Norodom Sihamoni

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Norodom Sihamoni
King Norodom Sihamoni (2019).jpg
Sihamoni taun 2019
Rajo Kamboja
Bakuaso14 Oktober 2004 – kini
Panobatan29 Oktober 2004
PandauluNorodom Sihanouk
Pardana MantariHun Sen
Lahia14 Mai 1953 (umua 67)
Phnom Penh, Kamboja
WangsaWangsa Norodom
AyahNorodom Sihanouk
MandehNorodom Monineath
AgamoBuddha Theravada
Tando tanganNorodom Sihamoni
Laman web
http://norodomsihamoni.org/en

Norodom Sihamoni (Khmer: នរោត្តម សីហ មុនី; lahia 14 Mai 1953) adolah surang rajo Kamboja nan naiak tahta pado 14 Oktober 2004, saminggu satalah ayahnyo, Norodom Sihanouk turun tahta.[1] Inyo adolah anak tatuo Rajo Sihanouk jo Ratu Norodom Monineath. Inyo sabalunnyo adolah duta basa Kamboja untuak UNESCO, nan kudian ditunjuak dek sambilan anggota dewan tahta untuak manjadi rajo barikuiknyo satalah ayahnyo Norodom Sihanouk turun tahta pado taun 2004. Di maso mudonyo, Sihamoni dididiak di Cekoslowakia jo tanamo dalam pakarajoannyo sabagai duta budaya Kamboja di Eropa sarato sabagai instruktur tari klasik. Inyo indak manikah.[2]

Maso mudo[suntiang | suntiang sumber]

Namo Sihamoni adolah gabuangan dari namo ayah jo mandenyo, Sihanouk jo Monineath. Namo asali mandenyo Monique Izzi, inyo katurunan campuran Korsika jo Khmer, sarato mantan pamanang patamo kontes kacantikan nasional taun 1951.[3] Salain itu, Ratu Monineath adolah cucu tiri Pangeran Norodom Duongchak, sarato anak dari Putri Pomme Peang jo suami kaduonyo Jean-François Izzi, surang bankir asa Korsika.[4]

Pandidiakan[suntiang | suntiang sumber]

Sabagian gadang maso mudonyo dihabihan di lua Kamboja. Pado taun 1962, Sihamoni mudo dikirim dek ayahnyo ka Praha, nan daulu Cekoslowakia. Dek karano lamonyo samaso mudo baraja di Praha, rajo iko lanca babahaso Ceko. Sabuah filem nan disutradaroi dek Vladimir Sís dibuek tantang pangeran ko samaso Praha pado taun 1967, nan bajudua "Pangeran Ketek Lainnyo" (Jiný malý princ).[5]

Satalah luluih pado taun 1975, inyo maninggakan Praha jo baraja pambuekan filem di Korea Utara, jo pado taun 1977 inyo baliak ka Kamboja.[6] Pamarentah Khmer Sirah babaliak malawan karajaan, jo sacapeknyo manampekan kaluargo karajaan tamasuak Sihamoni dalam tahanan rumah, sampai invasi Vietnam taun 1979. Pado taun 1981 inyo pindah ka Parancih untuak mangaja balet, jo kudian manjadi presiden Asosiasi Tari Khmer. Inyo tingga di Parancih salamo ampia 20 taun, jo sacaro taratua bakunjuang ka Praha. Inyo sabalunnyo sampek ditunjuak untuak jadi duta basa Kamboja untuak Parancih, namun inyo manulak.[7]

Norodom Sihamoni adolah satu-satunya rajo nan bakuaso di dunia nan lanca babahaso Ceko,[8] salain bahaso ibunyo bahaso Khmer. Inyo pandai pulo babahaso Parancih, jo manguasoi tingkek pacakapan bahaso Inggirih jo Rusia.

Naiak tahta[suntiang | suntiang sumber]

Inyo sacaro rasmi baangkek manjadi rajo pado tanggal 29 Oktober 2004.[9] Rajo Sihamoni jo kaduo urang gaeknyo, Ayah Rajo Norodom Sihanouk jo Ibu Suri Norodom Monineath, sacaro kusuih mintak supayo acaro baralek rajo indak balansuang mewah karano mareka indak mau nagara nan miskin tu mangaluakan banyak pitiah untuak alek tasabuik. Pado 29 Oktober 2014, diadoan alek untuak marayokan paringatan 10 taun panobatannyo.[10]

Sihamoni indak manikah jo indak mampunyoi anak. Ayahnya Norodom Sihanouk manyatoan bahaso Sihamoni "mancintai urang padusi sarupo sanak padusinyo surang", jo Sihamoni manyatoan dirinyo indak gay.[11]

Kritik[suntiang | suntiang sumber]

Di Kamboja indak ado ukum lèse-majesté (panghinaan kapado rajo) sampai baru-baru iko sajo. Pado bulan Pebruari 2018, Majelis Nasional Kamboja mangaluaan undang-undang baru nan manyatoan bahaso maino rajo marupoan palanggaran ukum.[12]

Babarapo tokoh oposisi Kamboja mangkritik sikap pasatujuan rajo, karano inyo dianggap talalu lunak taradok pamarentahan otoriter Hun Sen salamo puluahan taun di karajaan ko.[13][14]

Rujuakan[suntiang | suntiang sumber]

  1. "People and Society ::Cambodia". 
  2. "The Real Danger of Cambodia's 'Gay King' Episode". 
  3. "The First Lady of the Kingdom"; The Royal House of Cambodia by Julio A. Jeldres, 2003 Templat:Oclc
  4. King's biography Archived 27 April 2008 di Wayback Machine.
  5. http://www.csfd.cz/film/292603-jiny-maly-princ/komentare/ Movie "The Other Little Prince"
  6. "The Only Monarch In The World Who Speaks Czech Fluently | Tres Bohemes". Everything Czech | by Tres Bohemes (dalam bahasa Inggris). 2017-05-02. Diakses tanggal 2020-06-24. 
  7. The Weekend Australian, 16–17 October 2004
  8. King Sihamoni of Cambodia receives warm welcome in Prague, Radio Prague, 20 September 2006
  9. "In Pictures: King Sihamoni's coronation". BBC News. 29 October 2004. Diakses tanggal 11 June 2012. 
  10. Willemyns, Alex (29 October 2014). "10 Years into Sihamoni's Reign, A Changed Palace". The Cambodia Daily. Diakses tanggal 29 October 2014. 
  11. Hutt, David. "The Real Danger of Cambodia's 'Gay King' Episode". thediplomat.com (dalam bahasa Inggris). Diakses tanggal 2020-06-24. 
  12. https://www.voanews.com/east-asia-pacific/cambodia-passes-lese-majeste-law
  13. http://www.nbcnews.com/id/43209362/ns/world_news-asia_pacific/t/cambodias-king-prisoner-his-palace/#.Ww6NEDSFPIU
  14. https://www.economist.com/asia/2012/11/17/tenth-out-of-ten