Pantai Tan Sridano
Pantai Tan Sridano marupokan salah satu pantai nan ado di Pasisia Selatan, tapeknyo di Kenagarian Taluak, Kecamatan Batang Kapas. Pantai iko talatak di pasisia Samudera Hindia Pulau Sumatera.[1] Lataknyo strategis karano barado di jalan lintas Sumatera, sahinggo gadang paluang untuak manjadikan tampek ko objek wisata jo dikunjuangi banyak urang. Pantai Tan Sridano iko ditumbuahi banyak batang pinus, salain itu antaro batang pinus tadapek muaro ayia pasang nan manambah karancakkan pantai ko. Pantai Tan Sridano dapek dijangkau manggunokan kandaraan sakitar 40 minik dari Painan. Lokasi Pantai Tan Sridano barado di sampiang jalan lintas Sumatera bagian barat, Padang - Bengkulu, akses masuak ka pantai ko di simpang SMPN 1 Taluak.[1][2]
Pantai Tan Sridano diresmikan partamo kali jo pamuko nagari basamo Bupati Pesisir Selatan, Hendra Joni, pado 23 Juli 2016. Acara ko dibantu jo Mahasiswa KKN-PPM UNAND, acara peresmian ko diisi jo babagai kesenian tradisional. Sairiang pakambangan waktu, alah banyak sarana jo prasarana nan tabangun di pantai ko, sarupo cafe, wahana pamainan, jo lain-lain.[1]
Namo Tan Sridano pun ado pulo sajarahnyo, namo ko di ambiak dari namo panglimo nan bajasa bagi Nagari Taluak.
Sejarah Tan Sridano
[suntiang | suntiang sumber]Dahulu di Sumatera Barat ado 118 jumlah karajaan. Dari banyak karajaan tu, 18 karajaan barado di Kabupaten Pasisia Selatan. Diantaranyo, Karajaan Banda Sapuluah, Lumbung Ameh, Sei Nyalo, Puluik-puluik, Painan, Kesultanan Inderapura, sarato Lunang jo Silaut nan dipanggia dengan Rajo Alam.[2] Di Karajaan Banda Sapuluah lahialah anak nan banamo Tan Sridano. Tan Sridano bagala Burhanudin. Baliau adolah Panglimo Karajaan Alam Surambi Sei Pagu nan tapak landainyo Banda Sepuluh.
Karano kekuatannyo, Tan Sridano bajasao bana kapado daerah ko. Sabab baliau alah berhasil mausia para parompak di perairan Banda Sapuluah. Baliau sabagai pambela jo ka amanan wilayah. Wakatu tu, Banda aratinyo koto dagang nan bakambang malalui perairan laut.[2]
Rujuakan
[suntiang | suntiang sumber]
- ↑ a b c Sumbar, Jurnal (2018-06-18). "Pantai Tan Sridano, Objek Wisata Nan Indah Warisan Kerajaan Banda Sapuluah". Jurnal Sumbar (dalam bahasa Indonesia). Diakses tanggal 2020-02-26.
- ↑ a b c KlikPositif. "BUMDes di Pesisir Selatan Ini Benahi Fasilitas Pantai Sambut Libur Lebaran | KlikPositif.com - Media Generasi Positif". BUMDes di Pesisir Selatan Ini Benahi Fasilitas Pantai Sambut Libur Lebaran | KlikPositif.com - Media Generasi Positif (dalam bahasa Indonesia). Diarsipkan dari versi asli tanggal 2020-02-26. Diakses tanggal 2020-02-26.