Parputaran
Parputaran adolah parputaran bando pado suatu sumbu nan totap, misalnyo parputaran gasiang dan parputaran bumi pado poros/sumbunyo. Untuak bumi, rotasi iko tajadi pado garih/poros/sumbu utaro-salatan (garih tagak dan saketek miriang ka suok). Bilo garih utaro-salatan bumi indak barhimpit jo sumbu rotasi bumi, ajak nan tacaliak pado "globe bola dunia" nan digunoan dalam pelajaran ilmu bumi/geografi. Laju putaran iko diukua dek banyaknyo putaran par satuan wakatu. Misalnyo bumi awak baputar 1 putaran par 24 jam. Untuak rotasi masin nan baputar labiah copek dari rotasi bumi, awak manggunoan satuan rotasi par minik (rpm).
Akibat dari garak rotasi iko, mako bando tasabuik akan mangalami gayo sentrifugal, iyolah jinih gayo pado ilimu fisika nan barakibat bando akan talantiang kalua. Kajadian iko akan tampak taraso katiko awak naiak oto nan malewati kelok malingkar. Saat oto iko bagarak malingkar jo laju agak tenggi, mako panumpang dalam oto akan maraso talantiang ka sampiang (ka sisi lua lingkaran tu) sabagai akibaik dari adonyo gayo sentrifugal.
