Musajik Rayo Taluak Bayua

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Koordinat: 0°59′44″S 100°22′11″E / 0.995672°S 100.369707°E / -0.995672; 100.369707

Musajik Rayo Taluak Bayua
Masjid Raya Teluk Bayur
Masjid Raya Taluak Bayua.jpg
Latak Kecamatan Padang Selatan, Kota Padang, Sumatra Barat, Indonesia
Afiliasi agamo Islam
Deskripsi arsitektur
Jinih arsitektur Musajik
Pambukoan tanah 1600
Spesifikasi

Musajik Rayo Taluak Bayua (Indonesia: Masjid Raya Teluk Bayur) atau dulunyo tanamo jo Surau Ateh adolah musajik tatuo di Indonesia nan talatak di kawasan palabuahan Taluak Bayua, Kecamatan Padang Selatan, Kota Padang, Sumatra Barat. Musajik iko sabalumnyo hanyo barupo surau, jo tacatat alah ado sajak abaik ka-17, namun bangunan nan ado kini ko dibangun pado maso panjajahan Balando kiro-kiro abaik ka-19.

Kini ko, salain digunoan untuak aktivitas ibadah umaik Islam, musajik ciek lantai ko digunoan pulo untuak sarana pandidikan agamo jo pesantren kilat untuak anak sikola.

Sijarah[suntiang | suntiang sumber]

Manuruik Abdul Baqir Zein dalam bukunyo nan bajudul Masjid-masjid Bersejarah di Indonesia, musajik iko alah ado sajak abaik ka-17 namun masih berupo surau nan lataknyo indak di lokasi musajik iko kini.[1] Surau iko didirian dek saurang panggaleh asal Arab banamo Abdullah, nan tau maningga dek dibunuah sasudah talibat dalam palawanan ka Kompeni nan handak manguasoi kawasan Taluak Bayua pado taun 1696.[2][3]

Musajik nan ado kini ko dibangun manyusul dilakukannyo paluasan kawasan Teluk Bayur manjadi palabuahan dek pamarintah Hindia Balando pado taun 1888.[1] Pado wakatu itu, kasado aktivitas jua bali jo transportasi lauik balangsuang di palabuhan itu, tamasuak untuak barangkek calon haji nan ka manunaikan ibadah haji sasudah sabalumnyo ikuik kagiatan manasik di Musajik Rayo Gantiang.[4] Karano lataknyo nan badakean jo palabuahan Taluak Bayua, musajik iko pado maso itu masih barupo surau, manjadi labiah rami dari biaso katiko musim haji karano banyak urang nan handak malapehan para calon haji.[2]

Pado awalnyo, bantuak musajik iko dibuek sederhano, jo dindiang babahan kayu baatokan daun pua.[1] Pado taun 1911, untuak patamo kalinyo dilakukan pemugaran, salah satunyo panggantian dindiang jo batu karang manggunoan simin nan dibali dari pabrik simin di kawasan Indaruang.[1]

Caliak pulo[suntiang | suntiang sumber]

Rujuakan[suntiang | suntiang sumber]

Catatan kaki
  1. a b c d Zein 1999, hlm. 67.
  2. a b Zein 1999, hlm. 68.
  3. Zein 1999, hlm. 69.
  4. Zein 1999, hlm. 71.
Daftar pustaka