Musajik Istiqlal

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Musajik Istiqlal (arati namonyo: Musajik Merdeka) adolah musajik nasional negara Republik Indonesia nan lataknyo di bakeh Taman Wilhelmina, di Timur Lauik Lapangan Medan Merdeka nan di tangahnyo tagak Monumen Nasional (Monas), di pusek ibukota Jakarta. Di subarang Timur musajik iko tagak Gareja Katedral Jakarta. Imam gadangnyo adolah Prof. Dr. Nasaruddin Umar, M.A. jo Katuo Badan Pelaksana Pengelola Masjid Istiqlal kini adolah Laksma (Purn) H. Asep Saefuddin.[1][2][3]

Pembangunan musajik iko diprakarsai dek Presiden Republik Indonesia saaik ito, Ir. Soekarno. Peletakan batu patamo sabagai tando dimulainyo pambangunan Musajik Istiqlal dilakukan dek Ir. Soekarno pado tangga 24 Agustus 1961. Arsitek Musajik Istiqlal adolah Frederich Silaban, urang Kristen Protestan.[4]

Masjid iko punyo gaya arsitektur modern jo dindiang nan lantainyo balapih marmer, dihiasi ornamen geometrik dari baja antikarat. Bangunan utamo musajik iko punyo limo lantai jo satu lantai dasar. Bangunan utama itu dimahkotai satu kubah gadang berdiameter 45 meter nan ditopang 12 tiang besar. Menara tunggal setinggi total 96,66 meter menjulang di sudut Selatan selasar masjid. Masjid iko mampu menampung labiah dari 200.000 jamaah.[5]

Salain digunoan sabagai aktivitas ibadah umaik Islam, masjid iko digunoan pulo sabagai kantua babagai organisasi Islam di Indonesia, aktivitas sosial, jo kagiatan umum. Musajik iko manjadi salah ciek daya tarik wisata nan tanamo di Jakarta. Kebanyakan wisatawan nan singgah umumnyo wisatawan domestik di samping sabagian wisatawan asiang nan baagamo Islam. Masyarakat non-Muslim juo dapaik berkunjung ka masjid iko sasudah sabalunnyo mandapek pembekalan informasi manganai Islam dan Masjid Istiqlal, walaupun bagian nan buliah dikunjungi kaum non-Muslim terbatas dan harus didampingi pemandu.

Pado tiok hari gadang Islam takah Ramadhan, Idul Fitri, Idul Adha, Tahun Baru Hijriyah, Maulid Nabi Muhammad saratoIsra jo Mi'raj, Presiden Republik Indonesia selalu maadoan alek keagamaan di musajik iko nan disiarkan sacaro langsuang malalui televisi nasional (TVRI) jo sabagian televisi swasta.

Namo musajik[suntiang | suntiang sumber]

Musajik Istiqlal [2] marupoan musajik nagaro Indonesia, iyolah musajik nan mawakili umaik muslim Indonesia. Dek manyandang status terhormat iko mako musajik iko harus dapek manjadi kabanggaan bangsa Indonesia sakaliguih menggambarkan sumangaik perjuangan dalam meraih kemerdekaan. Musajik iko dibangun sabagai ungkapan jo wujuik dari raso syukur bangsa Indonesia nan mayoritas baagamo Islam, ateh berkat jo rahmat Allah SWT nan alah manganugerahan nikmat kemerdekaan, terbebas dari cengkraman penjajah. Dek itulah musajik iko dinamoan"Istiqlal" nan dalam bahaso Arab bararti "Merdeka".[6][7]

Sijarah[suntiang | suntiang sumber]

Proyek pambangunan Masjid Istiqlal.

Sasudah parang kemerdekaan Indonesia, mulai bakambang gagasan gadang untuak managakan musajik nasional. Ide pambangunan musajik tercetus sasudah ampek taun proklamasi kemerdekaan. Gagasan pambangunan musajik kenegaraan iko sajalan jo tradisi bangsa Indonesia nan lah sajak zaman saisuak pernah membangun bangunan monumental keagamaan nan melambangkan kejayaan negara. Misalnyo pado zaman karajaan Hindu-Buddha bangsa Indonesia alah berjaya membangun candi Borobudur jo Prambanan. Dek itulah pado maso kemerdekaan Indonesia tabik gagasan membangun musajik agung nan megah jo panteh manyandang predikat sabagai masjid nagaro bapanduduak muslim tagadang di dunia.[8]

Perencanaan[suntiang | suntiang sumber]

Pado taun 1950, KH Wahid Hasyim nan wakatu itu manjabat sabagai Menteri Agamo Republik Indonesia jo H. Anwar Tjokroaminoto dari Partai Syarikat Islam maadoan patamuan jo sajumlah tokoh Islam di Deca Park, sabuah gedung patamuan di jalan Merdeka Utara, indak jauah dari Istano Merdeka. Patumuan dipimpin dek KH. Taufiqurrahman, nan mambahas rencana pambangunan musajik. Gedung patamuan nan basabalahan jo Istana Merdeka itu, kini tinggal sejarah. Deca Park jo babarapo gedung lainnyo tergusur saaik proyek pambangunan Monumen Nasional (Monas) dimulai.[9][10]

Padao patamuan di gedung Deca Park tersebut, sacaro mufakaik disepakati H. Anwar Tjokroaminoto sabagai katua Yayasan Musajik Istiqlal. Inyo ditunjuak pulo sacaro mufakaik sabagai katuo panitia pambangunan Musajik Istiqlal walaupun inyo talambek hadir dek baru pulang ka tanah aia sasudah batugeh sabagai delegasi Indonesia ka Japang mambicarakan masalah rampasan parang saaik itu.

Pado taun 1953, Panita Pembangunan Musajik Istiqlal, malaporkan rencana pambangunan musajik itu ka kepalo negara. Presiden Soekarno manyambuik baik rencana tersebut, bahkan ka mambantu sapanuahnyo pambangunan Musajik Istiqlal. Kemudian Yayasan Masjid Istiqlal disahkan dihadapan notaris Eliza Pondaag pado tangga 7 Desember 1954.

Referensi[suntiang | suntiang sumber]

  1. http://www.kemenag.go.id/index.php?a=berita&id=325170
  2. a b Kasalahan panggunoan templat: parameter title dibutuahkan.
  3. https://kemenag.go.id/berita/photo_read/220226/menag-mengukuhkan-ketua-badan-pelaksana-pengelola-masjid-istiqlal--bppmi--periode-2016--2020--asep-saepudin
  4. Sekretariat Negara: Tanda Kehormatan Bintang Jasa Sipil
  5. "Fasilitas Masjid Istiqlal". Situs Resmi Masjid Istiqlal. http://masjidistiqlal.or.id/index.php?option=com_content&view=article&id=99&Itemid=90&lang=id. Diakses pado 17 Maret 2012. 
  6. Definisi: Pengertian Istiqlal, diakses 24 Juni 2017
  7. Rahasiaa: SEJARAH BERDIRI MASJID ISTIQLAL JAKARTA, diakses 24 Juni 2017
  8. Site Google: Sejarah Masjid Istiqlal Jakarta, diakses 24 Juni 2017
  9. Archipost: Pembangunan Masjid Istiqlal, diakses 24 Juni 2017
  10. IamHouston: Kronologis dan Fase Pembangunan Masjid Istiqlal dan IAMC Center, diakses 24 Juni 2017