Nur Misuari
Nur Misuari | |
|---|---|
 Misuari in 2009 | |
| Katuo Komite Sentral Front Pambebasan Nasional Moro | |
| Mulai manjabat 21 Oktober 1972 | |
| Manggantian | Jabatan baru |
| Presiden Republik Bangsamoro Unrecognized | |
| Manjabat 12 Agustus 2013 – 28 September 2013 | |
| Manggantian | Jabatan baru |
| Digantian | Jabatan diapuih |
| Gubernur Daerah Otonomi Muslim Mindanao ka-3 | |
| Manjabat 1996–2001 | |
| Manggantian | Lininding Pangandaman |
| Digantian | Alvarez Isnaji |
| Profil pribadi | |
| Lahia | Nurallaji Pinang Misuari 3 Maret 1939 Tapul, Sulu, Pasamakmuran Filipina |
| Pasangan | Desdemona Tan (wafaik) Eleonora Tan Tarhata Ibrahim Maimona Palalisan padusi Subanen (Unidentified) Sherry Rahim |
| Pandidikan | University of the Philippines, Manila (BA) University of the Philippines, Diliman (MA) |
| Military service | |
| Allegiance |  Front Pambebasan Nasional Moro |
| Years of service | 1972–kini |
Nur Misuari (Tausug: Nūr Miswāri, namo laia Nurallaji Pinang Misuari; 3 Maret 1939)[1] adolah surang pajuang revolusi jo politisi Moro, sarato marupoan pandiri jo pamimpin organisasi Front Pambebasan Nasional Moro (MNLF).[2]
Awa mulo[suntiang | suntiang sumber]
Nur Misuari laia pado 3 Maret 1939 di Tapul, Sulu, Filipina.[1][3] Anak kaampek dari sapuluh basudaro, urang gaeknyo katurunan Tausug-Sama nan barasa dari Kabinga-an, Pulau Tapul. Apaknyo Saliddain Misuari bakarajo sabagai nalayan, jo amaknya banamo Dindanghail Pining.[rujuakan?] Nur Misuari adolah katurunan lansuang Panglima Mahabasser Elidji, surang pajuang Tausug jo parwakilan Kasultanan Sulu nan manuruiknyo dikirim untuak mambantu pasukan Kasultanan Brunei di bawah pimpinan Sultan Muhyiddin, salamo parang sudaro di Kalimantan utara; nan satalah parang itu bagian timur Sabah diadiahan kapado urang Tausug dek Sultan Muhyiddin.[4] Apak Misuari mamindahan kaluargonyo dari Tapul ka Jolo, Sulu kutika Nur Misuari masiah mudo.
Pandidiakan[suntiang | suntiang sumber]
Misuari basikola di Jolo Central Elementary School sajak taun 1949 inggo 1955, jo kudian baraja di Sulu National High School untuak pandidiakan manangahnyo sajak tahun 1955 inggo 1958.[1] Kaluargo Misuari maalami kasulitan kauangan jo indak dapek mangirimnyo ka paguruan tinggi. Dek iko gurunyo kudian mambantunyo mandapek beasiswa dari Komisi Integrasi Nasional,[5] inggo inyo dapek pai baraja sataruihnyo di Universitas Filipina, Manila.
Misuari awanyo mamiliah palajaran ilimu-ilimu dasa, dek nio malanjuikan ka kadoktoran. Namun, inyo baraliah ka ilimu-ilimu politik di semester kaduo, untuak kudian baraja ilimiu ukum walaupun apaknyo "mambanci" pangacara.[1] Inyo manjadi aktif dalam banyak kagiatan ekstrakurikuler universitas, tarutamo dalam debaik. Satalah mandapek gala sarjana dalam bidang ilmu politik dari Universitas Filipina pado taun 1962, inyo masuak Fakultas Ukum di Universitas Filipina, Diliman, tatapi mambataan kuliah ukumnyo di taun kaduo sasudah bayakinan dek mentornyo nan panulih nasional, Profesor Cesar Adib Majul, untuak mangaja gala magister di bidang ilimu politik. Misuari barasia manyalasaian gala magister tantang Studi Asia pado taun 1964 di Pusek Asia Universitas Filipina, Diliman.[1][5] Pado taun 1964, Misuari mambantuak kalompok mahasiswa radikal Bagong Asya (Asia Baru). Basamo jo Jose Maria Sison, inyo mandirian pulo Kabataan Makabayan (Pamudo Patriotik).[5]
Karir politik[suntiang | suntiang sumber]
Barakaik bantuan Cesar Majul, Misuari manjadi dosen di Universitas Filipina di bidang ilimu politik pado Juli 1966, inggo pansiun sabagai pangaja pado 15 November 1968.[1][5] Pado taun 1960-an, inyo talibek dalam pandirian Garakan Kamardekaan Mindanao nan batujuan untuak mausaoan nagara mardeka di Filipina selatan. Garakan Kamardekaan Mindanao mambantuak Front Pambebasan Nasional Moro (MNLF) nan mamintak reformasi politik dari pamarentah Filipina. Indak baasia mandapek reformasi, di bawah kapamimpinan Misuari, MNLF kudian talibek dalam konflik maliter malawan pamarentah Filipina jo para pandukuangnyo antaro taun 1972 dan 1976. Palawanan maliter taradok pamarentah presiden Filipina Ferdinand Marcos indak maasiaan otonomi untuak rakyaik Moro. Misuari barangkek ka Arab Saudi untuak mangasingan dirinyo surang, inyo baru baliak ka Filipina satalah Marcos guliangan dari jabatannyo dalam Revolusi Kakuatan Rakyaik pado taun 1986. Misuari mambanaan pajuangan basinjato MNLF, dek indak dilaksanakannyo Pajanjian Tripoli, nan awanyo ditandotangani dek Ferdinand Marcos sarato kudian dimasuakan jo ditarimo sabagai pajanjian damai nan ditandotangani dek presiden Fidel Ramos pado 1990-an. Pajanjian damai iko mambuek tabantuaknyo wilayah otonomi urang Moro, di mano Misuari ditunjuak sabagai gubernurnyo.[6]
Rujuakan[suntiang | suntiang sumber]
- ↑ a b c d e f Tom Stern (2012). Nur Misuari: An Authorized Biography. Published and exclusively distributed by Anvil Pub.. ISBN 978-971-27-2624-8. https://books.google.com/books?id=sHdRtwAACAAJ.
- ↑ Abdullah Osman (August 2, 2014). "MISUARI CALLS FOR UNITY OF ALL BANGSAMORO FREEDOM FIGHTERS". mnlfnet.com. BANGSAMORO News Agency. Diarsipkan dari versi asli tanggal June 10, 2015. Diakses tanggal August 2, 2014.
- ↑ University of the Philippines, U.P. Biographical Directory, Supplement 1, University of the Philippines, Quezon City (1970)
- ↑ Erwin Tulfo (April 10, 2013). "Misuari stakes family's claim to Sabah". Interaksyon. Diarsipkan dari versi asli tanggal April 12, 2013. Diakses tanggal April 11, 2013.
- ↑ a b c d "Nur Misuari – Founding Leader and Chairman of the Central Committee of the Moro National Liberation Front (Mnlf)". Study Mode Research. January 17, 2011. hlm. 22. Diakses tanggal October 1, 2014.[tepercaya?]
- ↑ Harvey W Kushner (December 4, 2002). Encyclopedia of Terrorism. SAGE Publications. pp. 240–. ISBN 978-1-4522-6550-6. https://books.google.com/books?id=mr51AwAAQBAJ&pg=PA240.