Musajik Cut Meutia
| Masjid Cut Meutia | |
Bagian muko dari Musajik Cut Meutia | |
| Latak | Jl. Cut Meutia No. 1 Jakarta Pusat, DKI Jakarta, Indonesia |
| Afiliasi agamo | Islam |
| Deskripsi arsitektur | |
|---|---|
| Jinih arsitektur | Masjid |
| Gaya arsitektur | Art Nouveau |
| Spesifikasi | |
| Gobah | Bukan kubah tapi kubus biaso |
Musajik Cut Meutia adolah musajik nan talatak di Jalan Cut Meutia Nomor 1, Jakarta Pusat, DKI Jakarta, Indonesia.[1] Namo "Cut Meutia" diambiak dari namo jalan tempat musajik tu tagak. Salain itu Cut Meutia marupoan namo pahlawan nasional Indonesia nan ikuik bajuang malawan kolonialisme Balando di Aceh.[2] Bangunan musajik ko tamasuak paninggalan sijarah dari zaman panjajahan kolonial Balando. Di musajik ko indak tadapek kubah atau minaro sarupo musajik nan lain. Tadapek mihrab nan dilatakan di sampiang kiri dari saf shalat. Salain itu posisi safnyo miriang tahadok bangunan musajik dek pambangunan musajik ko indak tapek ka arah kiblat.[3] Bangunan musajik ko bagaya arsitektur Art Nouveau, tadiri dari lantai duo lantai, bagian atehnyo babantuak sagi ampek. Pado tiok sisinyo tadapek tigo buah jendela kaco nan manjadi ciri khas musajik ko.[4]
Di musajik ko tadapek agenda rutin nan dilakuan dek masyarakaik satampek, yatu 3 in one study. Kagiatannyo sarupo kajian sasudah lapeh karajo satiok bakda maghrib di hari Senin sampai Sabtu. Kegiatan ko dicanangan katiko pamarintahan Gubernur Sutiyoso nan masih dilakuan hinggo kini.[5][6]
Sejarah
[suntiang | suntiang sumber]
Dulunyo musajik ko marupoan bangunan kantua biro arsitek jo pangembang N.V. Naamloze vennootschap, atau Perseroan terbatas Bouwploeg, Pieter Adriaan Jacobus Moojen (1879 - 1955) nan mambangun wilayah Gondangdia di Menteng.[3]
Sabelum difungsian sabagai musajik, bangunan ko pernah digunoan sabagai kantua pos, kantua Jawatan Kereta Api Balando jo kantua Kempetai Angkatan Lauik Jepang (1942 - 1945). Sasudah Indonesia merdeka, bangunan ko pernah pulo digunoan sabagai kantua kantor Urusan Perumahan, Kantua Urusan Agama (1964-1970), hinggo Majelis Permusyawaratan Rakyat Sementara (MPRS) pado maso kapamimpinan Abdul Haris Nasution. Sasudah MPRS pindah ka daerah Senayan, bangunan tu diwakafan ka Angkatan 66 Yonif Yo Sudarso untuak digunoan sabagai tampek baribadah.
Salamo kurang labih 17 taun, bangunan ko hanyo dijadian tampek ibadah tanpa adonyo status Musajik. Baru pado zaman pamarintahan Gubernur Ali Sadikin, bagunan ko dirasmian sabagai musajik tingkek provinsi jo dapek surek kaputusannyo SK 5184/1987 tanggal 18 Agustus 1987.[3][7]
Musajik Cut Meutia dibawah dinas museum jo sijarah dek kareno sajak taun 1961 resmi manjadi bangunan nan dilindungi manjadi bagunan sabagai cagar budayo. Paruntukannyo dapek barubah, namun bantuak bangunannyo indak buliah diubah, hanyo buliah dipelokan.[3]
Galeri
[suntiang | suntiang sumber]-
Foto lamo Musajik Cut Meutia -
Tampek imam di Musajik Cut Meutia -
Tampak muko dari Musajik Cut Meutia
Rujuakan
[suntiang | suntiang sumber]- ↑ Media, Kompas Cyber (2009-08-29). "Perjalanan Panjang Masjid Cut Meutia Halaman all". KOMPAS.com. Diakses tanggal 2021-03-11.
- ↑ "Masjid Cut Meutia, Gedung Belanda yang Jadi Rumah Tuhan - Semua Halaman - National Geographic". nationalgeographic.grid.id (dalam bahasa Indonesia). Diakses tanggal 2021-03-11.
- ↑ a b c d "Sejarah Masjid | Masjid Cut Meutia". masjidcutmeutia.com. Diakses tanggal 2021-03-11.
- ↑ "Sistem Informasi Masjid". simas.kemenag.go.id. Diarsipkan dari versi asli tanggal 2020-02-24. Diakses tanggal 2021-03-11.
- ↑ Liputan6.com (2019-04-11). "Masjid Cut Meutia, dari Markas Belanda, Pasar, hingga Panggung Jazz". liputan6.com (dalam bahasa Indonesia). Diakses tanggal 2021-03-11.
- ↑ Priherdityo, Endro. "Masjid Cut Meutia, Bukan Sembarang Masjid Biasa". gaya hidup (dalam bahasa Indonesia). Diakses tanggal 2021-03-11.
- ↑ "Mengenal Sejarah Masjid Cut Meutia". Republika Online (dalam bahasa Indonesia). 2021-02-17. Diakses tanggal 2021-03-11.