Lompat ke isi

P.E. de Josselin de Jong

Wikipedia Minangkabau - Lubuak aka tapian ilimu
P.E. de Josselin de Jong
Lahia08 Juli 1922
Beijing, China
Maningga1 Januari 1999 (umua 76)
Oegstgeest, Belanda
KabangsaanBelanda
Karojoahli etnografi Indonesian jo Malaysia
Dikana dekpanaliti bidang Minangkabau di Sumatra Barat.

Patrick Edward de Josselin de Jong (8 Juli 1922–1 Januari 1999) adolah saurang profesor antropologi budaya di Universitas Leiden salamo labiah dari 30 tahun, dan juo manjabaik sabagai ketua jurusan dari tahun 1957 hinggo 1987. Spesialisasi dari panalitiannyo iyolah kaum atau etnis Minangkabau di Sumatra Barat.[1]

Patrick dianggap sabagai saurang antropolog tanamo dalam bidang tradisi atau budaya nan ditetapan dek Universitas Leiden di ma inyo marupoan ketua Antropologi Budaya, dan juo mawarisi katarampilan antropologis dari mamaknyo nan sabalunnyo juo tanamo, yakninyo JPB de Josselin de Jong, dengan minat panalitianyo nan bapusaik di Indonesia. Inyo juo saurang ahli tantang kawasan, khususnyo di Indonesia Barat dengan strukturalisme sabagai subjek nan diminatinyo. Ilmu Antropologi struktural tersebut barasa dari Universitas Leiden pado tahun 1920-an jo 1930-an.[2]

Inyo manghasilan 208 judul hasil panalitian, tamasuak cetak ulang jo tajamahan. Inyo diagiah tando kehormatan sabagai "Ridder in de Orde van de Nederlandse Leeuw" pado April 1986 dek Royal Dutch Academy of Sciences. Inyo juo diagiah panghargaan sabagai "Verzetsherdenkingskruis" atas kagiatan panalitiannyo pado maso panjajahan kolonial. Inyo pensiun pado tahun 1987 sabagai profesor antropologi budaya jo kudian manjadi profesor emeritus sasudahnyo. Inyo maraso terhormat dalam acara simposium parpisahan, di ma inyo maagiah kuliah panutuik bajudul "The Sacred Ruler in Indonesia" dalam bahaso Balando.[3]

Kahidupan awal

[suntiang | suntiang sumber]

Patrick lahia di Beijing pado tahun 1922.[4]Apakyo (urang Balando) marupoan mantan perwira angkatan lauik jo diplomat lua nagari. Mandehnyo marupoan urang Skotlandia.

Patrick jo mandehnyo pindah ka Balando sangkek baumua anam tahun pado tahun 1928.[4] Inyo manyambuang pandidikan manangahnyo di Stedelijk Gymnasium Leiden. Di bawah pangaruah apaknyo, inyo kudian mandaftar kursus bahasa Indonesia di Universitas Leiden pado tahun 1940 untuak mampasiapan karier sabagai ahli bahaso bahaso jo pegawai negeri Hindia Belanda.[5]

Inyo adolah kamanakan antropolog struktural JPB de Josselin de Jong nan manciptoan konsep bidang studi etnologi pado kuliah umumnyo nan kaduo pado tahun 1935. Konsep Leiden nan ditetapan dek JPB iyolah konsep studi lapangan etnologi nan fokusnyo pado struktur masyarakaik Indonesia. Panaliti salanjuiknuo kudian manaruihan jo mampalueh jalur panalitian iko (strukturalisme komparatif).

Patrick jo JPB acok manghadiri patamuan malam dari parhimpunan mahasiswa W.D.O. Peter Suzuki adolah asistennyo. Patrick manampati kamar mamaknyo di nniversitas. JPB juo maagiah Patrick toga pribadinyo atau jubah profesional. JPB alah manggunoan jubah tersebut pado sangkek maagiah gelar doktor kapado murik-muriknyo di 20 kali periode.[6]

Salamo Parang Dunia Kaduo, Patrick marupoan anggota Kolonial Belanda.

Panghulu Minangkabau, suku nan manjadi objek spesialisasi dari ilmu Josselin de Jong. Foto diambiek dek Balando

Pamikirannyo

[suntiang | suntiang sumber]

Prinsip-prinsip nan diadopsi dek Patrick diklasifikasian ampek elemen yaitu, Kakarabatan, Insuler Asia Tenggara, Mitos Politik, jo antropologi budaya, nan indak dianggap "saling eksklusif" tapi tumpang tindih.[7] Gingrich jo Fox (2002) manyatoan bahasonyo JPB mangidentifikasi ampek elemen nan mambantuak inti struktural dalam bidang studi etnologi, tamasuak sirkulasi connubium, unilineality ganda, klasifikasi simbolik ganda, jo katahanan dari pengaruh budaya lua.[8]

Organisasi

[suntiang | suntiang sumber]

Pado 22 Mei 1947, inyo maagiah pidato patamonyo di Ethnology Society WDO.[9]

Pado Januari 1961, inyo diangkek manjadi anggota kahormatan Royal Asiatic Society. Inyo adolah Anggota Kahormatan dari Institut Antropologi Kerajaan Inggris Raya dan Irlandia (RAI), jo anggota Akademi Seni dan Ilmu Pengetahuan Kerajaan Belanda sajak 1974.[10]

Kahidupan pribadi

[suntiang | suntiang sumber]

Inyo mandapek gala ksatria di Ordo Singa Belanda pado tahun 1986.

De Josselin de Jong maningga di Oegstgeest, Belanda pado tahun 1999.

Karya

[suntiang | suntiang sumber]
  • Minangkabau and Negri Sembilan: Socio-political structure in Indonesia (1951)
  • Some directions in contemporary cultural anthropology (1957)
  • Generalization in cultural anthropology (1987)

Rujuakan

[suntiang | suntiang sumber]
  1. ↑ Ridder, pp.4–56
  2. ↑ Ridder, pp.54–55
  3. ↑ Ridder, pp.43–46
  4. ↑ a b Ridder, p.6
  5. ↑ Visser, L.; D. Moyer (1999). "In memoriam P.E. de Josselin de Jong (8 July 1922-1 January 1999)". Bijdragen tot de Taal-, Land- en Volkenkunde. 155 (2). 
  6. ↑ Ridder, pp.21–22
  7. ↑ Ridder, p.50
  8. ↑ Gingrich, André; Fox, Richard Gabriel (2002). Anthropology, by comparison. Psychology Press. p. 110. ISBN 0-415-26054-X. https://books.google.com/books?id=wJfIECtenoYC&pg=PA11. 
  9. ↑ "Ridder & Karremans, p.9"
  10. ↑ "P.E. de Josselin de Jong (1922 - 1999)" (dalam bahasa Dutch). Royal Netherlands Academy of Arts and Sciences. Diakses tanggal 14 July 2015. 

Bacaan salanjuiknyo

[suntiang | suntiang sumber]
Diambiak dari "https://min.wikipedia.org/w/index.php?title=P.E._de_Josselin_de_Jong&oldid=2442123"