Pangkalan Dasa Everest

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Khumbutse manjulang di ateh kemah-kemah warna-warni di Pangkalan Dasa Everest, sisi Nepal
Gunuang Everest ditinjau dari Pangkalan Dasa Utara di Tibet

Pangkalan Dasa Everest (InggirihEverest Base Camp) adolah namo nan bapakai dek duo pangkalan dasa (base camp) nan tadapek di sisi lereng nan balawan di Gunuang Everest (sabananyo dapek juo untuak pangkalan dasa di jalua pandakian manopun, tapi nan umum adolah nan di duo jalua utamo nan alah manjadi standar). Pangkalan Dasa Salatan talatak di Nepal pado katinggian 5364 meter (17598 ft) (28°0′26″N 86°51′34″E / 28.00722°N 86.85944°E / 28.00722; 86.85944), jo Pangkalan Dasa Utara talatak di Tibet pado katinggian 5150 meter (16900 ft)[1][2][3] (28°8′29″N 86°51′5″E / 28.14139°N 86.85139°E / 28.14139; 86.85139 (North Base Camp)). Kaduo pangkalan ko bantuaknyo adolah tampek pakemahan sadarano di Gunuang Everest, nan dipagunoan dek para pandaki gunuang kutiko mandaki atau manuruni gunuang. Pangkalan Dasa Salatan dilalui kok mandaki dari arah pagunuangan tenggara, sadang Pangkalan Dasa Utara dilalui kok mandaki dari arah pagunuangan timur lauik.[4]

Barang-barang kabutuahan diangkuik ka Pangkalan Dasa Salatan dek para sherpa atau porter nan dibantu jo ewan-ewan, biasonyo yak. Pangkalan Dasa Utara dapek diakses jo kendaraan (saindaknyo salamo musim panas). Para pandaki biasonyo baistirahaik di pangkalan dasa salamo babarapo ari untuak aklimatisasi, untuak mancagah resiko jo kaparahan panyakik katinggian (attitude sickness).

Pangkalan Dasa Salatan di Nepal[suntiang | suntiang sumber]

Baistirahaik sabanta pado Jalua Pangkalan Dasa Everest, Nepal

Jalua Pangkalan Dasa Everest di sisi selatan marupoan jalua pandakian nan paliang populer di Himalaya jo dikunjuangi dek ribuan pandaki satiok taunnyo. Para pandaki biasonyo tabang dari Kathmandu ka Lukla untuak bahemaik wakatu jo tanago sabalun mamuloi jalua pandakian dari pangkalan dasa ko. Walaupun baitu, pandakian ka Lukla dapek juo dilakuan. Indak ado jalan dari Kathmandu ka Lukla sainggo caro satu-satunyo mambao barang gadang jo barek adolah jo kapa tabang.

Pado taun 2015, tacataik labiah kurang 40,000 urang tiok taun maambiak jalua dari palabuahan udaro Lukla ka Pangkalan Dasa Everest Nepal.[5]

Peta Jalua Pandakian Pangkalan Everest dari sisi Nepal

Dari Lukla, para pandaki naiak manuju tampek asa para Sherpa di Namche Bazaar, 3440 meter (11290 ft), maikuik ngarai batang aia Dudh Kosi. Kiro-kiro satala pajalanan duo ari ka sampai ka kampuang ko, nan marupoan pusek parubuangan daerah itu. Biasonyo di titiak iko, para pandaki maambiak saari baistirahaik untuak aklimatisasi. Salanjuiknyo pajalanan mamakan wakatu duo ari lai untuak mancapai Dingboche, 4260 meter (13980 ft) sabalun baistirahaik untuak aklimatisasi labiah lanjuik. Kudian duo ari lai dibutuahkan untuak mancapai Pangkalan Dasa Everest malalui Gorakshep, suatu lapangan data di bawah Kala Patthar, 5545 meter (18192 ft) jo Gn. Pumori.

Pado tangga 25 April 2015, gampo bumi bakakuatan 7.8 pado skala MMS mangguncang Nepal jo mamicu lonsor di Pumori nan malando Pangkalan Dasa Salatan.[6] Saindaknyo 19 urang disabuikan maningga karanonyo. Ampia duo minggu kudian, pado 12 Mai tajadi gampo kaduo bakakuatan 7.3 Mw. [7] Babarapo jalua manuju Pangkalan Dasa Everest rusak dek gampo-gampo ko jo paralu dipaeloki.

