Pulau Pasumpahan
| Koordinat | -1.118217,100.367746 |
|---|---|
| Provinsi | Sumatera Barat |
| Kota Padang,Kecamatan Bungus Teluk Kabung kelurahan Bungus Selatan Sungai Pisang | |
| Populasi | - |
Pulau Pasumpahan adolah sabuah pulau nan talatak di parairan kacamatan Bungus Teluk Kabung Kota Padang provinsi Sumatera Barat, Indonesia. tanamo dek kaindahan lauiknyo mambuek pulau ko mulai dikana dek wisatawan lokal dan internasional.
Pulau Pasumpahan barado sakita 200 meter dari Pulau Sikuai. Pulau ko mamiliki objek wisata pantai pasie putiah jo tarumbu karang nan masih tajago.
Pulau ko diharokkan akan manjadi daerah tujuan wisata unggulan di provinsi Sumatera Barat. Pulau ko talatak di sabalah barat Pulau Setan Kete, untuak manampuah pulau ko mamakan wakatu 10 minik dari Sungai Pisang jo mesin 45 PK.
kaunggulan wisata bawah lauik di kawasan wisata bahari pantai barat Kota Padang adolah kawasan ekosistem tarumbu karang nan tadapaik hampie di satiok pulau, di antaranyo di Pulau Gosoang. Salain dari tarumbu karang babagai janih ikan karang/ikan-ikan hias pulo sangaik menarik untuak dinikmati dek wisatawan. Di parairan Kota Padang ditamukan 21 janih ikan kepe-kepe nan didominasi dek Chaetodon trifascialis. Lokasi-Iokasi panyalaman nan sudah mulai dipasakan pado wisatawan antaro lain Pulau Sironjong, Pulau Ular, Pulau Sirandah, dan Pulan Pandan.
Pasumpahan kini sadang dikambangkan sabagai objek wisata nan di unggulkan di daerah sumatera barat. Fasilitas pandukuang untuak tu tangah dibangun di pulau ko.
Pranala luar
[suntiang | suntiang sumber]- Situs web resmi Kota Padang
- (Indonesia) (Inggirih) Dinas Kebudayaan dan Pariwisata Kota Padang Archived 2011-12-01 di Wayback Machine.