Panjaro Alcatraz
Alcatraz marupoan fasilitas nagara tampek manahan urang atau panjaro nan tadapek di Pulau Alcatraz, San Francisco, California, Amerika Serikat. Panjaro Alcatraz alah baoperasi sajak 11 Agustus 1934 sampai 21 Maret 1963. Sajak taun 1850-an, Alcatraz manjadi situs benteng , taun 1910-1912 dibuek pulo bangunan panjaro utamo di Alcatraz nan digunoan sabagai panjaro militer Angkatan Darat Amerika Serikat. Dek karano Departemen Kehakiman Amerika Serikat mangakuisisi Barak Disiplin Amerika Serikat, Cabang Pasifik, di Alcatraz pado 12 Oktober 1933, Alcatraz sarato pulaunyo manjadi panjaro dari Biro Panjaro Federal pado Agustus 1934.[1]
Alcatraz digunoan untuak manahan tahanan nan acok mambuek masalah di panjaro federal lainnyo nan jumlahnyo sakitar 1.576 tahanan federal. Salain tahanan, di Alcatraz tadapek pulo Staf Biro Panjaro jo kaluarganyo. Dek karano biayo perawatan nan tinggi jo reputasi nan buruak, Alcatraz ditutuik pado 21 Maret 1963.
Sijarah[suntiang | suntiang sumber]
Bangunan panjaro dibangun jo manggabuangan sajumlah bagian benteng Alcatraz. Bangunan utamo panjaro dibangun pado taun 1910-1912 jo anggaran $ 250.000. Pado taun 1933-1934, bangunan tu dimodernisasi sarato manjadi sel utamo panjaro di lembaga pemasyarakatan federal sampai ditutup pada tahun 1963. Sabalun Alcatraz ditutuik, panjaro tu punyo reputasi nan buruak dibandiangan jo panjaro lainnyo. Hal itu disebaban dek banyaknyo tahanan nan babahayo nan mambuek masalah di panjaro tu. Masalah-masalah nan ado di Alcatraz antaro lain pambunuhan nan dilakuan dek tahanan, tahanan nan kabur dari panjaro, bacakak diantaro tahanan jo lain sabagainyo.[2]
Kondisi di Alcatraz mulai kondusif pado taun 1950-an, tahanan sacaro baansua diizinan mandapek hak istimewa sarupo mamainan alat musik, manonton film, malukih, manggunoan radio, jo lain sabagainyo. Dek karano fasilitas nan mambuek tahanan mandapek hak istimewa tu, Alcatraz manjadi panjaro nan paliang maha di Amerika Serikat.[3] Sabuah laporan taun 1959 manyabuikan basonyo fasilitas tu tigo kali labiah maha dari panajaro pado umumnyo, ditambah biayo untuak mamelokan struktur bangunan nan abih dikikih dek aia garam lauik. Dek kondisi Alcatraz nan mode tu, Alcatraz ditutuik pado taun 1963. Kini Alcatraz manjadi museum jo tampek wisata utamo San Francisco. Satiok taunnyo, ampia 1,5 juta pangunjuang mangunjuangi Alcatraz. Disinan pangunjuang dapek bagabuang jo tur ka sadolah ruangan jo pulau, sarato tadapek patunjuakan dari mantan narapidano liwaik slide jo narasi audio.[4]
Administrasi[suntiang | suntiang sumber]
.JPG)
Pusek adminstrasi utamo Alcatraz tadapek di pintu masuak panjaro, tamasuak kantua kapalo panjaro. Di kantua tu tadapek meja jo pakakeh radio, telegraf, masin tik, jo telpon. Salain kantua kapalo panjaro, tadapek pulo kantua sipir jo sekretaris, meja surek, meja kapten, kantua bisnis, kantua penitera, kantua akuntan, ruang kontrol, ruang tunggu panjago, gudang sanjato, area kunjungan, sarato toilet. Ado pula ruang bawah tanah Alcatraz nan barisi sel bawah tanah jo kamar mandi. Tangga utamo ka ruang bawah tanah nyo tadapek di sapanjang Sunrise Alley, blok A, jo di pintu jebakan sapanjang koridor Blok-D. Sadolah kunjuangan ka Alcatraz harus ado izin tatulihnyo dari kapalo panjaro.[5]
