Museum Rumah Kelahiran Buya Hamka

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Museum Rumah Kelahiran Buya Hamka adolah museum nan talatak di sakitar tapian Danau Maninjau, tapeknyo di Nagari Sungai Batang, Kecamatan Tanjung Raya, Kabupaten Agam, Sumatera Barat. Museum ko badiri pado taun 2000 dan partamo sakali diresmian pado taun 2001 dek Gubernur Sumatera Barat wakatu tu, Zainal Bakar. Sasuai jo namonyo museum ko khusus tampek barang-barang paninggalan Buya Hamka, nan bangunannyo marupoan rumah nan ditampekan Hamka sajak lahia sampai sabalun inyo pindah ka Padang Panjang.[1]

Sijarah[suntiang | suntiang sumber]

Buya Hamka marupoan anak laki-laki dari pasangan Abdul Karim Amrullah jo Siti Safiyah Binti Gelanggar, inyo tamasuak urang ulama, politisi, sastrawan gadang nan dihoromati dan disagani di sakitar Asia inggo Timur Tengah. Pangabdian jo pangorbanan Buya Hamka dalam mambangun kasadaran umaik Islam mandapekan pangharagoan dari pamarintahan barupo gala Pahlawan Nasional pado taun 2011.

Hamka marupoan singkatan dari Haji Abdul Malik Karim Amrullah dan Buya adolah imbauan khas urang Minangkabau indak hanyo agamo, tapi buya juo manguasai babagai ilimu filsafaik, sarupo ilimu sijarah, sosiologi, dan lainnyo. Buya mandapekan ilimu tu sacaro baraja surang. Buya katuju lo jo ilimu jurnalistik. Sajak mulo taun 1920- an Buya manakuni ilimu Jurnalistik dan bakarir sabagai wartawan, panulih dan lain sabagainyo.

Rujuakan[suntiang | suntiang sumber]

  1. Marijan, Kacung (2012-12) (dalam bahaso en). Album budaya : direktori museum Indonesia. Jakarta: Direktorat Jenderal Kebudayaan. http://pustaka.kebudayaan.kemdikbud.go.id/index.php?p=show_detail&id=13512&keywords=dIREKTORI+MUSEUM+INDONESIA.