun inyo mancubo untuak mangarajokan itu. Inyo batanyo ka pamarentah Inggirih, apokoh inyo buliah mangakui Brunei sabagai punyonyo, tapi inyo indak diakui. Walaupun Brunei diparintah sacaro indak elok, inyo punyo raso jo identitas nasional, jo dek karano itu indak dapek ditaklukkan dek Brooke.[8]
Pajuangan malawan Spanyol
[suntiang | suntiang sumber]Maso datangnyo urang Spanyol nan dipimpin dek Martín de Goiti jo Juan de Salcedo ka Filipina disambuik dek Raja Sulaeman. Rajo Sulaeman manjalin karajo samo jo manawarkan rempah ratus ka urang tu sarato dayang-dayang sabagai hadiah. Rajo Sulaeman mulai sadar kalau Spanyol alah maambiak kasampatan jo mancubo untuak marabuik kota Manila[9] karano faktor kakayoan hasia buminyo. Akienyo Raja Sulaeman malancarkan serangan kapado urang Spanyol di Manila.[10][11]
Tapi, rajo Suleman, nan sabana-bana Muslim, indak takuik. Babarapo taun kamudian inyo pun malawan Spanyol lo baliak. Inyo mamintak kapalo suku lain dari Hagonoy, Macabebe jo barangay tatanggo Bulacan jo Pampanga lain untuak mampajuangkan kamardekaannyo jo inyo. Tapi pamannyo, Raja Lakandula dari Tondo, indak mambantu inyo. Dalam pajuangan nan sangaik barek di Bangkusay, Tondo, Sulaiman mati. Inyo mati untuak kahormatan, martabat jo kamardekaan nagara inyo. Inyo adolah salah satu Pahlawan Filipina nan paliang barani.[12][13]
Rujuakan
[suntiang | suntiang sumber]- ↑ Henson, Mariano A (1955). The Province of Pampanga and its towns (A.D. 1300–1955) with the genealogy of the rulers of central Luzon. Manila: Villanueva Books.
- ↑ Majul, César Adib (1973). Muslims in the Philippines. Diliman: University of the Philippines Asian Center.
- ↑ "Pusat Sejarah Brunei - Sultan - Sultan Brunei". www.history-centre.gov.bn. Diakses tanggal 2024-01-16.
- ↑ Apriliani, Anggita (22 Maret 2022). "Rajah Sulayman, Perantau asal Minang yang Mendirikan Kota Manila, Filipina". kumparan (dalam bahasa Indonesia). Diakses tanggal 2024-01-16.
- ↑ Redaksi (2021-06-02). "Mengenal Raja Sulaeman, Ulama Minangkabau Pendiri Kota Manila Filipina". Langgam.id (dalam bahasa Indonesia). Diakses tanggal 2024-01-16.
- ↑ Agoncillo, Teodoro C. (1990). History of the Filipino People (edisi ke-8th edition). Quezon City: Garotech Publishing. pp. p. 22. ISBN 971-8711-06-6. https://archive.org/details/historyoffilipin00teod.
- ↑ Suddin, Bani (Desember 2008). "Perkembangan Pendidikan Islam di Brunei Darussalam". Lentera Pendidikan: Jurnal Ilmu Tarbiyah dan Keguruan. 11 (2): 270–283. doi:10.24252/lp.2008v11n2a11. Diakses tanggal 2024-01-16.
- ↑ Suddin, Bani (Desember 2008). "Perkembangan Pendidikan Islam di Brunei Darussalam". Lentera Pendidikan: Jurnal Ilmu Tarbiyah dan Keguruan. 11 (2): 270–283. doi:10.24252/lp.2008v11n2a11.
- ↑ Henry (2020-05-16). "Masuknya Islam ke Filipina, Pengaruh Tabib Arab dan Raja Minang". liputan6.com (dalam bahasa Indonesia). Diakses tanggal 2024-01-16.
- ↑ Rohman, Taufiqur (2019-06-12). "Pendiri Negara Filipina Adalah Seorang Perantau Muslim Asli Indonesia". Phinemo.com. Diakses tanggal 2024-01-16.
- ↑ Kifaya, Anarani (2022-06-07). "Benarkah Pendiri Filipina Berasal dari Indonesia? Cek Faktanya". www.viva.co.id (dalam bahasa Indonesia). Diakses tanggal 2024-01-16.
- ↑ Sidik, Zafar (2021-08-12). "Jejak Raja Sulaeman, Penguasa Minangkabau Yang Mendirikan Filipina - Ketik News - Halaman 2". Jejak Raja Sulaeman, Penguasa Minangkabau Yang Mendirikan Filipina - Ketik News - Halaman 2 (dalam bahasa Indonesia). Diakses tanggal 2024-01-16.
- ↑ Ihram. "Rajah Sulaiman: Pembawa Islam di Wilayah Filipina - FIQHISLAM.com". www.fiqhislam.com. Diarsipkan dari versi asli tanggal 2024-01-16. Diakses tanggal 2024-01-16.