Tadapek rumah sakik di Alcatraz di akhia abaik ka-19. Rumah sakik tu talatak di ateh ruang makan lantai duo. Staf rumah sakik barasa dari karyawan Layanan Kesehatan Masyarakat Amerika Serikat nan ditugasan di Alcatraz.[6] Salaij itu Alcatraz pado mulonyo punyo 155 pegawai nan gajinyo bamacam-macam sasuai jabatannyo. Saurang panjago baru mandapek gaji $ 3.024,96 per taun, tapi ado pangurangan 6% untuak pajak pensiun per taunnyo. Panjago di Alcatraz bakarajo salamo 40 jam dalam saminggu sarato 8 jam untuak limo shift.[7]
Kaamanan[suntiang | suntiang sumber]
.jpg)
Alcatraz mampunyoi kaamanan nan tinggi dibandiangan jo panjaro umumnyo di Amerika Serikat. Teknologi takini untuak maningkekan kaamanan ditambahan ka bangunan. Tadapek minaro palinduang nan dibangun di lua panjaro di ampek lokasi strategis. Sel-sel panjaro diagiah baja jo parangkek panguncian nan dioperasian dari ruang kontrol, sadangkan untuak jendelanyo ditutuik jo pamanggang basi. Di pintu masuak ruang makan jo bengke, tadapek detektor logam elektromagnetik sarato tabuang gas aia mato nan tapasang di langik-langiknan dapek diaktifak jo remote control kok ado tahanannan marusuah atau malarian diri. Terowongan tuo disegel untuak manghindari adonyo narapidano nan basambunyi disitu.[8]
Halaman rekreasi jo bagian lain dari oanjaro diagiah paga baduri sapanjang 25 kaki di atehnyo untuak mancagah tahanan nan mancubo malarian diri katiko latihan. 20 minik sasudah wakatu makan di ruang makan, garpu, sendok, jo pisau diatakan di ateh meja elok-elok sarato dietong untuak mamastian indak ado tahaan nan maambiaknyo untuak dijadian sanjato. Pada taun-taun sabalumnyo tahanan dilarang maota sambia makan, tapi kini aturan tu indak ado lai, tahanan buliah maota asa tanang.[9]
Kapalo Panjaro[suntiang | suntiang sumber]
| Image | Name | Term | Summary |
|---|---|---|---|
 |
James A. Johnston | 1934–48 | James Aloysius Johnston (1874–1954) (namo panggilan "Old Saltwater") adolah kapalo panjaro Alcatraz nan patamo. Baliau dikana dalam pambuatan Lembaga Pamasyarakatan Federal Alcatraz dari konsepsi inggo desain. Baliau nan manciptaan aturan keheningan sarato disiplin nan sangaik ketat di Alcatraz. Salain itu, baliau nan manerapan adonyo jaket khusus jo kuruangan isolasi untuak tahanan nan marusuah.[10] |
 |
Edwin B. Swope | 1948–55 | Edwin Burnham Swope (1888–1955) (namo panggilan "Koboi") adolah kapalo panjaro Alcatraz keduo. Sabalumnyo balian manjabaik sabagai sipir di panjaro bagian New Mexico jo di Lambago Panjaro Federal Pulau McNeil di Washington. Baliau punyo badan nan tinggi jo rampiang sakitar 1,73 meter. Baliau hobi jo pacu kudo sarato bapakaian sarupo koboi katiko indak karajo.[6] |
 |
Paul J. Madigan | 1955–61 |
