Lompat ke isi

Muhamad Chatib Basri

Wikipedia Minangkabau - Lubuak aka tapian ilimu
Chatib Basri
Lahia22 Agustus 1965 (umua 58)
Alma materUniversitas Indonesia
Australia National University
KarojoDosen, politikus
KantuaMenteri Keuangan Indonesia[1]
PandahuluAgus Martowardojo
Hatta Rajasa
(Pelaksana Tugas)
PanaruihBambang Brodjonegoro
PasanganDana Iswara
Anak3

Muhammad Chatib "Dede" Basri (lahia di Jakarta, 22 Agustus 1965; umua 58 taun) adolah saurang ekonom Indonesia nan manjabat sabagai Menteri Keuangan dalam Kabinet Indonesia Bersatu Kadua pado pariode 21 Mei 2013 sampai 20 Oktober 2014 pado maso pamarentahan presiden Susilo Bambang Yudhoyono.[2] Sabalun dilantiak sabagai Mantari Keuangan, inyo adolah kapalo Badan Koordinasi Penanaman Modal (BKPM) .

Lata balakang

[suntiang | suntiang sumber]

Chatib Basri lahia dari pasangan parantau Minangkabau, Chairul Basri (apak) jo Nurbaiti (mandeh). Apaknyo barasa dari Rao, Pasaman, Sumatra Barat nan marupoan kakak dari sastrawan Asrul Sani. Samaso ketek, Chatib sanang mampalajari politik, sastra, jo seni, dibandiangan jo ilmu ekonomi. Inyo sampek babarapo kali ikuik pamentasan Teater Cradda di Taman Ismail Marzuki, Jakarta.[3]

Chatib Basri manampuah pandidikan di Kolese Kanisius, jo manamatkan pandidikan sarjananyo di Fakultas Ekonomi Universitas Indonesia (1992). Sasudah itu, inyo malanjuikan pandidikannya ka Australia National University. Inyo lulus jo gala Master of Economic Development pado taun 1996. Lim taun kamudian, inyo mamparoleh gala PhD dalam bidang Ekonomi dari universitas nan samo.[4]

Kini, Chatib Basri tacatat sabagai dosen di Fakultas Ekonomi Universitas Indonesia.[5]

Inyo manjabat di babarapo jabatan konsultan ekonomi sanior sabalun dilantiak sabagai katua BKPM pado taun 2011. Inyo adolah saurang panasihat mantan Menteri Keuangan Indonesia, Sri Mulyani Indrawati jo Wakil Ketua Komite Ekonomi Nasional (KEN) sarato pawakilan presiden Indonesia dalam partemuan G-20.[6]

Basri bagala PhD dari Universitas Nasional Australia. Inyo juo mangaja di Fakultas Ekonomi di Universitas Indonesia (FEUI) sarato manjadi Direktur Lembaga Penyelidikan Ekonomi dan Masyarakat (LPEM) di FEUI jo Ash Centre Senior Fellow di Harvard Kennedy School 2015-2016.[7] Inyo juo manjadi anggota di Global Transformation University of California di San Diego.[8] Inyo kini adolah anggota The World Bank Advisory Council on Gender and Development.[9] Inyo manjadi anggota pulo di Advisory Board of Centre for Applied Macroeconomic Analysis di Universitas Nasional Australia.[10]

Spesialisasi Dede Basri tamasuak perdagangan internasional, makroekonomi, jo ekonomi politik. Sabagai ahli ekonomi akademik, inyo alah manulih di babarapo jurnal ekonomi sarupo World Economy, Asian Economic Papers, jo Bulletin of Indonesian Economic Studies. Inyo juo mangaja di Thee Kian Wie Distinguished Visiting Professor di Australian National University [11] jo manjadi panaliti di Arndt-Corden Department of Economics di Australian National University. Basri juo marupokan anggota Group of Eminent Personalities of the OECD Development Centre.[12]

  1. "Chatib Basri Resmi Ditunjuk Jadi Menteri Keuangan". liputan6.com. 20 Mei 2013. Diakses tanggal 16 Januari 2024. 
  2. "BKPM chief Chatib Basri named finance minister". thejakartapost.com (dalam bahasa Inggris). 21 Mei 2013. Diakses tanggal 16 Januari 2024. 
  3. "Kakak Asrul Sani Meninggal Dunia". tempo.co. 12 Januari 2004. Diakses tanggal 16 Januari 2024. 
  4. "Ini Sosok Chatib Basri Dipercaya Jabat Wakil Komisaris Utama PT Bank Mandiri". tempo.co. 9 Desember 2019. Diakses tanggal 16 Januari 2024. 
  5. "Muhammad Chatib Basri sebagai Staf Pengajar pada FEUI". feb.ui.ac.id. Diakses tanggal 16 Januari 2024. 
  6. "Chatib Basri: G20 perlu memilih persoalan yang universal untuk dibahas". antaranews.com. 5 September 2022. Diakses tanggal 16 Januari 2024. 
  7. "Dr. Muhamad Chatib Basri, Former Indonesian Finance Minister joins the Ash Center". harvard.edu (dalam bahasa Inggris). 16 September 2015. Diarsipkan dari versi asli tanggal 18 January 2024. Diakses tanggal 16 Januari 2024. 
  8. "Muhamad Chatib Basri". Diarsipkan dari versi asli tanggal 2016-01-18. Diakses tanggal 16 Januari 2024. 
  9. 'World Bank Advisory Council on Gender and Development.
  10. 'ANU, Advisory Board Centre for Applied Macroeconomic Analysis'.
  11. 'Thee Kian Wie Distinguished Visiting Professorship'.
  12. "DEVELOPMENT CENTRE GOVERNING BOARD OF THE DEVELOPMENT CENTRE" (PDF). oecd.org (dalam bahasa Inggris). Diakses tanggal 16 Januari 2024. 
Jabatan politik
Didaului jo:
Agus Martowardojo
Minister of Finance
2013–2014
Digantian dek:
Bambang Brodjonegoro