Puffin atlantik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Puffin Atlantik
Puffin dewasa Iceland
Suaro Puffin Atlantik, direkam di Skokholm Island, Pembrokeshire, Wales
Conservation status
Klasifikasi ilmiah
Kingdom: Animalia
Phylum: Chordata
Class: Aves
Order: Charadriiformes
Family: Alcidae
Genus: Fratercula
Species: F. artica
Namo binomial
Fratercula artica
(Linnaeus, 1758)
Daerah bakambang biak (oranye) jo daerah musim dingin (kuniang)

Puffin Atlantik adolah sajinih buruang lauik nan iduik di balahan bumi sabalah utara.[1] Hewan iko mancari makan jo caro manyalam dan marupoan paranang nan hebat, makananyo barupo ikan jo zooplankton[lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1][lower-alpha 1]. Buruang nan diakana sabagai buruang lauik pelagis iko marupoan hewan nan bakambang biak jo jumlah nan banyak.[3] Buruang iko mamilki warna saparti pinguin.[4]

Bantuak badan jo karakteristik fisik[suntiang | suntiang sumber]

Puffin atlantik iko mamiliki badan saparti hewan kelas aves pado umumnyo yoitu tadiri dari kapalo, pungguang jo sayok. Warna itam mandominasi pado bagian ateh badan dari hewan iko, tatapi pado bagian bawah badannyo bawarna putiah. Pado bagain paruah nyo mamiliki warna oranye, kuniang, jo kabiru-biruan sarato mamilki kaki bawarna oranye.[5] Warna muko pado Puffin atlantik iko barubah manjadi galok satalah kawin.[6]

Habitat[suntiang | suntiang sumber]

Indak saparti binatang pado umumnyo Puffin atlantik iko maabihan wakatu nyo di lauik bebas. Tatapi jiko pado musim kawin inyo pai ka Samudera atlantik bagian utara. Maliputi daerah daerah saparti di sapanjang Pantai Atlantik dari Maritim Kanada di selatan hinggo Maine.[4][6] Satalah kawin, si jantan mambuek sarang nyo di tabiang lauik jo dilapisi rumpuik atau mambuek sarang do calah calah batu.[6]

Parilaku jo kabiasaan[suntiang | suntiang sumber]

Puffin atlantik marupoan paranang jo panyalaman nan baiak. Mamiliki badan nan kompak, sayok nang lagi kuek, jo kaki nan basalapuik mambantu manyalam jo manggarik di bawah aia. Tatapi, kamampuan inyo di dalam aia babandiang tabaliak katiko di udaro jo di darat. Inyo mamiliki navigasi[lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2][lower-alpha 2] nan buruak katiko di darat jo udaro sahinggo inyo acok taantak sasuatu maskipun acok taantuak sasuatu, inyo bisa mancapai kecepatan 55 mil par jam di udaro.[4][5][6] Si jantan manarik perhatian si batino jo caro mangibeh ngibeh kapalo jo mambusuangkan dado nyo sarato mangepak ngepak sayoknyo, iko tajadi katiko masih di lauik lapeh.[5] Satalah kawin jo punyo anak, puffin iko baliak ka lauik, katiko maso kawin tibo pasangan iko batamu baliak di tampek nan samo satiok tahun.[4]

Kabiasaan makan[suntiang | suntiang sumber]

Puffin atlantik iko makan lauak lauak da sajinihnyo barupo hewan lauik ketek, tautamo lauak saparti capelin jo sandlance lauk lauk lain, sarato krustasea, cumi-cumi, jo caciang lauik. Puffin atlantik manahan lauak lauak ketek di dalam paruahnyo sampai 61 lauak.ketek jo 30 ikua ikan ukuran sadang Iko dek karano di dalam paruah puffin ko ado duri duri ketek sabagai panahan. [5][6]

Parilaku satalah kawin jo satalah punyo anak[suntiang | suntiang sumber]

Puffin batino hanyo mampunyoi ciek talua jo barek sakitar 40 g. Induak puffin manjago talua jo caro mangapik talua jo kaduo sayok nyo. Talua mambutuahkan wakatu sakitar 40 hari untuak manateh. Malakik gadang, makanan di agiah jo kaduo urang tuo sacaro bagantian salamo 40 hari lamonyo[4]. Butuah wakatu 4 atau 5 pekan untuak puffin tumbuah manjadi gadang jo barek 250 - 350 g. Satalah itu, bulu aluih pado badan puffin baubah manjadi bulu badan.[5][6] Pasangan puffin iko kawin labiah dari satu musim.[6]

Konservasi[suntiang | suntiang sumber]

