Mara Karma

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Mara Karma
Lahia 1926
Bendera Balando Bukittinggi, Hindia Balando
Wafaik 24 Desember 2001 (umua 75)
Bendera Indonesia Jakarta
Kabangsaan Bendera Indonesia Indonesia
Alma mater INS Kayutanam
Karajo Palukih, wartawan
Agamo Islam

Mara Karma (laia di Bukittinggi, Sumatera Barat, 1926 - maningga di Jakarta, 24 Desember 2001 pado umua 75 taun) adolah surang palukih, wartawan, pangarang sarato kritikus senirupo Indonesia. Disampiang saderet profesi nan pernah dilakoninyo, Mara Karma sabananyo adolah surang pajuang kamardekaan Indonesia. Katiko mudo, baumua 19 taun Mara Karma pernah manggarakan massa kota Bukittinggi untuak mangibaran Sang Saka Merah Putih di pusek kota nan masih dalam cangkaraman militer Japang.

Sasudah kamardekaan, katiko organisasi pamarentah, partai politik sarato organisasi lainnyo alah badiri, Mara Karma pernah dikirim dek pamarentah ka Singapura untuak mambantu pajuangan mampakuaik dukuangan pado republik nan baru tagak tu. Dalam misi pajuangan tu Mara Karma tatangkok dek pamarentah Inggirih, tapi akhianyo Mara Karma dideportasi kaIndonesia. Sasudah itu, Mara Karma labiah mamiliah bakarier sabagai jurnalis katimbang manjadi palukih, karano manjadi jurnalis inyo maraso dapek manyampaian buah pikirannyo pado khalayak nan labiah laweh.

Pandidikan[suntiang | suntiang sumber]

Murik dari Wakidi jo Muhammad Sjafei ko mamulai pandidikan senirupo-nyo di Indonesisch Nederlansche School (INS) Kayutanam, Sumatera Barat. Salanjuiknyo, Mara Karma manambah pangatahuan senirupo-nya jo caro otodidak sarato baraja pado palukih asiang katiko inyo punyo babarapo kali kasampatan ka Eropa. Pangalamannyo bakunjuang ka babagai nagaro tu baperan pulo dalam mampalaweh cakrawala pikianyo tantang seni moderen. Di INS Kayutanam, nan didirian dek Muhammad Sjafei tu, Mara Karma basobok jo Mochtar Lubis sarato Iswara Darmaputra, nan adolah murik pulo dari paguruan tu. Dikudian hari mareka mandirian Harian Indonesia Raya.

Karier[suntiang | suntiang sumber]

Pado Kongres Pemuda di Yogyakarta pado taun 1945, Mara Karma, sabagai pamimpin Gerakan Pemuda Melayu mulai dikenal sacaro labiah laweh. Basamo jo Mochtar Lubis, karier jurnalisnyo dimulai jo mandirian majalah Mutiara pado taun 1950, lalu masih di bawah pimpinan Mochtar Lubis kudian balanjuik jo pandirian Harian Indonesia Raya. Tulisan jo komentar-komentarnyo nan tajam di babagai media akhianyo mambuek karier jurnalisnyo jadi tahanti karano pambreidelan medianyo dek rezim Orde Lama.

Sairiang jo lahianyo Orde Baru, kariernyo sabagai jurnalis barlanjuik baliak. Mara Karma pun bagabuang ka Harian Abadi jo Pelopor Baru dari taun 1966 sampai 1970. Salapeh dari Harian Abadi jo Pelopor Baru, Mara Karma bakariar sabagai Pemimpin Redaksi Harian Angkatan Bersenjata dari taun 1971 sampai 1974. Dimaso-maso ikolah Mara Karma bakenalan sarato bakawan baiak jo Arifin C. Noer sarato Taufiq Ismail. Namun dima pun Mara Karma bakarier sarato apopun kagiatannyo nan lain, paratiannyo kapado kasenian tarutamo seni lukih indak pernah bakurang.

Kagiatan[suntiang | suntiang sumber]

  • Seniman Lukih
  • Wartawan, Editor, Kolumnis, Pangarang
  • Anggota Kurator Nasional
  • Panguruih Angkatan '45
  • Anggota Dewan Pimpinan Harian (DPH) Dewan Kesenian Jakarta (DKJ)
  • Ketua Himpunan Palukih Jakarta (HIPTA)
  • Panulih/Kritikus Senirupo
  • Pambicaro dalam diskusi-diskusi senirupo
  • Konsultan Public Affairs di Kadutaan Besar Japang, Pertamina, Bank Panin, jo Kalompok Nugra Santana
  • Dosen Lua Biaso di Jurusan Komunikasi, Universitas Indonesia

Rujuakan[suntiang | suntiang sumber]