Moeslim Kawi

Wikipedia Minangkabau - Lubuak aka tapian ilimu

Moeslim Kawi (lahia di Payakumbuh, 4 Agustus 1935, umua 83 tahun). Inyo barasal dari Nagari Koto Tangah Simalanggang, Kabupaten Lima Puluh Kota, manjalani masa kanak-kanak di kampuang halamannyo. Inyo adalah saurang wartawan sapanjang hayek. Hampia tigo per ampek usianyo di abdikan sabagai wartawan. Inyo manampuah pendidikan dan manamatkan Sekolah Rakyat (SR), ia malanjuikkan ke SMP di kota Payakumbuh, saangkatan basamo politisi dan mantan anggota DPR RI dari Golkar Novyan Kaman.[1]

Inyo tertarik jo dunia tulih manulih, sajak 1955, inyo mangirim tulisan ka Mingguan Waktoe di Medan. Inyo pado maso itu bakarajo sabagai pagawai tata usaha (TU) Sekolah Menengah Ekonomi Pertama (SMEP) di kota kelahirannyo, sasudah tamek SMP. Inyo mangirim carito-carito unik yang tajadi di masyarakat, tamasuak rubrik "Mari Ketawa" (Lucu-lucu) dan hasilnyo dimuek.

Moeslim mangirimkan barito-barito kajadian di sakitar kotanyo ka surek kaba Harian <i id="mwFA">Njata</i> , katiko harian tasabuik tabik di Bukittinggi tahun 1955. Tanyato sadonyo tulisan yang dikirimnyo salalu dimuek dan nyarih tanpa koreksian. Moeslim Kawi salalu mancantumkan kode "MK" di akhia tulisan pado setiap barito yang dikirimnyo. Katiko itu redaktur surek kaba Moeslim Roesdi, yang dipimpin oleh Osman Hasibuan dan Soewardi Idris (Wapimred) yang marupokan sahabat dan teman sapamainan Moeslim Kawi, tanyato tau bahwa kode wartawan MK tasabuik adolah Moeslim Kawi.

Rujuakan[suntiang | suntiang sumber]

  1. Chaniago, Hasril (2018). 121 Wartawan Hebat dari Ranah Minang dan Sejumlah Jubir Ranah Bagonjong. Padang: Panitia Pelaksana Daerah Pers Nasional 2018 Biro Humas Setda Provinsi Sumatera Barat.