Main Genggong

Main Genggong adolah pamainan tradisional nan dimainan dek anak nagari wakatu patang ari atau wakatu senggang di hari libur di Kabupaten Pesisir Selatan. Genggong adolah batu bulek atau batu pipih nan dilatak an di bahu kaki sabalah suok atau kida sambia bajalan lalu bajalan jo ciek kaki. Kaki ciek lai mambaok batu tu ka garih nan alah dibuek atau nan alah disepakati basamo.

Nan patamo dari pamainan genggong adolah mambuek garih Star dan garih Finish sacaro basamo sasuai jo kesepakatan basamo. alah tu masiang-masiang pamain maampok an genggong ka garih Finish sacaro baganti. alah batu diampok an ma nan dakek ka garih Finis mako inyo nan dapek mamulai pamainan jo manggendong lawannyo. Batu lawan dilatak an di ateh garih FInish lalu inyo manggenggong dan mahantam batu lawan tadi jo batu nan ado di ateh bahu kakinyo jo bajalan ciek kaki. Kok hantamannyo jauah dari garih Finish kanai batu lawan mako inyolah nan jadi pamanangnyo.Masiang-masiang pamain ado kesempatan untuak manggenggong sabanyak duo kali atau sakali tagantuang kasapakatan basamo.

Kok inyo barasil manggenggong lawannyo mako inyo jadi juara dan lawannyo harus manggendong lawannyo tadi ka arag garih Finish dan baliak ka garih Star sabanyak sakali atau duo kali putaran. Main Genggong ko dimainkan dek anak laki-laki di Painan Timur wakatu patang hari sabalun mandi ka sungai. Genggong atau batu tu diambiak dari sungai nan ado di kawasan Painan Timur nan dilalui Sungai Timbulun nan aianyo janiah nan didasarnyo ado batu-batu ketek maupun gadang. Fungsi sosial dari pamaian ko untuak mangambangkan sportivitas, kesabaran dan raso pacayo diri. Sasudah mainan ko salasai mako batu tadi dibaok pulang untuak digunoan pamainan nan lainnyo.