Muhammad Padang

Muhammad Padang

Biografi
Lahia	1920 Siri Sori
Kamatian	nilai indak dikatahui (103/104 tahun (id) )
Kalompok etnis	Urang Minangkabau
Kagiatan
Karajo	Politikus

Muhammad Padang (juga ditulis dengan ejaan Mohammad Padang, lahir di Sirisori Islam (sekarang Sirisori Amapatti), Saparua, Maluku, Hindia Belanda pada tanggal 18 Oktober 1914 – meninggal di Jakarta, Indonesia, tanggal tidak diketahui) adolah surang politisi Indonesia pado maso-maso paralihan dari Orde Lamo ka Orde Baru. Inyo marupoan Gubernur Provinsi Maluku nan katigo, nan manjabaik dari taun 1960 sampai 1965, sasudah manggantian pajabaik sabalunnyo, Muhammad Djosan nan manjabaik Gubernur dari tahun 1955 sampai 1960. Pado tahun 1965 Muhammad Padang digantian dek gubernur barikuiknyo, G.J. Latumahina, nan manjabaik sampai tahun 1968.

Muhammad Padang adolah putra Koto Anau, Kabupaten Solok, Sumatera Barat nan dibuang dek Balando ka Saparua pado zaman panjajahan. Adiaknyo, Usman Padang adolah surang politisi pulo nan pernah manjabaik Katua DPRD Provinsi Maluku salamo duo pariode (10 tahun) dari tahun 1972-1982 sabalun digantian dek R.M.S. Latuconsina.

Asa usua

Mohammad Padang lahia di Desa Sirisori Islam di Pulau Saparua pado 18 Oktober 1914, sadangkan versi lain manyabuik kalau inyo lahia pado tahun 1920. Mandehnyo, Hadijah Palupessy, saurang putri dari desa kalahirannyo dan barasa dari kaluarga besar Pattisahusiwa. Ayahnyo banamo Abdulrachman Palupessy. Abdulrachman adolah putra dari Pakih Haji Nurdin gala Pusako Baginda Bungsu, adolah sauorang pajuang Parang Paderi dari Koto Anau, Kabupaten Solok, Sumatera Barat nan dibuang Balando ka Saparua pado zaman panjajahan.

Pandidikan

Mohammad Padang manamaikan pandidikan dasar pado Saparoeasche School di Saparua dan malanjuikan ka sakolah manangah MULO di Kota Ambon. Kudian, inyo marantau ka Pulau Jawa.

Parjuangan kamerdekaan Indonesia

Pado maso mudanyo di Pulau Jawa, Mohammad Padang adolah saurang pajuang kamerdekaan pado fase “Revolusi Fisik” (Parang Kamerdekaan). Sabagai saurang tokoh pemuda pajuang, inyo mulai mamasuki badan-badan parjuangan pamuda untuak mampartahankan Proklamasi Kemerdekaan. Mulonyo manjadi anggota Angkatan Pemuda Indonesia (API-Ambon) nan dipimpin dek H. Tanasale jo J.D. de Fretes. Sasudah pindah ka Surabaya, inyo manjadi anggota pangurus besar organisasi “Pemuda Republik Indonesia” (PRI-Ambon) nan dipimpin M. Sapya jo Kolibongso. Pemuda-pemuda Maluku juo mampunyai jaso nan gadang dalam partempuran 10 November di Surabaya malawan Tentara Sekutu (Inggirih). Sawaktu hijrah ka Yogyakarta, inyo bagabuang ka Organisasi “Pemuda Indonesia Maluku” (PIM). Di Yogyakarta, inyo bajuang dalam Partai Politik Maluku (Parpim) nan ditagakan dek A.J. Patty. Sabagai anggota Parpim, inyo mawakili Maluku pulo di dalam KNIP (Komite Nasional Indonesia Pusat) dan basamo-samo dengan Mr. J. Latuharhary jo Dr. G.A. Siwabessy mananggulangi kasulitan jo panderitaan urang-urang Maluku untuak tetap barado dalam wadah Negara Kesatuan Republik Indonesia.

Gubernur Maluku

Sasudah pamberontakan RMS pado tahun 1950 dapek ditumpas, inyo basamo Gubernur Mr. J. Latuharhary bajuang mambangun Maluku. Sabagai saurang tokoh pajuang anak daerah Maluku, Mohammad Padang dipicayo untuak manjadi Gubernur Maluku nan katigo (1960–1965). Sabalun itu, inyo basamo A.J. Patty ditunjuak sabagai wakil Maluku dalam Dewan Perwakilan Rakyat Republik Indonesia Serikat. Mohammad Padang juo tacataik sabagai salah saurang pandiri Universitas Pattimura dan manjadi anggota Presidium Unpatti dari tahun 1962–1971.

Maningga dunia

Tokoh Maluku jo pajuang kamerdekaan iko maninggal dunia di Jakarta dan inyo diingek sabagai pajuang kemerdekaan dan pangabdi rakyat di daerah Maluku.

Pautan lua

• Mengapa Orang Minang Mampu Bertahan Diperantauan? Antarasulteng.com,15 Juni 2012. Diakses 14 Mei 2013.
• Keluarga Muhammad Padang Kembali Menempati Rumah Liputan6.com, 23 November 2005. Diakses 14 Mei 2013.