Putri Ariani

Tambah pautan
Wikipedia Minangkabau - Lubuak aka tapian ilimu
Templat:Br separated entriesurojtrolk llfjt love fh
Putri tampil di Istana Merdeka pada tahun 2023
Lahia
Ariani Nisma Putri

31 Desember 2005 (umua 18)
Bangkinang, Kampar, Riau, Indonesia[1]
KarojoPenyanyi-penulis lagu
Taun aktif2014–sekarang
Dikana dek
Musical career
Genre musik
Instrumen
Laman resmiputriariani.id

Ariani Nisma Putri (lahia di Bangkinang, 31 Desember 2005; umua 18 taun), dikenal sacaro profesional sabagai Puteri Ariani, adolah surang panyanyi-panulih lagu pop solo panyandang tunanetra nan punyo kabangsaan Indonesia. Namonyo mulai dikenal sajak maikuti kompetisi Indonesia's Got Talent 2014 jo barasil mancapai posisi sabagai pamanang. Inyo mandapek pangakuan global dek partisipasinyo di America's Got Talent 2023. Video audiensi Puteri Ariani manjadi viral jo tren di labiah dari 30 nagara. Inyo marapek ka-4 di kompetisi tu.[2]

Kahidupan awal jo pandidikan[suntiang | suntiang sumber]

Putri lahir jo namo Ariani Nisma Putri pado tanggal 31 Desember 2005 di Bangkinang, Kampar, Riau. Inyo adolah anak partamo dari tigo dunsanak dari pasangan Ismawan Kurnianto katurunan Jawa jo Reni Alfianty dari Minang. Neneknyo dari pihak mandeh banamo Hj. Asnilawati dari Pandai Sikek.[3] Ariani adolah cucu partamo dalam kaluarganyo nan gadang. Putri ko punyo duo adiak ketek nan banamo Devina Elysia jo Vania Larissa.[4]

Putri ko dilayiekan jo kondisi prematur pado umua anam bulan 18 hari dek mandehnyo kanai panyakik Plasenta previa. Sasudah kalahiran, Putri harus di dalam inkubator bayi salamo 3 bulan di rumah sakit.[5] Puteri tu disabuik punyo katarak pado katiko inyo kaluwa dari inkubator. Sasudah itu, urang gaeknyo mambaok Putri untuak diubek ka Singapura jo dikatokan baso inyo alah manjalani retinopathy prematuritas jo sempatnyo mangarajokan operasi untuak mato suoknyo tapi indak mancapai hasil nan elok.[4][6] Inyo dinyatokan buto total pado umua 3 bulan.[7]

Putri iko dikenalkan jo musik samo neneknyo, Asnilawati, jo baraja musik sacaro mandiri tanpa maikuti les vokal. Inyo mulai tampil manyanyi di panggung sajak umua tujuah taun.[8] Puteri manyatoan baso inyo acok mandapek parunduangan dek karano punyo fisik nan babeda.[9]

Pado taun 2021, Putri manampuah pandidikan Sekolah Menengah Atas di SMK Negeri 2 Kasihan atau nan dikenal sabagai Sakolah Manangah Musik Yogyakarta (SMM) di Kabupaten Bantul, Daerah Istimewa Yogyakarta. Puteri iko maambiak spesifikasi instrumen Major Flute. Inyo juo parnah didaulaik untuak manampiakan vokal solo di konser SMM.[10]

Karir[suntiang | suntiang sumber]

Putri mulai karirnyo di industri hiburan jo maikuti ajang pancarian bakat Indonesia's Got Talent musim kaduo nan ditayangkan di jaringan televisi SCTV pado taun 2014.[11] Dalam babak Result Show nan ditayangkan langsung dari Balai Sarbini pado 19 Juli 2014, Putri mambaon lagu "My Heart Will Go On" dari Céline Dion. Inyo barasil mandapek panjualan suara SMS tatinggi jo mandapek gala juaro.[12] Sabagai pamanang, inyo mandapek pitih tunai nan bajumlah 500 juta rupiah.[13]