Pangkalan Dasa Utara di Tibet[suntiang | suntiang sumber]

Kunjuangan ka Pangkalan Dasa Utara (sisi Cino) maso kini butuah ijin dari pamarentah Cino, salain ijin nan dibutuahan untuak bakunjuang ka Tibet tu surang. Ijin-ijin tu aruih diatua malalui parusaoan pajalanan di Lhasa sabagai paket kunjuangan nan tamasuak manyewa kendaraan, pengemudi, jo pamandu. Pangkalan Dasa Utara dapek dicapai jo kendaran malewati jalan sapanjang 100 km bacabang ka Selatan dari Friendship Highway dakek Shelkar. Dari Pangkalan Dasa, satiok pangunjuang aruih naiak bis nan diatua dek pamarentah untuak mambatasi jumalah lalu lintas pado potongan jalan karikia taakia manuju bukik nan bakatinggian 5,200 meter di ateh pamukoan lauik, indak jauah dari pangkalan pandaki. Dapek juo manampuah jalua ka ateh dari lokasi pangkalan wisata, namun aruih malalui aklimatisasi nan bana.[8] "Pangkalan Dasa wisatawan" tu tadapek kiro-kiro di tangah pajalanan dari Biaro Rongbuk Monastery; nan Pangkalan Dasa pandaki sabananyo lataknyo di kaki gletser Rongbuk.

Caliak pulo[suntiang | suntiang sumber]

View on the way to Everest Base Camp Trek
Pamandangan wilayah Everest dalam pajalanan manuju Pangkalan Dasa Everest, Nepal

Panduan perjalanan jalua pandakian Pangkalan Dasa Everest dari Wikivoyage

Rujuakan[suntiang | suntiang sumber]

  1. Foster, Simon; Jen Lin-Liu; Sherisse Pham; Sharon Owyang; Beth Reiber; Lee Wing-Sze; Christoper D. Winnan (2010). Frommer's China. John Wiley & Sons, 2010. p. 5. ISBN 9780470526583. https://books.google.com/books?id=1DqjMGlyY5QC&pg=PA5&dq=Everest+base+camp+5150+m&hl=en&sa=X&ei=Cbp6T-4lrfnhBI2JuIcE&ved=0CEQQ6AEwAQ#v=onepage&q=Everest%20base%20camp%205150%20m&f=false. Diakses pado 3 April 2012. 
  2. Reynolds, Kev (2006). Everest - A trekker's guide. Cicerone Press Limited. p. 231. ISBN 978-1-84965-076-2. https://books.google.com/books?ei=q6Z6T5yQOeeG4gSphqSIBA&id=CKhgE0qgSHIC&dq=everest+base+camp+in+tibet+has+an+altitude+of&q=%22Base+Camp+%285150m%22#v=snippet&q=%22Base%20Camp%20(5150m%22&f=false. Diakses pado 3 April 2012. 
  3. Buckley, Michael (2008). Shangri-La: A Travel Guide to the Himalayan Dream. Bradt Travel Guides. p. 165. ISBN 9781841622040. https://books.google.com/books?id=pwfpdmnfw7IC&pg=PA165&dq=Everest+base+camp+5150+m&hl=en&sa=X&ei=Cbp6T-4lrfnhBI2JuIcE&ved=0CEwQ6AEwAg#v=onepage&q=Everest%20base%20camp%205150%20m&f=false. Diakses pado 3 April 2012. 
  4. Mayhew, Bradley; Bindloss, Joe (2009). Trekking in the Nepal Himalaya. Lonely Planet. ISBN 978-1741041880. 
  5. 4 sections of trekking route to Mount Everest were damaged by earthquake, assessment finds
  6. "Everest Base Camp a ‘War Zone’ After Earthquake Triggers Avalanches". National Geographic. http://news.nationalgeographic.com/2015/04/150425-everest-earthquake-basecamp-nepal-himalaya-climbing-sherpa/. Diakses pado 26 April 2015. 
  7. "Avalanche triggered by quake kills 18 on Mount Everest access-date=26 April 2015". http://timesofindia.indiatimes.com/world/south-asia/Avalanche-triggered-by-quake-kills-18-on-Mount-Everest/articleshow/47055195.cms. 
  8. "Which Everest Base Camp: Everest or Nepal?". https://www.onceinalifetimejourney.com/once-in-a-lifetime-journeys/everest-base-camp/. 

Pautan lua[suntiang | suntiang sumber]