Manjago jarak fisik

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Panando untuak manjago jarak fisik di tampek duduak Stasiun Padang.

Manjago jarak fisik (bahaso Inggirih: physical distancing) adolah sarangkaian kurenah pangandalian infeksi nonfarmasi nan dimukasuikan untuak maantian atau mampalambek panyebaran panyakik manular. Tujuan dari manjago jarak fisik iyolah untuak mangurangi kamungkinan kontak antaro urang tainfeksi jo urang nan indak tainfeksi, sahinggo dapek mangurangi panularan panyakik, morbiditas, dan tautamo kamatian.[1]

Manjago jarak fisik paliang mangkuih dilakuan katiko infeksi dapek ditularan malalui kontak percikan atau droplet (batuak atau barasin); kontak fisik langsuang, tamasuk kontak seksual; kontak fisik indak langsuang (misalnyo jo mamacik parmukaan nan takontaminasi takah fomit); atau transmisi malalui udaro (kok mikroorganisme dapek batahan hiduik di udaro untuak wakatu nan lamo).

Manjago jarak fisik mungkin kurang mangkuih dalam kasus katiko infeksi ditularan tarutamo malalui aie atau makanan nan takontaminasi atau dek vektor takah rangik atau serangga lain, dan pado kasus nan labiah jarang, dari urang ka urang.

Karugian dari manjago jarak fisik dapek barupo kesepian, bakurangnyo produktivitas, dan hilangnyo manfaat lain nan bakaitan jo interaksi manusia.

Sijarah[suntiang | suntiang sumber]

Salah satu rujuakan dari maso sasiuak tantang manjago jarak fisik datang dari Nabi Muhammad. Nabi mamparingekan umaiknyo untuak indak dakek jo wilayah nan sadang kanai wabah dan sabaliknyo kok barado di dalam tampek nan kanai wabah ditagahan untuak kalua.[2][3]

Manuruik sijarah, koloni pandarito kupaik jo lazareto dibangun sabagai caro untuak managah panyebaran kupaik dan panyakik manular lainnyo malalui manjago jarak fisik, sampai metode panularan panyakik nan tun dipahami dan pangobatan nan mangkuih batamu

Contoh[suntiang | suntiang sumber]

Managah puncak infeksi nan tajam, nan dikenal sabagai maratoan kurva epidemi, mambantu managah layanan kasehatan mangalami kawalahan, sarato manyedioan labiah banyak wakatu untuak pangembangan vaksin atau pangobatan. Manyebarkan infeksi dalam jangka wakatu nan labiah lamo mamungkinkan layanan kasehatan untuak mangelola volume pasien dengan labih baik.[4]
Ilustrasi nan manunjuakan pantingnyo manjago jarak fisik sajak awal.

Babarapo contoh manjago jarak fisik nan digunoan untuak mangandalian panyebaran panyakik manular:[5]

  • panutupan sikolah (proaktif atau reaktif),[6]
  • panutupan tampek karajo,[7] tamasuak panutupan bisnis jo layanan sosial nan "indak esensial" (Istilah "indak esensial" mukasiknyo fasilitas nan tun indak punyo paran dalam fungsi utamo masyarakaik, dan marupoan lawan dari layanan esensial),
  • isolasi,
  • pangasiangan (karantina),
  • cordon sanitaire,
  • sekuestrasi protektif,
  • pambatalan partamuan massal takah acara olahraga, film, atau partunjukan musik,
  • manutuik atau mambatasi trasportasi umum,
  • panutupan fasilitas rekreasi (kolam ranang komunitas, klub pemuda, gimnasium),
  • tindakan "malindungi diri" untuak individu tamasuak mambatasi kontak tatap muko, malakuan bisnis malalui telepon atau dalam jaringan (daring), maindari tampek umum jo mangurangi parjalanan nan indak paralu, sarato
  • indak basalaman wakatu manyapo urang.

Karugian[suntiang | suntiang sumber]

Karugian dari manjago jarak fisik mancakup kesepian, bakurangnyo produktivitas, dan hilangnyo manfaat lain nan bakaitan jo interaksi manusia. Di nagara barkembang nan indak manggunoan teknologi jarak jauh jo alat palindung diri indak sacaro luas, acok bana labiah sariak bagi masyarakaik untuak mamantau kasehatan anggotanyo.

Rujuakan[suntiang | suntiang sumber]

  1. Johnson, Carolyn Y.; Sun, Lena; Freedman, Andrew (2020-03-10). "Social distancing could buy U.S. valuable time against coronavirus". Washington Post. Diakses tanggal 2020-03-11. 
  2. http://www.theonlyquran.com/hadith/Sahih-Bukhari/?chapter=71&hadith=622&pagesize=10
  3. "Book of Medicine - Sahih al-Bukhari - Sunnah.com - Sayings and Teachings of Prophet Muhammad (صلى الله عليه و سلم)". sunnah.com. Diakses tanggal 2020-03-16. 
  4. Wiles, Siouxsie (9 March 2020). "The three phases of Covid-19 – and how we can make it manageable". The Spinoff. Diakses tanggal 9 March 2020. 
  5. Pueyo, Tomas (2020-03-12). "Coronavirus: Why You Must Act Now". Medium (dalam bahasa Inggris). Diakses tanggal 2020-03-12. 
  6. Closure of schools during an influenza pandemic. 
  7. The Impact of Workplace Policies and Other Social Factors on Self-Reported Influenza-Like Illness Incidence During the 2009 H1N1 Pandemic.