Musajik Rayo Koto Baru

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Musajik Rayo Koto Baru
Musajik Rayo Koto Baru marupokan salah ciek musajik tatuo di Indonesia.
Musajik Rayo Koto Baru bagian pintu musajik.

Musajik Rayo Koto Baru[suntiang | suntiang sumber]

Musajik Rayo Koto Baru marupokan salah ciek musajik nan paling tuo di Indonesia. Musajik iko talatak di Nagari Koto Baru, Kecamatan Sungai Pagu, Kabupaten Solok Selatan, Provinsi Sumatera Barat. Tapeknyo musajik ko talatak dakek Kawasan Saribu Rumah Gadang (nan marupokan salah ciek kampuang budayo nan ado di Sumatera Barat). Jikok dari Padang manuju musajik ko bajarak sakitar 133km, dan jikok dari Padang Aro bajarak sakitar 30km. Musajik iko sampai kini masih digunoan sabagai tampek ibadah jo tampek ka sarau anak-anak satampek

Sajarah Musajik Rayo Koto Baru[suntiang | suntiang sumber]

Musajik Rayo Koto Baru ko mulai ditagakkan pado taun 1922. Pambangunannyo musajik ko cukuik lamo, karano pado taun 28 Juni 1926 tajadi gampo nan mambuek musajik ko mangalami karusakan gadang[1]. Pusek gampo nan tajadi pado maso itu di daerah Padang Panjang. Walaupun betu, musajik ko indak pernah direnovasi total, sahinggo keaslian musajik ko masih tajago dengan elok. Renovasi nan dilakuan pado 1947 barupo mampaelok'an dindiang musajik nan rusak dari biaya nan diagiah dek lambago swadayo masyarakaik sakitar jo masyarakaik di parantauan. Puncak dari musajik ko juo pernah diubah pado taun 1980 jo 1992 dan indk maubah bantuak asli samulo dari musajik ko. Pado taun 2004 gerbang musajik ko dibuek dari dana nan diagiah di pamarintah daerah.

Bantuak Bangunan Musajik Rayo Koto[suntiang | suntiang sumber]

Bangunan Musajik Rayo Koto Baru ko mamiliki arsitektur nan samo jo Musajik Rao-Rao nan talatak di Kabupaten Tanah Datar[2]. Musajik ko memang disingajokan dibangun sarupo jo Musajik Rao-Rao. Arsitektur dari kaduo musajik ko hampia samo, hanyo sajo Musajik Rao-Rao mamiliki ruang babantuak sagidalapan jo atok babantuak kubah, dan Musajik Rayo Koto Baru mamiliki duo manara nan manyatu jo atok disisi suwok jo kidanyo. Arsitektur dari musajik ko marupokan papaduan dari corak Persia dan Minangkabau. Atok dari musajik ko mamiliki tigo tingkek, hanyo sajo tingkek tarateh mamiliki ruang babantuak parsagi jo ampek atok bagonjong nan maadok ka arah panjuru mato angin nan ado mustaka di tangahnyo. Gonjong nan ampek dari atok ko malambangkan suku nan ado di kawasan Alam Surambi Sungai Pagu ko ado ampek, yaitu : Malayu, Kampai, Tigo Lareh, Panai. Mustaka di tangah nan manjulang tinggi ko malambangkan rajo nan ampek ko batuhan kapado Allah[3].


Rujuakan[suntiang | suntiang sumber]

  1. "Sejarah Masjid Raya Koto Baru Sumatera Barat". Informasi Situs Budaya Indonesia (dalam bahasa Indonesia). 2018-03-05. Diakses tanggal 2019-12-08. 
  2. redaksi. "Wisata Religi Masjid Raya Koto Baru, Sumatra Barat". warisanbudayanusantara (dalam bahasa Indonesia). Diakses tanggal 2019-12-08. 
  3. http://psb-parana.uia.web.id/id3/1-544-434/Masjid-Raya-Koto-Baru_72087_psb-parana-uia.html