Perdana Putra Minang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Perdana Putra Minang
Lahia

23 Maret 2001 (umua 18

)
Bendera Indonesia Jakarta, Indonesia
Kabangsaan Bendera Indonesia Indonesia
Namo lain Dana
Karajo Atlet
Agamo Islam
Urang tuo Bonny Z. Minang
Wiwik B. Minang

Perdana Putra Minang (lahia di Jakarta, 23 Maret 2001; umua 18 taun) adolah surang atlet balap gokart Indonesia. Perdana alah manorehan prestasi nan mangagumkan diumuanyo nan masih sangek mudo. Perdana dianggap salah surang pambalap mudo Indonesia nan sangek potensial.[1] Mulai manyukoi dunia balap sajak baumua 7 taun, katiko bapaknyo nan suko jo olah raga balap maajaknyo manonton acara balap di suatu tampek di Jakarta pado taun 2008. Indak lamo sasudah tu, masih di taun 2008, Perdana langsuang mempacaliak-an prestasi jo manjadi juaro II di babarapo kelas balap pamulo. Sataruihnyo inyo-pun makin basinar jo tampil sabagai juaro I dalam babagai arena seri balap gokart nasional.[2]

Sajak taun 2009, Perdana mulai bakiprah di arena balap gokart regional jo internasional, sarupo di Thailand, Chino, Malaysia sarato Italia. Sampai taun 2012 Perdana alah mancatatkan prestasi jo manjadi juaro II pado kajuaraan "Copa Trofeo Griffone", Sarno International Karting Circuit, Napoli, Italia. Kajuaraan tu diikuti dek pambalap-pambalap mudo dari babagai nagaro Eropa jo Amerika.[3]

Kahidupan pribadi[suntiang | suntiang sumber]

Perdana Putra Minang adolah putra dari Bonny Minang jo Wiwik B. Minang. Ayahnyo, Bonny Z. Minang adolah surang pangusaha jo panggiat olahraga otomotif. Pado umuanyo nan masih sangek mudo tu, Perdana punyo cito-cito nan sangek tinggi, inyo nio suatu wakatu nantik dapek manjadi pambalap profesional sarato bakompetisi di arena balap F1 sarupo idolanyo Sebastian Vettel jo Kimi Raikkonen.[4]

Red White Racing Team[suntiang | suntiang sumber]

Perdana banauang di bawah klub balap Red White Racing Team (RWR) nan dikalola dek PT Red White Racing. Parusahaan tu adolah organisasi otomotif nan bakarakter progresif, nan didirian pado tanggal 23 April 2009 dek duo urang panggiat olahraga otomotif iyolah Stanley Iriawan jo Bonny Z. Minang. Organisasi tu punyo misi maangkek namo Indonesia di dunia balap otomotif internasional tarutamo balap gokart.

Hanyo dalam tempo kurang dari sa-taun, PT. Red White Racing alah malakuan babarapo tarobosan baru di dunia otomotif Indonesia. Pado bulan November 2009 di Malaysia, parusahaan tu bahasil manyalanggaraan kajuaraan gokart internasional nan diikuti labiah dari 100 paserta dari 18 negara. Jo prestasi sarupo itu manjadian RWR sabagai parusahaan Indonesia partamo nan manyalanggaraan kajuaraan balap dilua negaranyo. Baitu pulo jo kajuaraan dunia gokart di Mesir, dimano PT Red White Racing manjadi parusahaan partamo dari Asia nan manjadi co sponsor.

Masih di taun 2009, PT. Red White Racing bapartisipasi pulo dalam babagai kagiatan balap otomotif jo caro manjadi sponsor, baiak didalam nagari maupun dilua nagari, sarupo di Malaysia, Filipina, Thailand, Macau jo nan lain-lain.

Prestasi[suntiang | suntiang sumber]

Sampai taun 2012, Perdana Putra Minang alah mancatatkan babarapo prestasi, diantaronyo:

  • 2008 - Juara II Kadet 60cc, Kajuaraan Skutik Race
  • 2009 - Juara II Kelas 8-12 Tahun, Comer Cadet 60cc Formula Cadet, Kajuaraan Nasional Seri IV
  • 2009 - Juara IV Mini Rok, AKOC Saraburi, Thailand
  • 2011 - Juara III AKOC 2011, Macau, China
  • 2011 - Grand Final Asian Karting Open Championship (AKOC) 2011 kelas Mini Rok, Macau, China
  • 2012 - Juara II Copa Trofeo Griffone, Sarno International Karting Circuit, Napoli, Italia
  • 2012 - Juara II Rotax Invitaional Race 2012 Malaysia
  • 2012 - Trophy 'Andrea Margutti', South Garda Internasional Karting Lonato, Italia

Rujuak-an[suntiang | suntiang sumber]

  1. Pembalap Muda Sumbar Siap Tampil di Karting Dunia Dapurpacu.com, 17 Oktober 2011. Diakses 03 Mei 2013.
  2. Pegokart Perdana Putra Minang Tunjukkan Prestasi Tribunnews.com, 18 Juni 2012. Diakses 03 Mei 2013.
  3. Perdana Putra Minang Wakili Indonesia Raih Podium Kejuaraan Gokart Italia 'Copa Trofeo Griffone' SPORTKU.com, 13 Maret 2012. Diakses 03 Mei 2013.
  4. Perdana Putra Minang Bertekad Menjadi Pembalap F1 SPORTKU.com, 18 Oktober 2012. Diakses 03 Mei 2013.