Menhir Koto Tinggi
Menhir Koto Tinggi atau Menhir Bawah Parit[1] adolah paninggalan arkeologis dari zaman prasejarah megalitik nan ditamukan di Nagari Mahat, Kecamatan Bukit Barisan, Kabupaten Lima Puluah Kota, Provinsi Sumatera Barat, Menhir Koto Tinggi iko tamasuak dalam Kompleks Menhir Maek[2] dan barado di lahan miliak suku Pisang sarato manyimpan banyak nilai sijarah tantang asa mulo paradaban niniak muyang masyarakaik Minangkabau. Manuruik Paraturan Menteri Nomor PM.86/PW.007/MKP/2011, paninggalan arkeologi ko ditetapkan sabagai situs cagar budaya di Indonesia nan dikelola dek BP3 Batusangkar[3].
Kabudayoan megalitik marupokan istilah untuak manyabuikkan kabudayoan nan manghasilkan bangunan-bangunan dari batu gadang. Pandirian bangunan dalam tradisi megalitik selalu didasarkan pado kaparcayoan manganai adonyo hubungan antaro dewa-dewa jo manusia nan alah maningga. Menhir adolah sabuah batu tagak baik dikarajokan atau alun dikarajokan jo dilatakkan sangajo di suatu tampek untuak media panghormatan jo manjadi lambang dari urang-urang nan diparingati.
Latak geografis Menhir Koto Tinggi adolah 00º 1’ 35,5” LU jo 100º 29’ 41” BT, barado pado katinggian 350 meter di ateh parmukoan lauik. Menhir Koto Tinggi mampunyoi Jumlah tamuan menhir sabanyak ± 311 buah dari babagai bantuak, ukuran jo hiasan sarato orientasi menhir kaarah Tenggara (Gunuang Sago)[4].
Caliak juo[suntiang | suntiang sumber]
Rujuakan[suntiang | suntiang sumber]
- ↑ Sesmita, Oktavia; Melay, Ridwan (2018-07-02). "SEJARAH NAGARI MAHAT SEBAGAI NAGARI SERIBU MENHIR DI KECAMATAN BUKIT BARISAN, KABUPATEN LIMA PULUH KOTA, SUMATERA BARAT". JURNAL ONLINE MAHASISWA - FKIP UR. 5 (2): 118–126. ISSN 2355-6897.
- ↑ Sesmita, Oktavia; Melay, Ridwan (2018-07-02). "SEJARAH NAGARI MAHAT SEBAGAI NAGARI SERIBU MENHIR DI KECAMATAN BUKIT BARISAN, KABUPATEN LIMA PULUH KOTA, SUMATERA BARAT". JURNAL ONLINE MAHASISWA - FKIP UR. 5 (2): 118–126. ISSN 2355-6897.
- ↑ "Sistem Registrasi Nasional Cagar Budaya". cagarbudaya.kemdikbud.go.id. Diarsipkan dari versi asli tanggal 2019-02-28. Diakses tanggal 2019-02-27.
- ↑ Hidayat, Romi. "BENTUK, FUNGSI, DAN MAKNA MENHIR DALAM KEHIDUPAN SOSIAL ADAT ISTIADAT DI NAGARI MAHAT KABUPATEN LIMA PULUH KOTA, SUMATERA BARAT KAJIAN ETNOARKEOLOGI" (dalam bahasa Inggris).