Paul Joseph Madigan (1897–1974) adolah kapalo panjaro Alcatraz nan katigo. Sabalumnyo balian manjabaik sabagai wakil kapalo panjaro di maso jabatan James A. Johnston. Baliau nan dapek naiak pangkek dari jabatan pagawainyo sajak tahun 1930 an di Alcatraz. Pado 21 Mei 1941, Madigan mambatalan upayo tahanan nan malarian diri sarato disandra pulo. Dek karano itu lah baliau dapek naiak pangkek ka jabatannyo nan kini. Kapamimpinan Madigan labiah lunak dalam mangalola panjaro dibandiangan jo kapala panjaro sabalumnyo.[11] |
 |
Olin G. Blackwell | 1961–63 |
Olin Guy Blackwell (1915–1986) adolah kapalo panjaro Alcatraz nan kaampek jo tarakhia. Baliau manjabaik katiko panjaro barado di maso sulik dari taun 1961 inggo 1963 katiko panjaro mulait ditutuik dek reputasi panjaro nan buruak. Blackwell dianggok sabagai kapalo panjaro nan paliang indak tageh dek karano kabiasaannyo minum minuman kareh jo parokok, sahinggo diagiah panggilan "Gypsy" jo "Blackie" dek kawan-kawannyo. Namun baliau dikana sabagai panembak nan andal salamo maso kapamimpinannyo.[10] |
Blok Tahanan[suntiang | suntiang sumber]
Koridor[suntiang | suntiang sumber]
Di Alcatraz mampunyoi sistem panamoan koridor manuruik namo jalan jo bangunan utamo di Amerika, tamasuak koridor Broadway. Koridor Broadway ko barado di sisi blok A, nan marupoan tampek tahanan liwaik untuk bakumpua di Times Square (ruang nan tadapek jam dindiangnyo) sabalum masuak ruang makan. Broadway mamisahan blok B jo blok C nan tahanan di blok tu paliang saketek privasinyo di panjaro. Koridor antaro blok C jo perpustakaan disabuik Park Avenue. Koridor di blok D banamo Sunset Strip.[12]
Blok-A[suntiang | suntiang sumber]
Blok A marupoan sel tahanan nan indak pernah di modernisasi. Indak ado tahanan nan sacaro permanen dithan di blok ko. Tahanan tu dimasuakan ka blok A sabanta, salanjuinyo disidang atau dipindahan ka blok lainnyo. Pado taun-taun barikuiknyo, blok A digunoan sabagai tampek panyimpanan. Tadapek pulo perpustakaan hukum nan talatak di sajumlah titik di blok A. Salain itu ado pulo tampek tukang cukua ketek nan talatak di ujuang blok A nan digunoan tahanan untuak mancukua rambuiknyo tiok bulan.[13]
Blok B[suntiang | suntiang sumber]
Tahanan baru ditampekan di blok B jo dikarantina salamo tigo bulan patamo sarato indak dibuliahan mandapek pangunjuang salamo minimal 90 hari. Sasudah itu baru tahanan dapek ciek kunjuangan salamo sabulan. Surek-surek nan ditarimo tahanan dipareso dulu dek panjago panjaro untuak mancaliak ado atau indaknyo pesan rahasia.[14]
Blok D[suntiang | suntiang sumber]
Blok D marupon blok kurungan atau tampek isolasi untuak tahanan. Tahanan indak diizinan makan di ruang makan, tapi diagiah makanan di sel masiang-masiang. Di dalam sel tadapek lubang untuak mambuang kotoran, sahinggo tahanan indak buliah kalua untuak ka kamar mandi atau toilet. Sasudah kalua dari sel tahanan di blok D, tahanan mandapek label merah nan barati indak buliah maninggaan selnyo salamo tigo bulan.[15]
Rujuakan[suntiang | suntiang sumber]
- ↑ "GNIS Detail - Alcatraz Island". geonames.usgs.gov. Diakses tanggal 2020-03-07.[pranala nonaktif permanen]
- ↑ MacDonald, Donald; Nadel, Ira (2012-02-03) (dalam bahaso en). Alcatraz: History and Design of a Landmark. Chronicle Books. ISBN 978-1-4521-1310-4. https://books.google.co.id/books?id=7ivs4jv5KCQC&pg=PT76&redir_esc=y#v=onepage&q&f=false.
