Pisang panggang
Pisang panggang atau pisang santan marupoan kulek-kulek nan babahan utamo pisang. Olahan pisang panggang ko tabuek dari pisang buai nan dipanggan jo disiraman kuah santan. Pisang panggang santan ko mulonyo barasa dari Bukittinggi, namun kini ko alah mulai banyak dijua di Padang jo kota lainnyo di Sumatra Barat.[1][2] Pisang panggang santan diidangan jo pisang nan alah dipanggang tu disiram jo kuah santan jo ditambah sakapiang roti gabin. Pisang panggang ko dimakan sabagai kulek-kulek atau pandampiang minum kopi.
Caro mambuek[suntiang | suntiang sumber]
Bahan nan disiapan untuak mambuek pisang panggang yaitu pisang buai, santan, gulo, jo roti gabin sarato daun pandan. Caro mambueknyo yaitu panggang pisang sarato kulik-kuliknyo sampai masak. Di tampek lain masak santan jo tambahan aia supayo indak talalu pakek. Aduak santan supayo indak pacah kuah. Tambahan garam, vanili, jo gula sarato daun pandan. Bukak pisang dari kuliknyo kudian siram jo kuah santan. Tambahan roti rabin untuak palangkoknyo.
Rujuakan[suntiang | suntiang sumber]
- ↑ ID, Brisik. "Pisang Panggang, Olahan Pisang Khas Bukittinggi". Brisik.id (dalam bahasa Indonesia). Diarsipkan dari versi asli tanggal 2021-06-14. Diakses tanggal 2021-06-14.
- ↑ Nugraha, M. Catur (2019-08-12). "Pisang Panggang HM Zen, Pengganjal Perut Nikmat Dari Pasar Atas Bukittinggi". Jelajah Sumbar (dalam bahasa Inggris). Diakses tanggal 2021-06-14.