Pado taun 2016, Putri mandapek anugerah dalam rangka Anugerah Baiduri sabagai panyanyi ketek nan mancapai prestasi pado tingkek nasional. Salain itu pado taun nan samo, Putri mandapek juara 2 tingkek nasional literasi FLS2N, sarato juo tareliminasi dalam babak Sing-off di acara The Voice Kids Indonesia musim kaduo. Puteri piawai dalam bamain piano jo mambuek babarapo lagu, inyo juo acok mangambangan karyanyo di saluran YouTube pribadinyo jo mambuek album perdana nan banamo Melihat Dengan Hati.[14]

Kutiko Indonesia dipiliah untuak manjadi tuan rumah Asian Para Games 2018, Putri mandapek kasampatan untuak mangambangkan lagu "Song of Victory" pado acara pambukaan partai olahraga disabilitas se-Asia, untuak mambari samangaik ka atlet disabilitas.[15] Putri sempat untuak maikuti audisi America's Got Talent musim 13 tapi indak mandapek respon.[16]

Pado Maret 2023, Putri ko ko kolah kolaborasi jo Ronie Udara nan juo personil dari grup musik Rubah Di Selatan. Inyo mangaluwakan lagu nan banamo "Kidung Kelana". Pado sabalunnyo, inyo juo baduet dalam lagu "Takdir Ini" nan dirilis pado taun 2022.[17] Puteri iko diundang untuak audisi dari America's Got Talent musim 18 untuak minggu kaduo di Amerika Serikat. Di audisi tu, inyo mambaok lagu aslinyo nan banamo "Loneliness" untuak pamuloan.[18] Sasudah itu, Putri datang ka Simon Cowell dan mandapek kasampatan untuak mananyanyian "Sorry Seems to Be the Hardest Word" nan dipopulerkan dek Elton John untuak panampilan kaduo. Di akhir panampilan, inyo mandapek Golden buzzer dari Cowell nan otomatis mambuek inyo lolos dari audisi tasabuik.[19] Puteri Ariani dapek marupokan juara ka-4 di ajang tu.

Rujuakan[suntiang | suntiang sumber]