- ↑ Thompson, Erwin. N. "The Rock" (PDF).
- ↑ Dickinson, Greg; Blair, Carole; Ott, Brian L. (2010-08-02) (dalam bahaso en). Places of Public Memory: The Rhetoric of Museums and Memorials. University of Alabama Press. ISBN 978-0-8173-5613-2. https://books.google.co.id/books?id=BN5IV8RZ2jQC&pg=PA187&redir_esc=y#v=onepage&q&f=false.
- ↑ Sifakis, Carl (2014-06-30) (dalam bahaso en). The Encyclopedia of American Prisons. Infobase Publishing. ISBN 978-1-4381-2987-7. https://books.google.co.id/books?id=ObIQUpJxHZYC&pg=PA34&redir_esc=y#v=onepage&q&f=false.
- ↑ a b Gregory, George H. (2013-12-17) (dalam bahaso en). Alcatraz Screw: My Years as a Guard in America's Most Notorious Prison. University of Missouri Press. ISBN 978-0-8262-6373-5. https://books.google.co.id/books?id=WIEUx4IGqHMC&pg=PA151&redir_esc=y#v=onepage&q&f=false.
- ↑ Ward, David A. (2009-05-19) (dalam bahaso en). Alcatraz: The Gangster Years. University of California Press. ISBN 978-0-520-94298-1. https://books.google.co.id/books?id=kV6KXrkQjTsC&pg=PA102&redir_esc=y#v=onepage&q&f=false.
- ↑ "The Long History of Alcatraz Island, California - Page 4". web.archive.org. 2012-08-27. Diarsipkan dari versi asli tanggal 2012-08-27. Diakses tanggal 2020-03-21.
- ↑ Wellman, Gregory L. (2008) (dalam bahaso en). A History of Alcatraz Island: 1853-2008. Arcadia Publishing. ISBN 978-0-7385-5815-8. https://books.google.co.id/books?id=1duAUPaHSgcC&pg=PA12&redir_esc=y#v=onepage&q&f=false.
- ↑ a b Jr, Jerry Lewis Champion (2011-01-28) (dalam bahaso en). The Fading Voices of Alcatraz. AuthorHouse. ISBN 978-1-4567-1486-4. https://books.google.co.id/books?id=GxH3-mB5rCcC&pg=PA52&redir_esc=y#v=onepage&q&f=false.
- ↑ "Alcatraz Island". genealogytrails.com. Diakses tanggal 2020-03-21.
- ↑ Watson, Stephanie (2012-01-01) (dalam bahaso en). Escape from Alcatraz. ABDO. ISBN 978-1-61478-468-5. https://books.google.co.id/books?id=dw-4z4Cmb8MC&pg=PA47&redir_esc=y#v=onepage&q&f=false.
- ↑ Richard Dunbar (1999). Alcatraz. Bonechi. http://archive.org/details/alcatraz00dunb.
- ↑ "The Rock - Table of Contents". www.alcatrazhistory.com. Diakses tanggal 2020-03-21.
- ↑ (dalam bahaso en) Narrating the Prison: Role and Representation in Charles Dickens' Novels, Twentieth-Century Fiction, and Film. Cambria Press. ISBN 978-1-62196-866-5. https://books.google.co.id/books?id=tjfwXDZ25qUC&pg=PA27&redir_esc=y#v=onepage&q&f=false.
 |
Wikimedia Commons mampunyoi media nan bahubuangan jo Panjaro Alcatraz |