Puncak happy

Puncak Happy marupokan salah satu puncak yang ado di Guguak Sarai, Kabupaten Solok. Diagiah namo puncak happy karano dari ateh puncak happy kito bisa mancaliak hamparan bukik, jo sawah. Pamandangan ikolah yang mambuek pangunjuang mamburu tampek iko untuk bafoto, dek itu pulolah warga satampek manyabuik puncak ko jo namo puncak happy karano pas alah tibo di puncak, raso panek talapehan dek mancaliak pemandangannyo sahinggo bisa buek raso jadi labiah happy.

Caro untuak manuju ka puncak happy butuah perjuangan dan harus acok batanyo ka warga sekitar karano tampeknyo yang lumayan terpencil dan agak tasuruak. Dari Kota Padang manuju Guguak Sarai mambutuahan wakatu sakitar duo jam, sadangkan kalau dari Kota Sawahlunto atau Kota Solok sabagai kota yang paliang dakek dari Guguak Sarai hanyo mambutuahan wakatu tigo puluah minik. Namonyo puncak, pasti butuah usaho untuak sampai. Sangaik dianjurkan hanyo mambaok onda ka Puncak Happy karano akses jalan yang sampik, pandakian yang terjal jo banyak jalan yang balubang. Kalau misalkan indak punyo onda, pangunjuang bisa manyewa ojek yang disadioan warga satampek dengan harago Rp20.000 sampai Rp30.000 untuak bolak-baliak dari bawah sampai ka titiak dima pangunjuang harus bajalan manyusuri parak. Dari titiak mulai bajalan, kito akan manyusuri parak yang jalan setapaknyo alah dibuek oleh warga satampek. Sampai di puncak pangunjuang alah dinanti jo panorama pamandangan nan rancak. Salah ciek tampek tertinggi babantuak tabiang batu marupokan tampek favorit bafoto, tapi harus hati-hati dek harus agak saketek malompek jo pambateh tabiang yang indak ado. Kawasan Puncak Happy mulai terkenal karano pangaruah media sosial yang dipopulerkan dek anak-anak mudo yang ado di Solok