Soewardi Idris
 | |
| Biografi | |
|---|---|
| Lahia | 10 Nopember 1930  |
| Kamatian | 13 Juli 2004 (73 tahun (id) terjemahkan) Daerah Kusuih Ibukota Jakarta |
| Kalompok etnis | Urang Minangkabau |
| Kagiatan | |
| Karajo | Pangarang jo sastrawan (id)  |
Soewardi Idris adolah salah saurang wartawan jo panulih nan barasa dari kaluarga patani. Inyo lahia di Nagari Salayo, Kabupaten Solok, Sumbar 10 Nopember 1930, maningga dunia di Jakarta 13 Juli 2004 pado umua 74 tahun. Inyo kadang-kadang manggunokan namo pena R Baginda SI, Essy, jo Swara Iswari wakatu mampublikasian tulisannyo. Namo “R. Baginda S.I.” digunoan dalam tulisan masalah pandidikan, “Essy” untuak tulisan masalah kabudayoan, dan “Swara Iswari” dalam tulisan masalah wanita.
Samaso hiduiknyo, Soewardi Idris tanamo sabagai saurang wartawan, sastrawan, dan budayawan Indonesia dari Sumatera Barat.
Awa kahidupan[suntiang | suntiang sumber]
Soewardi Idris anak kalimo dari tujuah basudaro dari pasangan Idris Datuak Rajo Nan Sati jo Raisah. Dari tujuah basudaro tu, hanyo Soewardi nan bagaluik jo dunia tulih manulih. Di kaumnyo, inyo manyandang gala adaik Datuak Bandaro Panjang.
Pandidikan[suntiang | suntiang sumber]
Inyo manampuah pandidikan di Sakolah Rakyat (SR) di kampuang halamannyo di Nagari Salayo (1936). Tamat SR dilajuikan ka SMP (1947) dan SMA Bagian A di Bukittinggi (1952). Dari taun 1952-1954, Soewardi Idris kuliah Fakultas Sastra Pedagogik Filsafat, Jurusan Sastra Inggris di Universitas Gadjah Mada (UGM) Yogyakarta tetapi indak salasai karano inyo alah bakarajo sabagai wartawan jo guru.
Talenta manulih Soewardi Idris muncua samaso mahasiswa. Hobinyo mambaco mandukuang bakaik manulihnyo. Soewardi Idris balajar manulih sacaro otodidak.[1]
Karier[suntiang | suntiang sumber]
Sabagian gadang kariernyo bajalan di Jakarta. Sabagai wartawan, Soewardi Idris panah manjadi Pamimpin Redaksi Majalah Sastra Seriosa (1954) di Yogyakarta, Wakil Pimpinan Redaksi harian Njata di Padang (1956), redaktur majalah Vista sawaktu patamo bana terbit taun 60-an, redaktur mingguan Chas, dan Pamimpin Redaksi Majalah Monitor (1973).
Samaso hiduiknyo, Soewardi Idris marupokan ciek dari tigo “pilar” nan dipunyoi Sumatera Barat. Kaduo “pilar” lainnyo adolah A.A. Navis jo Roestam Anwar. Sastrawan dan budayawan Wisran Hadi (almarhum) dalam sabauh tulisan in memoriam mengenang kepergian Soewardi Idris menulis, katigonyo (Soewardi Idris, A.A. Navis, jo Roestam Anwar) marupokan gabuangan kakuatan nan sangaik mambanggakan Sumatera Barat pado maso itu.
Rujuakan[suntiang | suntiang sumber]
- ↑ Chaniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 402-405. ISBN 978-602-51382-0-1.