Menhir Maek

Wikipedia Minangkabau - Lubuak aka tapian ilimu
Kompleks Menhir Maek

Kompleks Menhir Maek (Indonesia: Menhir Mahat) iolah kumpulan ratusan/ribuan menhir atau batu tagak paninggalan budayo megalitik nan ado di Nagari Mahat (Maek), Kec. Bukit Barisan, Kab. Lima Puluh Kota, Provinsi Sumatera Barat.[1] Menhir-menhir ko dipakirokan barumua sakitar 2000-6000 taun sabalun masehi.[2] Sadoalah menhir itu mahadok ka ciek arah, iyolah ka Gunuang Sago.

Adonyo menhir-menhir ko dimaknai subagai tando makam, tando panghormatan, jo tando kapicayoan animisme jo dinamisme. Menhir ko dibuek dalam babagai bagai bantuak sasuai jo tujuan panyambahan nan nio dilakuan. Ado babarapo kalompok menhir dalam babagai bantuak jo ukuran. Ado nan babantuak kapalo binatang, pedang atau tanduak dan diukia jo pola-pola nan menarik. Ukuran menhir paliang gadang adolah 50 cm x 668 cm x 405 cm.

Menhir Maek kini marupokan salah satu situs basijarah nan dijadian tampek wisata jo objek penelitian dek arkeologis Indonesia maupun Mancanegara.[3] Manuju ka situs purbakala ko, paralu wakatu duo jam saindak-indaknyo manggunokan oto atau onda dari Kota Payokumbuah. Pangunjuang akan tibo di bukik-bukik nan saolah-olah ditanam jo batu-batu babagai bantuak jo ukuran.

Situs[suntiang | suntiang sumber]

Ado 13 situs megalitik nan ado dalam Kompleks Menhir Maek, antaro lain:[4]

  1. Situs Menhir Ronah I
  2. Situs Menhir Ronah II
  3. Situs Menhir Ronah III
  4. Situs Padang Ilalang (Bukik Domo I)
  5. Situs Menhir Bukik Domo II
  6. Situs Menhir Bukik Domo III
  7. Situs Menhir Kayu Kaciak
  8. Situs Menhir Kampung I
  9. Situs Menhir Kampung II
  10. Situs Menhir Ampang Gadang I
  11. Situs Bakal Menhir Ampang Gadang
  12. Situs Menhir Balai-balai Batu (Koto Gadang)
  13. Menhir Bawah Parit (Koto Tinggi)

Rujuakan[suntiang | suntiang sumber]

  1. "Menhir Mahat 80 Persen Belum Tergali" Antara, 13-01-2014. Diakses 10-10-2014.
  2. "Mengunjungi nenek moyang di Nagari Mahat" Archived 2014-10-15 di Wayback Machine. Situs Kemenparekraf, 05-01-2013. Diakses 10-10-2014.
  3. Sejarah Menhir Maek, "Menhir Maek". cimbuak.net Sejarah: Menhir Maek. Diakses pado 27 Oktober 2009.
  4. Sesmita, Oktavia; Melay, Ridwan (2018-07-02). "SEJARAH NAGARI MAHAT SEBAGAI NAGARI SERIBU MENHIR DI KECAMATAN BUKIT BARISAN, KABUPATEN LIMA PULUH KOTA, SUMATERA BARAT". JURNAL ONLINE MAHASISWA - FKIP UR. 5 (2): 118–126. ISSN 2355-6897.