Musajik Nurul Yaqin
| Musajik Nurul Yaqin | |
| Latak | Nagari Air Bangis, Kecamatan Sei Beremas, Kabupaten Pasaman Barat, Sumatra Barat., Indonesia |
| Afiliasi agamo | Islam |
| Kapamimpinan | Wakaf |
| Deskripsi arsitektur | |
|---|---|
| Jinih arsitektur | Musajik |
| Pambukoan tanah | 1860 |
| Spesifikasi | |
| Gobah | 2 |
Musajik Nurul Yaqin adolah salah satu musajik tatuo di Indonesia nan talatak di Nagari Air Bangis, nan sacaro administratif masuak ka dalam wilayah Kecamatan Sei Beremas, Kabupaten Pasaman Barat, Sumatra Barat. musajik ko tacatat sabagai musajik tatuo di Kabupaten Pasaman Barat.
Sajarah
[suntiang | suntiang sumber]Dibuek ateh arahan H. Abdul Azis sakitar taun 1860, kabaradoan musajik Nurul Yaqin ikuik turuik sato dalam panyabaran Islam di Nagari Air Bangih dan manjadi cikal bakal untuak pangambangan musajik-musajik lainnyo di Air Bangis. Tapi, salapeh salasai Musajik Raya Air Bangis dibuek pado taun 1930, kagiatan di musajik ko talakik taranti salamo babarapo wakatu, tapi ndak lamo kamudian dapek dihiduikan baliak sampai saaik kini ko. Kini salain digunoan sabagai tampek kagiatan ibadah umaik Islam, musajik ko digunoan untuak babarapo kagiatan kaagomoan lainnyo.
Agamo Islam masuak ka wilayah Pasaman malalui Air Bangis, palabuahan dagang nan rami sabalun dipindahannyo ibu kota Keresidenan Tapanuli di Air Bangis ka Sibolga pado taun 1842.[1] Manuruik sijarah, panyebaran agamo Islam di Nagari Air Bangis diadoan dek saudagar Muslim dan samakin bakambang pasaik satalah babarapo panduduak satampek kambali dari manuntuik ilmu di Mekkah, ditambah jo panagakan sabuah musajik babarapo meter dari muaro pantai Air Bangis.[2]
Diprakarsai dek H. Abdul Azis, pado akhir abaik ka-19 masyarakaik satampek basamo-samo mambangun sabuah musajik nan kini dikana sabagai musajik Nurul Yaqin. musajik ko pado awalnyo barupo bangunan baukuran 11 x 25 meter jo dindiang tabuek dari papan dan atok tabuek dari ijuak.[2] Pado sangkek itu, di dalamnyo alah tadapek sabuah mimbar nan tabuek dari kayu. Namun, sairiang jo pakambangan jumlah panduduak, masyarakaik setempat mamutuihan untuak membangun musajik nan baru indak baitu jauah dari musajik Nurul Yaqin, nan dikenal sabagai musajik Raya Air Bangis. Sasudah pambangunan salasai pado taun 1930, mimbar nan barado di musajik Nurul Yaqin sempat dipindahkan ka musajik Raya Air Bangis jo cara upacaro dan diarak kaliliang kampuang . Akibaikanyo, sagalo bantuak aktivitas dan kagiatan di musajik Nurul Yaqin sempat baranti, akan tetapi baliak diiduikan ndak lamo kamudian ateh insiatif dan kesepakatan babarapo urang ulama dan tokoh masyarakaik satampek.[3]
Manuruik salah sorang pangurus musajik, Maryus Fendra dan Wali Nagari Air Bangis, Islahul Abdi, sairiang pakambangan wakatu, Musajik Nurul Yaqin talakik maalami renovasi barek. Pado taun 1969, bangunan musajik nan awalnyo tabuek dari kayu, diparancak jo diganti jo bangunan permanen, sadang atoknyo diganti jo seng dan ditambah jo gobah.[2] Sampai akhia taun 2011, renovasi taruih diadoan maingek kondisi jamaah nan taruih batambah dan dayo tampuang musajik nan tabateh.[3]
Galeri foto
[suntiang | suntiang sumber]
Tampak sampiang
Gerbang Masuak
Tampak sampiang
Bagian dalam
Rujuakan
[suntiang | suntiang sumber]- ↑ Zanakhsari 1988, hlm. 2.
- 1 2 3 ANTARA 2011.
- 1 2 Mardinal 2011.