Pambarontakan di Pantai Barat Sumatra (1841)

Pemberontakan Batipuh
Monumen Batipuh di Guguk Malintang, didirikan untuk memperingati tentara yang gugur.
Tangga 1841 Tampek Pantai Barat Sumatra, Sumatra Barat Asia Kemenangan Pemerintah Hindia Belanda Casus belli cultuurstelsel
Pihak nan talibaik
Minangkabau	Hindia Belanda
Kumandan
Tuan Gadang*	Kolonel Michiels
* Menyerah dan diasingkan ke Batavia

Pambarontakan Batipuh 1841 marupokan pambarontakan basanjato rakyat tarhadap pamarintahan Hindia Balando di Batipuah, Pantai Barat Sumatra tahun 1841 nan dipimpin dek Tuan Gadang. Sabagai reaksi, Belanda mangirimkan pasukan di bawah pimpinan Kolonel Michiels untuak manumpasnyo.

Latar belakang

Sasudah barakianyo Parang Paderi, Tuan Gadang nan sabalumnyo alah diangkek manjadi Regent oleh Balando manggantikan Sultan Tangkal Alam Bagagar mamintak untuak diakui sabagai Rajo Pagaruyuang ditolak dek pamarintah Hindia Balando. Katidakpuasan iko ditambah jo adonyo parubahan administrasi di Minangkabau sarato panerapan cultuurstelsel manjadi pamicu muncuanyo palawanan rakyat tarhadap pemerintah Hindia Balando.

Palawanan rakyat

Pado tanggal 22 Februari 1841, rakyat Batipuh dipimpin dek Tuan Gadang malakukan palawanan manggunokan sanjato malawan pamarintah Hindia Balando. Plawanan iko taruih manyeba, pado tanggal 24 Februari 1841, sabuah pos garnisun tantara Hindia Balando di Guguak Malintang, Padang Panjang disarang. Indak ado tando-tando sabalumnyo, takah pangungsian padusi jo anak-anak, agitasi panduduak di situ dek kaum paderi (ulamo), partamuan malam, jo samacamnyo, salain itu pangikuik paderi hanyo ado di kota. Di daerah sakitarnyo, labiah tapeknyo di sabuah ngarai nan dalam bana, ado tangsi Balando di Guguak Malintang nan alah diduduki Balando, jo dari situlah urusan pamarintahan sipil diatua dek pamarintah Balando. Di lingkungan tangsi nan diperkuat itu, hanyo ado pondokan pasukan Balando tanpa ado amunisi, samantaro di reduit (salah ciek bagian benteng), hanyo ado gudang mesiu, nan di situ banyak pulo tasidio paluru.

Garnisun itu dipimpin dek LetDa. JB. Banzer sarato tadiri dari Letnan Satu Intenden C. Keppel, 10 prajurit Eropa jo 35 prajurit pribumi indak bapangkek, 44 wanita jo anak-anak pribumi. Sasudah terompet pagi, kagiatan harian di tangsi balangsuang takah biaso hinggo Sersan Holij manyaksikan kabakaran gadang jo mandanga tariakan panduduak Padang Panjang sahinggo inyo malapor ka komandan; di saat nan samo, sersan mayor pambuek sanapan Schelling tibo jo malaporkan bahso urang-urang basanjato nan tingga di sakitaran benteng masuak sacaro sambunyi-sambunyi, sahinggo sulik bagi dirinyo malarikan diri. Sasudah itu masuklah sakalompok urang basanjato samantaro di wakatu nan samo sakalompok urang basanjato langkok masuak dari gerbang nan masih tabukak. Banzer jo pasukannyo maagiah jalan kapado garombolan tu mancapai reduit, nan karano saketek bana jumlahnyo mereka manyebabkan amunisi nan tasimpan di kubu mudah dipartahankan, hinggo muncuanyo bantuan dari tampek lain.

Pangapuangan

Kiro-kiro 2 hari kamudian, Banzer mangirim surek ka tangsi paliang dakek untuak mamintak patolongan namun duta tu, prajurit Suroto dari Madura, dibunuah jo dimutilasi sacaro sadis jo mayatnyo ditamukan di parmukiman nan barado di mungko tangsi. Pado tanggal 25 Februari, musuah malancarkan sarangan jo manyababkan banyak karugian. Prajurit F. Marien, Sosemito, jo SerMa J.C. Schelling taluko parah, akianyo, jo 4 tikaman kelewang sarato tombak, dicincang sacaro mangarikan. Pado tanggal 27 Februari tampak bahso akibaik kalelahan, hampia indak ciek pun nan dapek manggunokan sanapan jo Banzer mamutuihkan bahso jikok musuah dapek masuak benteng, inyo jo prajuriknyo ka maledakkan diri (mati basamo lawan). Untuak itulah, Schelling nan taluko parah ditampekkan di dakek gudang mesiu untuak mambaka mesiu sabagai sinyal partamo.

Pado katiko itu, Schelling jo prajurit lain nan taluko satuju untuak tatap surang jo malarikan diri jo musuah maledak jo kamudian diputuihkan pado malam harinyo untuak maninggakan benteng jo manyalinap di salo-salo musuah atau manyarahkan hiduiknyo. Banzer kini maninggakan kasado kotak amunisi nan disimpan di tangah-tangah gudang jo kamudian 3 urang nan taluko parah itu ditampekkan di lantai kayu jo SerMa Schelling manjago sumbu jo tali-temali. Prajurit tu, tadiri dari 2 parwira, 8 prajurit Eropa jo 19 prajurit pribumi indak bapangkek sarato 44 padusi jo anak-anak manyalinap, saat hari galok tibo di pinggiran tabiang dakek benteng, jo kamudian mereka manyeba jo mancari tampek nan aman.

Bagitu di lua benteng, 2 prajurik Eropa jo Letnan Keppel bapencar namun sisonyo dihantam musuah, indak ciek pun dari 6 anak Keppel nan dikatahui hiduik. Bahkan kamudian, 3 urang nan taluko parah tadi malarikan diri dari benteng nan diledakkan itu, tapi banyak juo musuah di lua. Di luar tangsi, para pakarajo, padusi, jo anak-anak malarikan diri salamo 2 hari 2 malam, jo disalamaikkan dek barisan nan dipimpin sacaro pribadi dek Andreas Victor Michiels, nan kamudian maju ka wilayah nan bagolak itu. Dek pilihannyo, Banzer dinaikkan pangkek manjadi letnan satu jo Sersan Holij manjadi letnan duo. Mereka baduo dianugerahi panghargaan untuak kabaranian, kacakapan, jo kasetiaannyo dek Raja Willem II (Dekret Kerajaan tanggal 24 Februari 1842, no. 76).

Monumen

Di tangah-tangah huru-hara, sabuah monumen didirikan untuak mamparingati 3 tokoh nan gugua dalam patampuran. Mereka adolah:

• JG. Schelling, sersan mayor pambuek sanapan
• F. Marien, prajurit Eropa
• Sosemito, prajurit pribumi

Rujuakan

Daptar Pustaka

• Booms ASH. 1902. Neerlands Krijgsroem in Insulinde. Schitterende daden van moed, beleid, trouw en zelfopoffering in de 19de eeuw sedert de instelling van de militaire Willemsorde. Den Haag: W.P. van Stockum & Zoon.
• Köffler GCE. 1940. De Militaire Willemsorde 1815-1940. Den Haag: Algemene Landsdrukkerij.