Namche Bazaar

Namche Bazaar
Namche Bazaar; नाम्चे बजार
	Rural municipality
	Namche Bazaar jo puncak Kongde Ri di lata balakang.
	Namche Bazaar Lokasi di Provinsi No. 1Tampilkan Peta Provinsi No. 1 Namche Bazaar Namche Bazaar (Nepal)Tampilkan peta di Nepal
	Coordinates: 27°49′N 86°43′E / 27.817°N 86.717°E / 27.817; 86.717Coordinates: 27°49′N 86°43′E / 27.817°N 86.717°E / 27.817; 86.717
Nagara	Nepal
Provinsi	Provinsi No. 1
Distrik	Distrik Solukhumbu
Rural Municipality	Khumbu Pasanglhamu
Katinggian	3,440 m (11,290 ft)
Populasi (2001)
• Total	1,647
Wilayah wakatu	UTC+5:45 (NST)
Kodepos	56002
Kode area	038

Namche Bazaar (atau ditulih juo Nemche Bazaar, Namche Baza; bahaso Nepali: नाम्चे बजार suaro ) adolah kota ketek (namo rasminyo Namche Village Development Committee) di Khumbu Pasanglhamu Rural Municipality (Gaupalika) di Distrik Solukhumbu, Provinsi No. 1, nan barado di timur lauik Nepal. Kota ko tamasuak dalam daerah Khumbu nan bakatinggian 3,440 metres (11,2863,440 meters (11,286 ft) pado tampek tarandahnyo, di ma panduduak maunyi di lereng bukik. Sabagian gadang Sherpa nan bakarajo di industri turisme barasa dari Namche ko. Namche adolah pusek padagangan jo paubuangan untuak wilayah Khumbu jo banyak kantua pajabaik, pos polisi, kantua pos, sarato bank Nepal barado di sinan.

Manuruik sensus Nepal taun 2001, jumalah panduduaknyo sabanyak 1647 jiwa nan tadiri dari 397 rumah tangga.^[1]

Geografi

Tapek di sabalah Namche adolah puncak Kongde Ri nan bakatinggian 6,187 metres (20,2996,187 meters (20,299 ft), sarato di sabalah timurnyo adolah puncak Thamserku nan bakatinggian 6,623 metres (21,7296,623 meters (21,729 ft).

Transportasi

Di bukik nan dakek manghadap ka Namche Bazaar tadapek lapangan tabang Syangboche (3,750 m / 12,303 ft). Lapangan tu indak bapakai lai untuak panarbangan panumpang, tapi kadang-kadang helikopter Rusia mamakainyo untuak maangkek kargo. Lapangan tabang panumpang tadakek adolah lapangan tabang Tenzing–Hillary nan bajarak 13 km sabalah selatan kota ko.

Turisme

Namche Bazaar cukuik populer jo pandaki gunuang di wilayah Khumbu, tarutamo untuak aklimatisasi katinggian, sarato marupoan pintu gerbang untuak naiak labiah tinggi lai di Himalaya. Di kota ko tadapek babarapo panginapan jo toko nan manggaleh kabutuahan pangunjuang, tamasuak babarapo warung internet.

Tiok Sabtu pagi, diadoan pasa mingguan di tangah kampuang. Tadapek juo pasa harian Tibet nan kabanyakan manggaleh baju jo barang-barang konsumsi Cino nan murah.

Namche mandapek listrik dari pambangkik listrik tanaga aia ketek Thame-Namche (600 kW), nan baoperasi sajak Oktober 1995 dakek Thame.^[2]^[3]^[4]^[5]

Iklim

Namche baiklim musim paneh nan dingin jo basah, sarato musim dingin nan beku jo kariang, tarutamo akibaik katinggiannyo jo angin muson musim paneh. Kalambaban rato-rato adolah 1110 mm, sarato suhu rato-rato 6.1 Celsius.

Data iklim Namche Bazaar
Bulan	Jan	Feb	Mar	Apr	Mai	Jun	Jul	Ags	Sep	Okt	Nop	Des	Taun
Rato-rato tinggi °C (°F)	7 (45)	6 (43)	9 (48)	12 (54)	14 (57)	15 (59)	16 (61)	16 (61)	15 (59)	12 (54)	9 (48)	7 (45)	12 (53)
Rato-rato randah °C (°F)	−8 (18)	−6 (21)	−3 (27)	1 (34)	4 (39)	6 (43)	8 (46)	8 (46)	6 (43)	2 (36)	−3 (27)	−6 (21)	1 (33)
Rato-rato curah ujan mm (inci)	26 (1.02)	23 (0.91)	34 (1.34)	26 (1.02)	41 (1.61)	140 (5.51)	243 (9.57)	243 (9.57)	165 (6.5)	78 (3.07)	9 (0.35)	39 (1.54)	1,067 (42.01)
Sumber: thamel.com^[6]

Budaya pop

"Namche Bazaar" adolah namo lagu nan dinyanyikan dek Nathan Rogers dalam albumnyo The Gauntlet. Lagu ko tainspirasi dek pacampuaran budayo sapanjang jalua sutra.