  1. ↑ Ramdani, Aan (27 Oktober 2020). "Ariani Nisma Putri, Penyanyi Tuna Netra dengan Suara Emas Kelahiran Kampar Riau". Tribunnews (dalam bahasa Indonesia). Diarsipkan dari versi asli tanggal 19 November 2021. 
  2. ↑ Rachmawati, Dinda (28 September 2023). "Profil dan Biodata Putri Ariani, Penyanyi Indonesia yang Sabet Juara Keempat di AGT 2023". suara.com (dalam bahasa Indonesia). Diakses tanggal 2024-01-15. 
  3. ↑ Hasril Chaniago, ed (2023). Ensiklopedia Tokoh 1001 Orang Minang. 3. Padang: UMSB Press. ISBN 978-623-8416-01-1. 
  4. ↑ a b Satya, Juan Dwi (7 Juni 2023). "7 Fakta Keluarga Putri Ariani, Dapat Golden Buzzer AGT 2023". Pop Mama (dalam bahasa Indonesia). Diarsipkan dari versi asli tanggal 2023-06-08. Diakses tanggal 2024-01-15. 
  5. ↑ Frida, Trisya (8 Juni 2023). "Kisah Hidup Putri Ariani, Lahir Prematur saat Usia Kandungan Masih 6 Bulan". VIVA (dalam bahasa Indonesia). Diarsipkan dari versi asli tanggal 9 Juni 2023. Diakses tanggal 2024-01-15. 
  6. ↑ Alam, Sarah Oktaviani (8 Juni 2023). "Cerita Putri Ariani Peraih Golden Buzzer yang Sempat Jalani Operasi Mata". Detik (dalam bahasa Indonesia). Diarsipkan dari versi asli tanggal 8 Juni 2023. Diakses tanggal 2024-01-15. 
  7. ↑ detikHot, Tim (08 Juni 2023). "Putri Ariani, Penyanyi Tunanetra Kelahiran Sumatera". detiksumbagsel (dalam bahasa Indonesia). Diakses tanggal 2024-01-15. 
  8. ↑ Anggraini, Pingkan (7 Juni 2023). "Putri Ariani Tak Pernah Ikut Les Nyanyi, Suaranya Disebut Seperti Malaikat". Detik (dalam bahasa Indonesia). Diarsipkan dari versi asli tanggal 7 Juni 2023. Diakses tanggal 2024-01-15. 
  9. ↑ Sundari, Zulfa Ayu (14 Juni 2023). "Putri Ariani Cerita Sering Di-bully hingga Tak Punya Teman karena Penyandang Disabilitas". Liputan 6 (dalam bahasa Indonesia). Diarsipkan dari versi asli tanggal 15 Juni 2023. Diakses tanggal 2024-01-15. 
  10. ↑ Erlin, Erfan (7 Juni 2023). "Belajar di SMM Yogyakarta, Putri Ariani Selalu Raih Nilai Tinggi di Kelas Instrumen Major Flute". Okezone (dalam bahasa Indonesia). Diarsipkan dari versi asli tanggal 8 Juni 2023. Diakses tanggal 2024-01-15. 
  11. ↑ Aprianto, Dimas Nur (8 Juni 2023). "Sebelum di America's Got Talent, Putri Ariani Sempat Ikut Indonesia's Got Talent". Jawa Pos. Diarsipkan dari versi asli tanggal 8 Juni 2023. Diakses tanggal 2024-01-15. 
  12. ↑ Edward, Julian (20 Juli 2014). Ferdian, Feby, ed. "Ariani Putri Juarai Indonesia's Got Talent 2014". Liputan6 (dalam bahasa Indonesia). Diarsipkan dari versi asli tanggal 6 April 2023. Diakses tanggal 2024-01-15. 
  13. ↑ Sasongko, Darmadi (21 Juli 2014). "Ariani Nisma Putri, Juara Indonesia's Got Talent 2014". KapanLagi (dalam bahasa Indonesia). Diarsipkan dari versi asli tanggal 16 Oktober 2022. Diakses tanggal 2024-01-15. 
  14. ↑ Lova, Cynthia (11 Juni 2023). Pangerang, Andi Muttya Keteng, ed. "Tak Pernah Dipaksa Orangtua, Putri Ariani Ikut Beberapa Ajang Pencarian Bakat karena Kemauan Sendiri". Kompas (dalam bahasa Indonesia). Diarsipkan dari versi asli tanggal 11 Juni 2023. Diakses tanggal 2024-01-15. 
  15. ↑ Pangerang, Andi Muttya Keteng (23 September 2018). Kamil, Ati, ed. "Tunanetra Putri Ariani Ikut Nyanyikan Lagu Tema Asian Para Games 2018". Kompas. Diarsipkan dari versi asli tanggal 15 Juni 2023. Diakses tanggal 2024-01-15. 
  16. ↑ Anggraini, Pingkan (13 Juni 2023). "Putri Ariani Pernah Diabaikan America's Got Talent Sebelum Raih Golden Buzzer dari Simon Cowell". Detik (dalam bahasa Indonesia). Diarsipkan dari versi asli tanggal 15 Juni 2023. Diakses tanggal 2024-01-15. 
  17. ↑ Saputra, Aditia (20 April 2023). "Ronie Udara Merilis Karya Kolaborasi Bersama Putri Ariani". Liputan6 (dalam bahasa Indonesia). Diarsipkan dari versi asli tanggal 19 Mei 2023. Diakses tanggal 2024-01-15. 
  18. ↑ Oktaviane, Dwi (11 Juni 2023). "Cerita Putri Ariani Menulis Loneliness yang Pukau Juri America's Talent". Tempo (dalam bahasa Indonesia). Diarsipkan dari versi asli tanggal 15 Juni 2023. Diakses tanggal 2024-01-15. 
  19. ↑ Lova, Cynthia (9 Juni 2023). Pangerang, Andi Muttya Keteng, ed. "Sempat Grogi Saat Tampil di America's Got Talent, Putri Ariani Tak Sangka Dapat Golden Buzzer". Kompas (dalam bahasa Indonesia). Diarsipkan dari versi asli tanggal 10 Juni 2023. Diakses tanggal 2024-01-15. 
Diambiak dari "https://min.wikipedia.org/w/index.php?title=Putri_Ariani&oldid=3148755"