Neil Armstrong

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Neil Armstrong
Potret Neil Armstrong, Juli 1969, mengenakan pakaian luar angkasa tanpa helm
Armstrong pada tahun 1969
Neil Armstrong Signature.svg
Lahia5 Agustus 1930
Wapakoneta, Ohio, A.S.
Wafaik25 Agustus 2012 (umua 82)
Columbus, Ohio, A.S.
KabangsaanAmerika Serikat
Namo lainNeil Alden Armstrong
PenghargaanMedali Kebebasan Presiden Medali Kehormatan Antariksa Kongres
Karier luar angkasa
Astronaut NASA
Pekerjaan sebelumnya
Panabang lauik, pilot uji cubo
Waktu di luar angkasa
8 hari, 14 jam, 12 minik, jo 31 datiak
Seleksi1958 Man In Space Soonest
1960 Dyna-Soar
1962 NASA Group 2
Total EVA
1
Total waktu EVA
2 jam 31 menit
MisiGemini 8, Apollo 11
Lambang misi
Ge08Patch orig.png Apollo 11 insignia.png

Neil Alden Armstrong (lahia di Ohio, Amerika Serikat, 5 Agustus 1930 – maningga 25 Agustus 2012 pado umua 82 taun) adolah astronaut, pilot uji cubo, teknisi panabangan, profesor universitas, sarato Panabang Lauik Amerika Serikat. Inyo marupokan urang nan partamo kali bajalan di Bulan. Sabalum manjadi astronaut, Armstrong adolah pawira Angkatan Lauik Amerika Serikat jo pernah badinas di Parang Korea. Sasudah parang, inyo manjadi pilot uji cubo di Stasiun Panabangan Kecepatan Tinggi Komite Panasihaik Panabangan Nasional, kini Pusat Panalitian Panabangan Dryden, tampek inyo mancatatkan hampia 900 panabangan. Inyo lulus dari Universitas Purdue jo manyalasaian studi sarjananyo di Universitas California Selatan.

Sabagai paserta program panabangan antariksa manusia Man In Space Soonest Angkatan Udaro Amerika Serikat jo X-20 Dyna-Soar, Armstrong bagabuang jo Korps Astronaut NASA tahun 1962. Panabangan antariksa partamonyo adolah misi Gemini 8 NASA tahun 1966, nan katiko itu inyo manjadi pilot komandonyo jo manjadi warga nagara A.S. partamo kali di lua angkasa. Pado misi iko, inyo malakukan parapatan duo wahana antariksa baawak partamo basamo pilot David Scott.

Panabangan antariksa kaduo jo terakhir Armstrong adolah sabagai komandan misi pandaratan bulan Apollo 11 bulan Juli 1969. Pado misi iko, Armstrong jo Buzz Aldrin turun ka pamukaan bulan sarato mahabihan 2½ jam manjalajahi Bulan, samantaro Michael Collins tatap di orbit di dalam Modul Komando. Armstrong dihadiahkan Medali Kebebasan Presiden dek Presiden Richard Nixon basamo Collins jo Aldrin, Medali Kehormatan Antariksa Kongres dek Presiden Jimmy Carter tahun 1978, sarato Medali Emas Kongres tahun 2009.

Pado tanggal 25 Agustus 2012, Armstrong maningga dunia di Cincinnati, Ohio,[1] katiko umua 82 tahun akibaik komplikasi dari panyumbatan arteria koroner.

Tahun-tahun partamo[suntiang | suntiang sumber]

Neil Armstrong lahia tanggal 5 Agustus 1930[2] di Wapakoneta, Ohio, dari pasangan Stephen Koenig Armstrong jo Viola Louise Engel.[3][4] Inyo marupokan katurunan Skotlandia jo Jerman. Amstrong mampunyoi duo adiak, June jo Dean. Stephen Armstrong bakarajo sabagai auditor[5] untuak pamarintah nagara bagian Ohio, kamudian kaluarganyo bapindah-pindah ka 20 kota di Ohio pado 15 tahun partamo sasudah kalahiran Armstrong. Raso sukonyo untuak tabang tumbuah pado maso itu, barawal katiko ayahnyo mambaok Neil nan masih baumua 2 tahun ka Cleveland Air Races. Pado tanggal 20 Juli 1936, katiko baumua 6 tahun, Armstrong marasokan tabang partamo kali jo pasawat Ford Trimotor nan dijuluki "Tin Goose" basamo ayahnyo di Warren, Ohio.[6]

