Pasni Sata

Pasni Sata (lahia pado 9 september 1942. Di Nagari Baruh Gunuang, Kacamatan suliki Gunuang mas yang kini ko disabuik kacamatan bukik barisan), kabupaten limo puluah koto. Baliau iyolah wartawan yang sangaik basahaja dan sederhana, juo pernah manjabat sabagai wakil pemimpin redaksi haluan.

Pasni Sata manjalani pendidikannyo mulai dari sakolah rakyat (SR), Sokolah manangah ekonomi partamo (SMEP) dan Sakolah manangah ekonomi ateh (SMEA) dikota Payakumbuah. Dan baliau juo bergelar Sarjana (S1) yang baliau paroleh dari jurusan Administrasi Negara, fakultas ilmu sosial dan politik (fisipol) Universitas Terbuka, pado tahun 1992. Siap bakarajo baliau mandapek pandidikan kawartawanan kayak kursus jurnalistik "anton press" di Yogyakarta, pandidikan kawartawanan Mabes ABRI pado tahun 1965/1966, dan juo pandidikan kawartawanan Departemen penerangan RI ditahun 1971.

Baliau mamulai karir jurnalistiknyo disaat baliau masih barumua 22 tahun, dan baliau marantau ka Padang sasudah manikah basamo Ramadanis, di Suliki tahun 1964. lalu malamar sabagai wartawan harian Aman makmur yang baru tabik setahun. Tatapi sasudah koran aman makmur dibredel, Pasni kamudian pindah bakarajo diharian angkatan bersenjata edisi Padang dari tahun 1965-1968. kamudian baliau baliak lagi katiko aman makmur baliak terbit sasudah orde baru pado tahun 1968. Dan karirnyo pun maningkek dengan manjadi ketua redaksi, tapi indak jo waktu yang lamo, akhirnyo aman makmur baranti untuak tabik sajak tahun 1971. Salanjutnyo beliau manjadi wartawan kantu berita antara di Padang salamo 2 tahun, dengan sabagai koresponden majalah aneka minang yang tabiknyo di Jakarta. Pasni juo pernah manjabat sabagai katua yayasan kesejahteraan wartawan. Pado tahun 2006 beliau manarimo panghargaan "40 tahun setia profesi" dari PWI pusat. Beliau maningga di RSUP M.Jamil Padang 8 April 2017, dalam usia 74 tahun.