Musajik Tuo Kayu Jao

Dari Wikipedia baso Minang, ensiklopedia bebas
Loncat ke navigasi Loncat ke pencarian
Musajik Tuo Kayu Jao

Masjid Tuo Kayu Jao

Masjid Tuo Kayu Jao.jpg

Masjid Tuo Kayu Jao setelah dipugar

Latak Jorong Kayu Jao, Nagari Batang Barus, Kecamatan Gunung Talang, Kabupaten Solok, Sumatera Barat, Indonesia
Afiliasi agamo Islam
Deskripsi arsitektur
Jinih arsitektur Masjid
Gaya arsitektur Minangkabau
Pambukoan tanah Abad ke-16
Spesifikasi
Panjang 15 meter[1]
Leba 10 meter[1]
Gobah Tidak ada
Minaro Tidak ada

Musajik Tuo Kayu Jao marupokan salah satu cagar budayo di Sumatera Barat nan diawasi oleh Balai Pelestarian Peninggalan Purbakala.[2] Musajik iko alah babarapo kali mangalami pamugaran, sarupo pamugaran salah satu tiang jo panggantian atok ijuak nan lamo jo nan baru karano alah lapuak. Meskipun alah babarapo kali dipuga, kaaslian muajik iko masih tatok dipartahankan.[3] Namun dalam pamugaran tarakhir, warna cat musajik iko nan sabalunnyo putiah diganti manjadi coklat kahitaman.[2]

Saaik iko salain digunokan untuak aktivitas ibadah umaik Islam, musajik satu lantai iko pulo digunokan sabagai sarana pandidikan agamo bagi masyarakaik, bahkan alah manjadi salah satu daya tarik wisata takamuko di Sumatera Barat tarutamo di Kabupaten Solok.[4]

Sejarah[suntiang | suntiang sumber]

Indak dikatahui pasti tahun barapo sabatuanyo musajik iko badiri. Badasarkan sajumlah catatan musajik iko dibangun pado tahun 1599,[5][6] samantara catatan lain juo ado nan manyabuiknyo labiah tuo dari itu.[2] Namun talapeh dari pabedan tasabuik, pambangunan musajik iko dilakukan manyusua dimulainyo pakambangan agamo Islam di kawasan Solok pada abaik ka-16.[7] Nagari tampek musajik iko barado maupun sakitanyo juo alah dibantuak sabalunnyo langkok jo tigo unsur kapamimpinan nan dikana oleh masyarakaik Minangkabau, yaitu alim ulamo, cadiak pandai, dan ninik mamak.[5][6] Manuruik pamuko masyarakaik satampek, tadapek duo urang nan baparan dalam pambangunan musajik iko, yakni Angku Musaur jo Angku Labai, nan kaduonyo dimakamkan indak jauah dari lingkungan musajik[2]

Arsitektur[suntiang | suntiang sumber]

Arsitektur nan dimiliki musajik iko sacaro kasaluruhan dipangaruahi oleh corak Minangkabau. Musajik iko mamiliki tatanan atok sabanyak tigo tingkat nan tabuek dari ijuak dangan katabalan sakita 15 cm[2] jo parmukaan dibuek indak data malainkan saketek cakuang; parmukoan atok nan cakuang cocok untuak daerah bariklim tropis karano dapek labiah capek mangalirkan aie hujan ka bawah.[8][5] Antaro tingkatan atok nan satu jo nan lain tadapek calah nan dibuek untuak pancahayaan dangan tingkatan tarateh marupokan atok babantuak limeh. Bagian mihrab mamiliki atok dangan bantuak babedo, yaitu babantuak gonjoang layaknyo Rumah Gadang. Di sisi lain, corak Islam tacaliak pado tiok puncak atok nan dilangkoki mustaka.

Atok musajik iko disangga oleh 27 tiang, simbolisasi dari anam suku di sakita mmusajik iko nan masing-masing tadiri dari ampek unsur pamarentahan ditambah jo tigo unsur dari agama yakni khatib, imam, dan bilal.[3][6] Simbolisasi lain juo tadapek dalam jumlah jandela nan sabanyak 13, nan mangisyaraikkan jumlah rukun salat.[7]

Sabalun pangareh suaro ado, musajik-musajik di Indonesia umumnyo manggunokan tabuah sabagai panando masuaknyo wakatu salat dan dipukul katika wakatu untuak salat tibo kamudian akan dilanjuikkan jo kumandang azan. Sarupo musajik tuo lainnyo di Indonesia, musajik iko pulo mamiliki tabuah. Tabuah nan dipakirokan barumua samo jo musajik iko dilatakkan di bangunan tasendiri di lingkungan mMusajik.[8] Sabagai salah satu budayo Islam di Indonesia, kabaradaan tabuah tasabuik masih tatok dipartahankan.

Caliak pulo[suntiang | suntiang sumber]

  • Islam di Sumatera Barat

Rujuakan[suntiang | suntiang sumber]

Catatan kaki
Daftar pustaka

Pranala lua[suntiang | suntiang sumber]