Kapindahan tarakia ayahnyo adolah ka Wapakoneta (Auglaize County) tahun 1944, tampek Neil baraja di Blume High School. Armstrong mulai maambiak les tabang di bandara nagara satampek, jo mandapek sertifikat tabang di umua 15 tahun, sabalum mandapek surek izin mangamudi. Armstrong aktif di Kepanduan di Ohio jo diagiah pangkek Eagle Scout. Sabagai saurang dewasa, inyo diagiah panghargaan Distinguished Eagle Scout Award jo Silver Buffalo Award dek Boy Scouts of America.[7]

Pado tanggal 18 Juli 1969, katiko tabang ka arah Bulan di dalam Columbia, inyo manyambuik kawan-kawannyo di garakan Kepanduan:"Ambo nio manyampaikan salam kapado kawan-kawan sadonyo di garakan Kepanduan di Farragut State Park di Idaho nan sadang mangikuti Jambore Nasional pakan ko, sarato Apollo 11 baharok nan paliang elok untuk mereka. Houston: "Tarimo kasih, Apollo 11. Ambo yakin meskipun mereka indak mandanganyo, mereka bisa mandanganyo malalui berita. Mereka pasti sangaik mangharagoinyo."[8]

Tahun 1947, Armstrong mulai baraja teknik panabangan di Universitas Purdue, tampek inyo manjadi anggota Phi Delta Theta[9] jo Kappa Kappa Psi.[10] Inyo adolah urang kaduo dalam kaluarganyo nan masuak paguruan tinggi, jo ditarimo di Massachusetts Institute of Technology (MIT), tapi insinyur nan inyo tanamo manyuruhnyo agar indak kuliah jo mambaritahu Armstrong bahsonyo indak paralu pai jauah-jauah ka Cambridge, Massachusetts untuak mandapek pandidikan nan layak.[11] Biaya pandidikannyo dibantu dek Holloway Plan – pandaftar nan bahasia malanjuikkan studi salamo duo tahun, diikuikan tigo tahun bekarajo di AL Amerika Serikat, kamudian manyalasaian duo tahun sisonyo di paguruan tinggi. Di Purdue, inyo mandapekan nilai rato-rato pado satiok palajaran, jo GPA nan naiak turun salamo dalapan semester. Inyo diagiah gala Bachelor of Science dalam bidang teknik panabangan dari Universitas Purdue tahun 1955, jo Master of Science dalam bidang teknik panabangan dari University of Southern California tahun 1970.[12] Armstrong mandapekan gala doktor kahormatan dari babarapo universitas.[13]

Angkatan Lauik[suntiang | suntiang sumber]

Panggilan untuak Armstrong dari Angkatan Lauik tibo tanggal 26 Januari 1949, nan mamintaknyo malapor ka Naval Air Station Pensacola untuak palatihan panabangan. Palatihan iko balangsuang salamo 18 bulan. Katiko itu inyo dianggap bisa malakukan pandaratan di kapal induk USS Cabot jo USS Wright. Tanggal 16 Agustus 1950, duo minggu sasudah ulang tahunnyo nan ka-20, Armstrong dikiriman surek bahsonyo inyo dikecekan layak untuak manjadi Panabang Lauik.

Tugas partamonyo adolah di Fleet Aircraft Service Squadron 7 di NAS San Diego (kini NAS North Island). Duo bulan kamudian, inyo dipindahkan ka skuadron jet Fighter Squadron 51 (VF-51) jo malakukan panabangan partamonyo manggunokan pesawat jet F9F-2B Panther pado tanggal 5 Januari 1951. Bulan Juni, inyo malakukan pandaratan jet partamonyo di USS Essex sarato naiak pangkek pado minggu nan samo dari Midshipman manjadi Ensign. Pado akhia bulan, Essex alah balayar jo pasawat VF-51 ka Korea, tampek mereka batugas sabagai pesawat panyarang darat.[14]

Armstrong malakukan misi partamonyo pado Parang Korea tanggal 29 Agustus 1951 sabagai pangawal pesawat paintai di ateh Songjin.[15] Tanggal 3 September 1951, Armstrong manabangan pesawat paintai basanjato di ateh fasilitas transportasi jo panyimpanan utamo di selatan desa Majon-ni, sebelah barat Wonsan; katiko inyo malakukan pangeboman randah manggunokan kecepatan 350 mph (560 km/h), F9F Panther Armstrong ditembak dek sanjato antipesawat. Katiko mancubo mangandalikan pesawat, Armstrong manabrak tiang pado katinggian 20 kaki (6,1 m), nan marobek sayok kanan Panther sapanjang tiga kaki.[16]

