Museum Lukut

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Museum Lukut
Muzium Lukut
Lukut Museum and Fort.JPG
Museum Lukut
DidirianBenteng di dibangun pado 1847 dan Museum pado 9 April 1999
LokasiLukut (dekat Port Dickson, Negeri Sembilan, Malaysia
Koordinat2°34′01″N 101°49′19″E / 2.567°N 101.822°E / 2.567; 101.822

Museum Lukut (Melayu: Muzium Lukut) adolah situs basijarah nan barado di sabuah bukik sakitar 6 kilometer di utara Port Dickson, Negeri Sembilan, Malaysia. Museum iko dulunyo adolah sabuah benteng nan dibangun dek Rajo Bugis nan banamo Jumaat pado tahun 1947 dan dilanjuikan dek anaknyo Rajo Bot. Kiniko benteng iko indak digunoan lai dan kawasan bekasnyo ko dijadian taman wisata sejarah nan dilengkapi sabuah museum. Dalam museum iko tadapek paninggalan-paninggalan benteng sarato artefak jo foto-foto nan takait jo sijarah panambangan timah di daerah Lukut.[1]

Latak[suntiang | suntiang sumber]

Benteng Lukut dulunyo talatak di ateh bukik nan disabuik jo Bukik Mati atau Bukik Gajah Mati, dan museum iko kiniko talatak di kaki bukik tasabuik. Latak lokasinyo sakitar 6 kilometer di utara Port Dickson, kota palabuhan di Negeri Sembilan, Malaysia.[2][3]

Sijarah[suntiang | suntiang sumber]

Raja Bot, panguaso benteng Lukut, jo duo urang dunsanaknyo.

Benteng Lukut dibangun dek pandeka Bugis nan banamo Rajo Jumaat pado tahun 1847. Benteng iko diparuntuakan untuak mampakuek posisinyo sabagai pamonopoli padagangan timah di kota Lukut.[3][4] Pado dekade 1870an, tajadi sengketa wilayah antaro Selangor jo Negeri Sembilan ateh kawasan nan tamasuak benteng iko dan daerah sakitarnyo. Kamudian tajadi pajanjian antaro kaduo karajaan tasabuik dan akhianyo Negeri Sembilan-lah yang diputuihan manguasai benteng iko.[5] Sasudah wafatnyo Jumaat, inyo digantian dek anaknyo, Raja Bot, nan manguasai pulo saluruah kawasn Lukut.[6]

Kaadaan kini[suntiang | suntiang sumber]

Kiniko, museum iko tadaftar sabagai paninggalan sijarah nan barado di bawah tanggung jawab Jabatan Muzium Malaysia.[7]

Bekas benteng[suntiang | suntiang sumber]

Benteng asli Lukut ko alah runtuh, kacuali ado babarapo siso tembok nan tabuek dari tanah laterit jo parik patahanan sadalam 5 meter.[2] Daerah bekas benteng kiniko dikembangkan dek pamarintah manjadi kawasan wisata sijarah sasuai jo kabijakan Kementerian Pariwisata Malaysia. Pamarintah mambangun pondok-pondok sarato jo menara.[3][8] Sabuah mariam gadng dilatakkan di posisi bekas benteng.[5] Mariam-mariam ketek nan dulunyo barado di benteng kiniko dipindahan ka bangunan museum.[9]

Bangunan museum[suntiang | suntiang sumber]

Bangunan museum didirian dek Jabatan Muzium jo Antikuiti (sekarang Jabatan Muzium Malaysia) bakarajo samo jo negara bagian Negeri Sembilan untuak manyadioan informasi tentang sijarah jo budaya kawasan Sungai Lijiang abaik ka-19. Museum iko diresmian pado 9 April 1999.[10] Museum iko talatak di kaki bukik jo balantai duo. Tadapek ampek galeri nan manjalehan sijarah Lukut (tarutamo patambangan yang dulu marak di sinan) dan sijarah Negeri Sembilan sacaro umum.[2]

Galeri nan manjalehan sijarah Lukut dimulai dari awa abaik ka-19 hinggo daerah tasabuik manjadi daerah Sungai Ujong di Negeri Sembilan pado tahun 1880. Galeri tasabuik juo manjalehan sijarah rajo-rajo sarupo Rajo Busu, Rajo Jaafar, Rajo Jumaat jo Rajo Bot nan turuik andil dalam kamajuan ekonomi kawasan iko.[7] Galeri museum iko juo manjalehan budaya masyarakaik satampek, tamasuak adaik jo tradisi sarupo Adat perpatih nan khas dari Negeri Sembilan. Museum iko juo manampilkan paninggalan dari Kapa VOC Nassau nan tabanam dalam Patampuran Cape Rachado di lauik dakek Port Dickson pado tahun 1606.[2][11]

Rujuakan[suntiang | suntiang sumber]

  1. riskybudiman. "Museum yang Layak Anda Kunjungi di Negeri Sembilan". Wisata Malaysia (dalam bahasa Indonesia). Diakses tanggal 2020-11-07. 
  2. a b c d "Where nature and history abound". Malayasia Nature Society. 10 March 2011. Diakses tanggal 7 November 2020. 
  3. a b c "Kota Lukut Museum, Fort". portdickson.info. Diakses tanggal 7 November 2020. 
  4. Richmond & Harper 2006, hlm. 225.
  5. a b Cook 1994, hlm. 180.
  6. Jaaffar, Hussain & Ahmad 1992, hlm. 270.
  7. a b "Lukut Museum". Official website of Department of Museums, H Government of Malayasia. Diakses tanggal 7 November 2020. 
  8. Pelancongan 2002, hlm. 16.
  9. Peet 1983, hlm. 132.
  10. "Muzium Lukut" (dalam bahasa Malay). Museums Department of Government of Malayasia. Diakses tanggal 7 November 2020. 
  11. "Lukut Museum, Port Dickson". Tourism Department of Government of Malayasia. Diakses tanggal 7 November 2020.