Kini ko jumlah populasi Puffin atlantik bajumlah 5.700.000-6.000.000 ikua. Dalam satu dekade iko jumlah populasi Puffin atlantik ko manurun sabanyak 30%. Puffin atlantik ko parnah di eksploitasi dan diambiak dagiang jo bulu nyo pado abad ka 19 sampai pado awal ka abad 20 di Islandia jo Kepulauan Faroe. Eskploitasi[lower-alpha 3][lower-alpha 3][lower-alpha 3][lower-alpha 3] pado hewan iko parnah jua tajadi pado tahun 1953 di Kepulauan Blasket, County Kerry untuak di jadian makanan dek panduduak nyo.[5]

Pasebaran jo Imigrasi[suntiang | suntiang sumber]

Puffin atlantik tasebar di Samudera Atlantik utara mancangkup wilayah pesisir Islanida, New Jersey, Maroko, kanada sarato nagara eropa bagian timur. [3][4][6] Rentang wakatu hewan iko baimigrasi adolah, Maret-Agustus untuak koloni bagian selatan sarato Mei-september untuak koloni bagian utara.[5]

Galeri[suntiang | suntiang sumber]

Video[suntiang | suntiang sumber]

Pabandiangan Puffin atlantik jo jinih puffin lainnyo[suntiang | suntiang sumber]

Jinih Urutan taksonomi
Namo umum jo Namo ilmiah gamba Panjaleh Jangkauan
Puffin atlantik
(Fratercula arctica)
Puffin Latrabjarg Iceland.jpg
32 cm (13 in) panjang, jo 53 cm (21 in) leba sayok, barek 380 g (13 oz). Atlantik Utara: pasisia pantai Eropa utara ka selatan France, the British Isles, the Faroe Islands, Iceland, Greenland, Norway jo Atlantic Canada lalu selatan ka Maine. Musim dingin inyo ka Morocco jo New York[9]
Puffin tanduak
(Fratercula corniculata)
Fratercula corniculataUSFWSSL0002774.jpg
38 cm (15 in) panjang, jo 58 cm (23 in) leba sayok, mamiliki barek 620 g (1,37 lb). Pasifik Utara: Sapanjang pasisia pantai Siberia, Alaska jo British Columbia, Musim dingin ka selatan California and Baja California[10]
Puffin berumbai[11]
(Fratercula cirrhata)
TuftedPuffin.jpeg
38 cm (15 in) mamiliki panjang, jo 63,5 cm (25,0 in) leba sayok, mamilki barek 780 g (1,72 lb). Pasifik Utara: British Columbia, di sapanjang tenggara alaska Aleutian Islands, Kamchatka,Kuril Islands jo sapanjang Sea of Okhotsk. Musim dingin ka selatan Honshū jo California

Catatan kaki[suntiang | suntiang sumber]

  1. Zooplankton adolah organisme nan baukuran ketek nan iduiknyo di lautan bebas nan tamasuak ka dalam kelompok hewan [2]
  2. navigasi adolah caro manampekan haluan tabang[7]
  3. Eksploitasi adolah pemerasan besar besaran [8]

Rujuakan[suntiang | suntiang sumber]

  1. "Fratercula arctica (Atlantic Puffin) - Avibase". avibase.bsc-eoc.org. Diakses tanggal 2019-12-19. 
  2. "http://digilib.unila.ac.id/" (PDF).  Hapus pranala luar di parameter |title= (bantuan)
  3. a b "Puffin, Burung Laut yang Kini Terancam Punah". kumparan (dalam bahasa Indonesia). Diakses tanggal 2019-12-19. 
  4. a b c d e f "Atlantic Puffin | National Geographic". Animals (dalam bahasa Inggris). 2011-05-10. Diakses tanggal 2019-12-21. 
  5. a b c d e f g "Atlantic Puffin (Fratercula arctica) – Planet of Birds". www.planetofbirds.com. Diakses tanggal 2019-12-21. 
  6. a b c d e f g h "Atlantic Puffin - Fratercula arctica - NatureWorks". nhpbs.org. Diakses tanggal 2019-12-21. 
  7. "Arti kata navigasi - Kamus Besar Bahasa Indonesia (KBBI) Online". kbbi.web.id. Diakses tanggal 2019-12-26. 
  8. "Arti kata eksploitasi - Kamus Besar Bahasa Indonesia (KBBI) Online". kbbi.web.id. Diakses tanggal 2019-12-26. 
  9. Harrison (1988) p.404
  10. Harrison (1988) p.405
  11. "Tufted Puffin" is the preferred English name. F. Gill and M. Wright, Birds of the World: Recommended English Names, 2006.