Armstrong bisa mambawo pesawat tu pulang, tapi karano aileronnya hancua, malontarkan diri adolah pilihan nan ado untuak salamat. Inyo barencana malontarkan diri di ateh perairan jo manunggu helikopter penyelamat AL, sarato ditabangkan ka lapangan udaro dakek Pohang, tapi sayang bana kursi lontarnyo malah tatiup ka darat.[17] Kawan sakamarnyo dari sakolah panabangan manjampuik Armstrong manggunokan jip; indak diketahui lai nasib bangkai No. 125122 F9F-2.[18]

Maso kuliah[suntiang | suntiang sumber]

Sasudah batugas untuak Angkatan Lauik, Armstrong baliak ka Purdue sarato bahasia mandapek an nilai paliang ancak dalam ampek samester salanjuiknyo. GPA akhianyo adolah 4,8 dari nilai paliang tinggi 6,0.[19] Inyo masuak pasaudaraan Phi Delta Theta sasudah pulang jo manulih sarato manyutradarai musikalnyo sabagai bagian dari patunjukan sandiwara mahasiswa; inyo juo marupokan anggota Kappa Kappa Psi National Honorary Band Fraternity jo pamain bariton di Purdue All-American Marching Band. Armstrong luluih tahun 1955 jo mandapek gala Bachelor dalam bidang teknik panabangan.[20]

Kini kuliah di Purdue, inyo batamu jo Janet Elizabeth Shearon, nan sadang baraja di bidang ekonomi rumah tangga. Manuruik kaduonyo, mereka indak bana-bana bapacaran, jo kaduonyo indak maingek detail patunangan mereka, kacuali bahwa patunangan tu tajadi katiko Armstrong bakarajo di NACA Lewis Flight Propulsion Laboratory. Mereka manikah tanggal 28 Januari 1956 di Congregational Church di Wilmette, Illinois. Katiko inyo pindah ka Edwards Air Force Base, inyo tingga di kuarter sarjana pangkalan tu, samantaro Janet tingga di distrik Westwood, Los Angeles. Sasudah ciek semester, mereka pindah ka rumah baru di Antelope Valley. Janet indak parnah luluih kuliah, sasuatu nan kalak inyo sasalkan dalam hidupnyo.[21]

Pasangan iko dikaruniai tigo anak, yaitu Eric, Karen, jo Mark.[22] Bulan Juni 1961, Karen didiagnosis mangidap tumor ganas di bagian tangah barang otaknyo; parawatan sinar-X mampalambek patumbuahannyo, tapi kasihatannyo mamburuak sampai titiak katiko inyo indak bisa lai bajalan jo mangecek. Karen maningga dunia akibaik pneumonia, takait kasihatannyo nan malamah, pado tanggal 28 Januari 1962.[23]

Rujuakan[suntiang | suntiang sumber]

  1. "Space legend Neil Armstrong dies". CNN. 
  2. "Neil Armstrong Bio - NASA". NASA. 
  3. "History of Wapakoneta (or is it Wapaghkonnetta?)". City of Wapakoneta, Ohio. 
  4. Hansen 2005, pp. 49–50.
  5. "Neil Armstrong grants rare interview to accountants organization", CBC News, May 24, 2012. Retrieved 2012-05-24.
  6. "Project Apollo: Astronaut Biographies". NASA. 
  7. "Distinguished Eagle Scouts" (PDF). Boy Scouts of America. Diarsipkan dari versi asli (PDF) tanggal 2016-03-12. 
  8. "Apollo 11 - Day 3, part 2: Entering Eagle - Transcript". NASA. April 11, 2010. Diarsipkan dari versi asli tanggal 2012-05-30. 
  9. "The Beginning". Phi Delta Theta international site. 
  10. "Prominent Members of Kappa Kappa Psi". Kkpsi.org. Diarsipkan dari versi asli tanggal 2011-07-16. 
  11. Hansen 2005, pp. 55–56.
  12. "Astronaut Bio: Neil Armstrong". NASA. December 1993. Diakses tanggal July 14, 2009. 
  13. "Biography: Neil A. Armstrong". NASA. 
  14. Hansen 2005, pp. 79–85.
  15. Hansen 2005, p. 90.
  16. Hansen 2005, pp. 92–93.
  17. Hansen 2005, p. 95.
  18. Hansen 2005, p. 96.
  19. Hansen 2005, p. 62.
  20. Hansen 2005, p. 118.
  21. Hansen 2005, pp. 124–127.
  22. Hansen 2005, p. 128.
  23. Hansen 2005, pp. 161–164.